ЯҢАЛЫКЛАР

     1 сентябрьдән башлап Буа шәһәренең гомуми белем бирү мәктәпләрендә “Минем кечкенә Ватаным” дәресе кысаларында “Минем тамырлар” дигән яңа проект башланды. Бу проектның оештыручылары Буа шәһәренең белем бирү идәрәсе, ГХАТ бүлеге, туган якны өйрәнү музее, ветераннар советы. Проект кысаларында район һәм шәһәр тарихын, үзеңнең тамырларыңны өйрәнү, шәҗәрә төзү, “Урам бәйрәме” уздыру, музей, ГХАТ бүлегенә экскурсияләр, сугышта катнашкан ветераннар белән очрашу, озак, парлы яшәүче юбилярлар белән очрашу каралган. ГХАТ бүлеге җитәкчесе Г.М.Хәкимова һәм музей директоры Л.М.Ахметзянова 2 сентябрь көнне шәһәрнең 1 нче мәктәбендә узган “Минем кечкенә Ватаным” дәресендә катнаштылар. “Минем тамырлар” проектының программасына үзгәрешләр керттеләр, укучылар алдында максатлар куйдылар.

Җыенда  Алексеевск муниөипаль районы башлыгы  В.К.Козонков, Министрлар Кабинеты идарәсе җитәкчесе Э.А.Зарипова, Татарстан Республикасы президентының социаль сораулар буенча ярдәмчесе Т.П.Ларионова катнаштылар һәм чыгыш ясадылар. Җыенда катнашучы халык район җитәкчеләренә үзләренең теләкләрен җиткерделәр, сорауларын бирделәр. 

      2014 елның 01 сентябрендә Буа районы ГХАТ бүлегендә тантаналы рәвештә Россияның яшь гражданнарына паспортлар тапшыру чарасы узды. Тантанада зур хөрмәткә лаек, районда үзенең хезмәте белән ихтирам яулаган ветеран, отставкадагы подполковник, бүгенге көндә дә район ветераннар советы рәисенең урынбасары вазифасын башкаручы Касыйм Вәлиулла улы Абдуллин катнашты, һәм яшьләргә үзенең теләкләрен җиткерде: - “Туган җирегезне онытмагыз, тырышып укыгыз, матур эшләр эшләп, бу җирдә үз урыныгызны табыгыз. Илебезнең чын гражданнары булыгыз!”.

Класс җитәкчесе З.М.Кәлимуллина “Мин үземнең кече Ватанымны беләмме?” уен-викторинасын   оештырды. ЗАГС бүлеге җитәкчесе Р.И.Насыйбуллина укучыларга эшчәнлекләре, районыбызда күп балалы, күпмилләтле үрнәк гаиләләр турында сөйләп китте. Бирегә шулай ук Татарстанның атказанган укытучысы, тарих һәм җәмгыять укытучысы, мәктәпнең музей директоры Г.Х.Насыйбуллина да чакырылгын иде.  Гөлнур Хәйдәр кызы Апас районы, аның тарихы турында, тардицияләр һәм гореф-гадәтләр турында, Апас районының танылган кешеләре, шәхесләре турында сөйләп үтте. Чара ахырында укучылар үзләренең кече Ватаннарын рәсемгә ясадылар.

2014 елның 2 сентябрендә Район Башлыгы Р.Ш.Рахматуллин районыбызның үрнәк гаиләләрен танатанылы рәвештә чәй өстәле артында кабул итте. Комиссия тәкъдиме белән бу чарага 31 пар чакырылды.  Алар арасында  авыл хуҗалыгы өлкәсендә, белем бирү, сәламәтлекне саклау системаларында эшләүчеләр, күп балалы, тәрбиягә алучы гаиләләр бар иде. Бу болгавыр заманда авырлыкларны җиңеп чыгып, тату, үрнәк гаилә традицияләрен саклап кала белгәннәр алар. Бу парларның гаилә мөнәсәбәтләренең ныклыгы серләре яшьләргә тапшырылып, алга таба көчле, бәхетле кавемнәр барлыкка килсен иде. Барлык гаилә парларына да зур хөрмәт белән Район Башлыгының Рәхмәт хатлары тапшырылды. Чара район мәдәният йорты артистлары көче белән әзерләнгән концерт номерлары белән үрелеп барды.

