ЯҢАЛЫКЛАР
2019 елның 27 августында Буа районы ГХАТ бүлегендә 200-нчы нарасый бала теркәлде. Бәләкәч 21 август көнне Яшел Үзән шәһәрендә беренче авызын салды. Бәхетле әти-әниләр Далер исеме куштылар. “Далер” исеме төрек-таҗик теленнән алынган – кою, үткел, акыллы дигән мәгънәгә ия.
27 август көнне Кукмара шәһәренең Никахлашу сараенда «Ныклы гаилә» федераль партия проектын тормышка ашыру кысаларында алтын юбилярларны котлау, шулай ук «Кукмара муниципаль районында Гаилә-никах мөнәсәбәтләре үзенчәлекләре» темасына түгәрәк өстәл узды. Чарага зур гаилә стажы булган гаиләләр, шулай ук берничә көн элек кенә никахларын теркәгән парлар чакырылган иде.
24 август көнне Республика көне уңаеннан Теләче район узәк ял паркында бәйрәм чаралары булып үтте. «Туган ягым - гөлләр иле» дип исемләнгән бәйрәм концерты, «Татарстан голлэр иле- мин дэ шунын бер голе», Республика коне унаеннан ТАССР нын 100 еллыгына багышлап оештырылган кургэзмэлэр оештырылды. Әлеге чарада казан кунагы, «Татарстан халыклары Дуслык Йорты» директоры Шәрипов Ирек Илдус улы катнашты. Район халкын бәйрәм белән котлап изге теләкләрен җиткерде.
Акбаш авылыннан Румия Ахунова һәм Илдар Закиров, кайгыда да, шатлыкта да гел бергә булырга дип бер-берсенә ант итеп, алтын балдаклар алышты. Аларны бу шатлыклы һәм бәхетле көннәре белән Татарстан Республикасы Ютазы муниципаль районы башкарма комитетының загс бүлеге начальнигы Гүзәлия Фәхертдинова тәбрик итте.
Ютазы районы социаль яклау бүлеге начальнигы Зәрия Рәшитова һәм Татарстан Республикасы Ютазы муниципаль районы Башкарма комитетының ЗАГС бүлеге җитәкчесе Гүзәлия Фахуртдинова Урыссу бистәсендә яшәүче хезмәт ветераны Мария Дмитриевна Балаеваны 95 яшьлек зур юбилее белән тәбрик итте.
2019 елның 24 августында Республика көне алдыннан Казан Кремлендә Татарстан Республикасы Президенты Рөстәм Миңнеханов һәм аның хатыны Гөлсинә Миңнеханова исеменнән Татарстан Республикасының иң яхшы гаиләләрен хөрмәтләүгә багышланган кабул итү мәҗлесе узды. Югары Ослан муниципаль районы исеменнән Канаш авыл җирлегеннән Вальковлар гаиләсе Николай улы Юрий һәм Александр кызы Нина катнашты. Вальковлар 29 ел бергә гомер иткәннәр.
Татарстан Республикасы Президенты Рөстәм Миңнеханов һәм аның тормыш иптәше үткәргән тантаналы кабул итүдә Аксубай районын ирле-хатынлы Әхтәм Шәйдулла улы һәм Рәмзия Гомәр кызы Насртдиновлар лаеклы рәвештә тәкъдим иттеләр.
2019 елның 24 августында Республика көне алдыннан Казан Кремлендә Татарстан Республикасы Президенты Рөстәм Миңнеханов һәм аның тормыш иптәше Гөлсинә Миңнеханова исеменнән кабул итү мәҗлесе узды. Теләче муниципаль районын Баландыш авылыннан укытучылар гаиләсе Алмаз һәм Гөлнара Заббаровлар тәкъдим итте. Теләче районының горурлыгы булган Заббаровлар гаиләсенең гомуми педагогик стажы 128 ел тәшкил итә.
24 август көнне Актүбә бистәсендә Татарстан нефтенең 70 еллыгы паркта барысын да берләштерә торган бәйрәм үтте. Өч бәйрәм бер зур бәйрәмгә әверелде - Татарстан Республикасы көне, Нефть һәм газ сәнәгате көне һәм Актүбә бистәсенең туган көне. Актүбәлеләрне һәм кунакларны Азнакай муниципаль районы башлыгы Марсель Шәйдуллин,Азнакай районы буенча Татарстан Республикасы Дәүләт Советына депутатлыкка кандидат Рөстәм Мөхәмәдиев, бистә башлыгы Роза Галеева котладылар.
Шәһәр көнен бәйрәм итү кысаларында Баулылар өчен бик күп кызыклы чаралар оештырылды. "Ватан" паркында фонтан атты, шунда ук төрле конкурслар: коляскалар парады, "могҗиза-малютка" курчак коляскалары конкурсы, вело-парад һәм радио белән идарә ителә торган машиналарда узышлар үз эченә алган гаиләләр фестивале узды.