ЯҢАЛЫКЛАР
2014 елның 11 нче октябрендә Казан шәһәре ГХАТ идарәсе хезмәткәрләре «Спортлы Казан – 2014» муниципаль хезмәткәрләре Спартакиадасының 1нче этабында катнаштылар. Спартакиада «Хезмәт резервлары» стадионында үтте. Ярышлар 4 төрдә булды: велоспорт, җиңел атлетика, күңелле стартлар һәм ГТО нормаларын тапшыру.
Бу көнне үзләренең 70,80,90 яшьләрен һәм 2014 нче елның 21 сентябрендә 50 ел бергә гомер иткән-алтын туйларын билгеләп үткән Кирсанов Юрий Яковлевич һәм Кирсанова Нина Павловналарны котладылар.
Тәбрикләу очен башкарма комитеты житэкчесе Малюков Айрат Ринатовичка сүз бирелде.Ул барлык килгән кунакларны өлкәннәр коне белән котлады һәм МР башлыгы Зөфәр Гарәфиев исеменнән алтын юбилярларга рәхмәт хаты тапшырды.Шулай ук Красновидово авыл җирлеге башлыгы Оленин Владимир Павловичта юбилярларны котлады һәм аларга бүләкләр тапшырды.
Өлкәннәр декадасында Чистай муниципаль районының ЗАГС бүлеге хезмәткәрләре бүлек ветераннары: Надежда Михайловна Лоханованы һәм Рәмзия Рәшит кызы Галимованы көзге бәйрәм белән котладылар. Намуслы, фидакарь хезмәтләре өчен алар адресына рәхмәт сүзләре яңгырады. Шулай ук аларга ныклы сәламәтлек, иминлек, киләчәктә дә уңышлар теләделәр. Һәрберсенә кечкенә генә бүләкләр тапшырылды.
2014 елның 10 октябрендә Арча муниципаль районының Яңа Кенәр авыл җирлегендә экстремизмга каршы көрәшкә багышланган түгәрәк өстәл узды. Оештыручылар –җирле үзидарә органнары, клуб һәм мәгариф хезмәткәрләре.Катнашучылар – авыл җирлеге составына кергән укучылар активы.
10 октябрь көнне Теләче авылында агач утырту көне булды. Әлеге чарада Башкарма комитетның барлык хезмәткәрләре дә катнашты. Бу көнне барлыгы 650 төп агач утыртылды, аларның 400 төбе - миләш,250 төбе - юкә агачлары.
Минзәләдә муниципаль хезмәткәрләре Спартакиадасының зона туры узды.Ярышларда республикабызның Әгерҗе, Актаныш, Мөслим, Минзәлә, Тукай, Менделеевск, Алабуга һәм Мамадыш районнары муниципаль хезмәткәрләре командалары катнашты. Командалар спортның волейбол, мини-футбол, баскетбол, шахмат, җиңел атлетика, бадминтон һәм өстәл теннисы кебек төрләрендә чыгыш ясадылар. Муниципаль хезмәткәрләре арасында республика Спартакиадасының зона турында Мамадыш муниципаль районы җиңүче дип табылды. Алар инде өченче ел рәттән безнең зонада беренчелекне бирмиләр. Монда нәрсә әйтәсең, стабильлек-осталык билгесе. Безнекеләр дә сынатмады-икенче урынны яуладылар.