“Буыннар очрашуына” ГХАТ идарәсенә булачак Түбән Кама җиренә иң беренче чана поезды белән килгән беренче юл салучылар рәтендә булган Гончаренко Клавдия Ивановна белән Николай Никонович чакырулы иде. Югары сыйныф укучылары белән Клавдия Ивановна үзенең хатирәләре белән уртаклашты. Балаларны иң җәлеп иткәне, аларга бик кызык тоелганы Түбән Кама урынында япь-ялангач кыр булганлыгы, төзелеш будкаларында кичтән йокларга яткан кызларның толымнарының стеналарга бәсләнеп, ябышып катуы, һәм төзүчеләрнең үзләре белән икешәр пар резин итек алып өйрүе булды.  Түбән Кама ГХАТ идарәсенең тарихы шәһәребезнеке белән тыгыз бәйләнгән. Гончаренко гаиләсе тууының шаһиты булган актлар язуы ГХАТ идарәсенең архивында саклана. 53 ел элек Клавдия Ивановна белән Николай Никоновичның йөгерек тормыш сукмаклары бергә тоташа, ике йөрәк бер булып тибә башлый.

     2014 нче елның 2 нче сентяберендә Мамадыш районы ГХАТ бүлегендә яңа гына 14 яше тулган укучыларга паспортларны тапшыру тантанасы узды.

      14 яше тулган 15 мәктәп укучылары өчен бу көн мәңгегә истә калыр мөгаен.

Яңа өйләнешүчеләр Дарина Редькина һәм Артур Зарипов залга күпсанлы туганнарын һәм дусларын ќыйдылар. Никах теркәү тантанасын ЗАГС бүлеге начальнигы Фаина Козырева алып барды. Чакырылган почётлы кунаклар яшь парны ихластан котладылар һәм гаилә бәхете теләделәр.

Дарина һәм Артур никахлашу залының баскыч төбендә ак күгәрченнәрне һавага очырдылар, өйләнешүчеләрне традиция буенча роза чәчәкләре таќларына күмделәр.

Бөек Ватан сугышы елларында Алабуга районының Танайка авыл тыл хезмәткәрләре фронтка 1 миллион 20 мең сум акча җыеп җибәрә. Ул вакытта бу акчага 12 сугыш самолеты җыерга мөмкин булган. Бик тиз арада җыелган 500 мең сум акча өчен авыл хезмәткәрләренә Сталин үзе рәхмәт белдергән. Аның җибәргән телеграммасының нөсхәсе мәктәп музеенда саклана.

Шушы вакыйганы үсеп килүче буынга оныталмаслык булсын дип, Танайкада сентябрь аенда бик зурлап памятник ачылды. Тантанада олысы, кечесе, бик күп кунаклар катнашты.

1 сентябрь көне муниципаль бюджет гомуми белем бирү учреждениясе “Югары Ослан  урта  белем бирү мәктәбе” ндә тантаналы  төстә  мәктәп линейкасында  14 яшь тулган Россия  гражданнарына паспортлар тапшырдылар. Белем көнендә мәктәп балалары өчен мондый зур документны кулга алу  зур бәйрәм булды,чөнки  бу танатаналы мизгелдә алар белән бергә әти-әниләре,укытучылары,дуслары һәм сыйныфташлары  аларның  шатлыкларын бүлештеләр.Татарстан Республикасында Федераль меграция хезмәте идарәсенең Югары Ослан районындагы бүлекчәсе башлыгы Марсель Давлетшин паспортны тапшырганда балаларны бу истәлекле  көн       белән котлады, аларга паспортларын кадерләп сакларга, Россия Федерациясе гражданинының  хокук һәм бурычларын үтәүләрен,укуларында уңышлар һәм киләчәккә ышаныч белән карауларын теләде.Югары Ослан районы башкарма комитетының ГХАТ бүлеге җитәкчесе Наталья Кадырова да  мәктәп балаларын беренче паспорт алулары белән котлады һәм аларга истәлекле  бүләкләр тапшырды.Тантаналы вакыйга барышында яшь гражданнарны бу истәлекле вакыйга белән әти-әниләре,сыйныф җитәкчеләре котладылар. Паспорт алган көнне кеше үз гомерендә иң әһәмиятле көн дип саный ала. Ышанасы килә - бу көн яшь гражданнарның да күңелләрендә сакланыр.