ЯҢАЛЫКЛАР
2016 елның 26 декабрь көнне, иң матур һәм әкияти бәйрәм - Яңа ел алдыннан, Әгерҗе шәһәренең ”Яшьлек” паркында гомумшәһәр күләмендә иң яхшы кар сынына конкурс оештырылды. Конкурста Әгерҗе шәһәренең барлык оешма-предприятиеләреннән 60ка якын кеше катнашты. ЗАГС бүлеген баш специалист Габдрахманова Айгөл Айдар кызы тәкъдим итте. Яңа әтәч елына багышлап, алар кечкенә һәм йомшак чеби ясадылар.
“Эш беткәч, уйнарга ярый” – ди халык мәкале. 27 декабрь көнне дә Алабуга районы ЗАГС бүлеге эшчеләре Яңа ел тантанасында катнашып, бик шәп күңел ачты.
Зәй муниципаль районы ГХАТ бүлегендә юбиляр парны котладылар. Бәйрәмгә 25 ел бергә гомер кичерүче Миннекаевлар гаиләсе чакырылган иде. Бу күркәм гаилә яшьләр өчен сабырлык, хисләргә тугърылык, тормышка позитив карау үрнәге булып торалар. Юбилярлар бәхетле гаилә тормышы серләрен ачып, киләчәккә яшь буынга теләкләрен җиткерделәр.
26 декабрь көнне Түбән Кама районы ГХАТ идарәсенең төп залында “Гаилә” электив курс дәресе узды. ГХАТ Идарәсенә кунакка эретеп-ябыштыру монтаж техникумы укучылары килде.
Баулы муниципаль районы башкарма комитеты ГХАТ бүлегендә “Яраткан йөрәктән, яхшы эшләр” логотибы белән, йөрәк формасында ясалган куб куелган иде. Акцияның максаты- Татарстан Республикасы балалар хосписы пациентларына ярдәм күрсәтү.
2016 елның 25 декабрендә Чистай муниципаль районының ГХАТ бүлеге Сатдаровлар гаиләсен зөбәрҗәт юбилейлары белән котлады. Алар мәхәббәттә һәм бердәмлектә 55 ел гомерләрен уздырдылар.
Актаныш районы Шәрип авылы тыл ветераны Камалова Рәйсә Муллаян кызы 90 яшь тулу уңаеннан котлаулар кабул итте. Аңа Россия Федерациясе Президенты В.Путинның котлау хаты һәм Район Башлыгының истәлек бүләге тапшырылды. Әлеге бүләкләрне ветеранга район Советы аппараты җитәкчесе А.Хаев тапшырды.
24 декабрь Әлмәт районы ГХАТ Идарәсендә алтын туй юбилярларын Фикрет һәм Галина Аблямитовларны котлау мәҗлесе узды. 50 ел бергә тормыш итү бәйрәме – гаилә өчен истәлекле, берникадәр дәрәҗәдә бөек дата да әле.
Зәй ГХАТ бүлегендә агымдагы елның бишенче пар игезәкләр тууы теркәлде. Бу искиткич вакыйга Алмаз һәм Алёна Назметдиновлар гаиләсендә барлыкка килде. Әти - әни бәләкәчләргә Эмиль һәм Эльмир дигән исемнәр бирделәр.
Киләчәк Яңа ел һәм Раштуа бәйрәмнәре алдыннан хезмәт (вазыйфаи) бурычларны үтәү белән бәйле бүләкләрне алу закон нигезендә тыелганлыкны исегезгә төшерәбез.