ЯҢАЛЫКЛАР
Алексеевск районы ГХАТ бүлегендә яңа ел хисе хөкем сөрә. Бина алдында кардан ясалган матур-матур сыннар: Кыш Бабай , әтәч һәм чеби һәр кешене каршы алып озата. Һәр яшь парны ярәшү көннәре белән Кыш бабай котлый һәм туйга чакыру кәгазьләрен тапшыра. Шулай ук, туу турында таныклыкларны да Кыш бабай зур түземсезлек белән тапшыра, яшь әти-әниләргә һәм аларның балаларына исәнлек-саулык тели һәм истәлекле бүләкләр бүләк итә.
Яңа ел алдыннан Баулыда яшәүче яшь күңелле ветеран юбилеен билгеләп үтте. Хезмәт ветераны Анна Поджидаевага 95 яшь тулды. Яшьлек еллары авыр чорга туры килгән ветеран бүгенге көндә дә оптимистик рухын югалтмый. Сугыш кырларында башын салган сөйгән ярына гомер буе тугры калган Анна Васильевна якыннарының җылысын тоеп гомер итә.
Апас районы Дәвеш авылында яшәүче Илдус Галим улы һәм Сәкинә Ибраһим кызы Саттаровларны 28 декабрьдә Кыш Бабай алтын юбилейлары – 50 ел бергә торулары белән тәбрик итте. Гаиләгә Район башлыгы исеменнән традицион бүләкләр – шәл, түбәтәй һәм рәхмәт хаты тапшырылды. Кыш бабай юбилярларга изге теләкләрен җиткерде һәм тынычлык, тигезлек теләде.
2016 елның 28 декабрендә Чирмешән муниципаль райны башкарма комитеты ЗАГСның никахлар теркәү залында, тантаналы шартларда, ана капиталына сертификатлар тапшырылды. 11 гаилә шундый сертификатлы булды. Ана капиталына сертификатларны район башлыгы урынбасары Миләүшә Батыршина һәм Пенсия фонды идарәсе начальнигы Гыймранова Гөлфия Әхәт кызы тапшырды. Миләүшә Тәүфыйк кызы бәхетле аналарны сабыйлары туу белән тәбрик итте.
28 декабрь көнне Сарман авылының район үзәк ял паркында чыршыны ачу тантанасы булды. Муниципаль район башлыгы Фәрит Хөснуллин җыелган халыкны Яңа ел белән тәбрикләде, 2016 елның нәтиҗәләре белән таныштырды.
Яңа ел бәйрәме алдыннан Тәтеш муниципаль районында Башкарма комитетның ЗАГС бүлегендә ана (гаилә) капиталына сертификатлар һәм районыбызның яңа туучы гражданнарына туу турындагы таныклыкларны тантаналы рәвештә тапшыру булды.
Районның 14 яше тулган 27 яшь гражданнарга ЗАГС бүлегендә паспорт тапшыру матур традициягә әйләндә. Аның чираттагысы Россиядә паспорт-виза бүлеге оештырылган көнендә үтеп китте.
Апас районында дан, олы хөрмәт казанган абый-апалар бихисап. Замана авырлыкларына, язмыш сынауларына каршы тора алырлык көчле сабырлыклары, тырышлыклары, олы хезмәтләре белән безнең өчен һәрчак үрнәк алар. 23 нчы декабрьдә, якынлашып килүче Яңа ел уңаеннан да район башлыгы Рәшид Заһидуллин район мәдәният йортында Бөек Ватан сугышы ветеранары, хезмәт елларында дәрәҗәле исемгә лаек булучылар, 50, 55, 60 ел бергә тигез, тату гомер итүче парлар, авыл имамнары белән очрашты.
2016 елның 27 декабрь көнендә, Яңа Ел алдыннан, Түбән Кама муниципаль районының ЗАГС Идарәсе, балалар йортында тәрбияләнүчеләр өчен хәйрия чара үткәрде.
2016 нчы елның 27 нче декабрь көнендә Саба муниципаль районы Байлар Сабасы шәһәр тибындагы бистәсендә яшәүче Мәрфуга Тимершаех кызы Садыкова үзенең 90 яшьлек юбилеен билгеләп үтте.