ЯҢАЛЫКЛАР
8 июльдә, Гаилә, мәхәббәт һәм тугрылык көнендә, Казанда әлеге искиткеч гаилә бәйрәменең символына әверелгән Петр һәм Феврония Муромскийлар һәйкәленә чәчәкләр салу тантанасы булды.
Һәйкәл янында төзекләндерелгән мәйданчык, 2018 елда ачылганнан бирле, очрашу һәм балалар белән йөрүнең яраткан урынына әверелде. Ел саен биредә яшь гаилә парлары катнашында бәйрәм чаралары уза, профессиональ һәм үзешчән артистлар, иҗат коллективлары чыгыш ясый.
2020 елның 8 июлендә Гаилә, мәхәббәт һәм тугрылык көнендә Буа муниципаль районы ГХАТ Идарәсендә Князевлар Анатолий Васильевич һәм Татьяна Михайловна гаиләсенә «Мәхәббәт һәм тугрылык өчен» медале тапшырылды. Алар быел бергә яшәүләренең 35 еллыгын бәйрәм итәләр һәм районда Гаилә нигезләре ныклыгы белән билгеле. Медальне район җитәкчесе Ранис Камартдинов тапшырды. Ранис Рафис улы юбилярларга озын һәм бәхетле гомер, нык сәламәтлек теләде һәм җирле үзидарә органнары исеменнән истәлекле бүләк тапшырды.
8 июль-Гаилә, мәхәббәт һәм тугрылык көнендә ГХАТ бүлегендә «Бәхет ромашкасы» дип исемләнгән акция узды. ГХАТ бүлеге хезмәткәрләре бу көнне административ үзәк хезмәткәрләренә ромашка бәйләме бүләк итте.
Алар йортларыбызга сөенеч һәм бәхет, әти-әниләр тормышына жылылык, бәрәкәт өстиләр. Гаиләдә сабый дөньяга килүдән дә әһәмиятлерәк чара юктыр кеше тормышында. Балтачтан Владимир һәм Татьяна Ишмурзиннар гаиләсе дә иң бәхетле мизгелләр кичерәләр. Ишмурзиннар гаиләсе хәзер күп балалы гаилә статусына лаек.
Районда юбилярларны ойләренә барып котлау матур традициягә әйләнде. Бүген, Гаилә, мәхәббәт һәм тугрылык көнендә, Арча муниципаль районы хатын-кызлар советы рәисе Гатауллина А. М. һәм "Арча шәһәре" муниципаль берәмлеге башлыгы урынбасары, Арча шәһәре Советы рәисе урынбасары Нигъмәтҗанова Г. Х. Хәбир Кәбир улы һәм Нурания Зәйнетдин кызы Әбкалеевлар гаиләсен алтын туйлары белән Камил Минҗан улы Һәм Наилә Котдус кызы Дәүләтовлар гаиләсен изумруд туйлары белән котладылар, һәм үзара аңлашып, якыннарының игътибарын тоеп яшәүләрен теләделәр. Ирле-хатынлы парлар юбилярларны хөрмәтләү китабына кул куйдылар.
Гаилә, мәхәббәт һәм тугрылык көнендә Ирек Шәрипҗан улы һәм Минирәмзия Шәйхулла кызы Вәлитовлар лаеклы бүләк – «Мәхәббәт һәм тугрылык өчен»медале белән бүләкләнделәр.
Валитовлар 46 ел бергә гомер кичерәләр. Алар үзләренең мәхәббәтләрен һәм тугрылыкларын озын тормыш юлында саклап калдылар.
Кичәнең кунаклары Актаныш авылында яшәүче Вахитов Васил Гапбделхак улы һәм Венера Нуриәхмәт кызы булдылар. Әлеге бәхетле гаилә парына Актаныш муниципаль районы Башлыгы Э.Н.Фаттахов Россия Федерациясе оештыру комитетының бәйрәм уңаеннан грамотасын хәм “Мәхәббәт һәм тугрылык“ өчен медален тапшырды. Бәйрәм тантанасын алып барган ЗАГС бүлеге җитәкчесе Г.Б.Мухамадиева Вахитовлар гаиләсенә изге теләкләрен юллады.
8 июльдә Татарстан Республикасы бөтен ил белән бергә «Гаилә, мәхәббәт һәм тугрылык көне»н билгеләп үтә.
Бу бәйрәм чагыштырмача "яшь", 2008 елдан бирле үткәрелә, ләкин ул безгә гасырлар тирәнлегеннән килгән һәм гаиләнең ныклыгын, никах институтының әһәмиятлелеген, мәхәббәт, тугрылык, гаиләнең мәңгелек кыйммәтен символлаштыра.
2020 елның 8 июлендә Россиядә «Гаилә, мәхәббәт һәм тугрылык» көне билгеләп үтелә. Гадәттәгечә, бу бәйрәм бердәмлек символы булып санала, күпләр бу дата туй көнендә дә да бәхет алып килер дип ышана.
Коронавирус йогышын (2019-nCoV) таратмау максатларында Аксубай районында барлык массакүләм чаралар гамәлдән чыгарылды. Шушы хәлләр уңаеннан Фәсхетдин Шияб улы һәм Фәридә Миншакир кызы Мифтаховлар гаиләсенә «Мәхәббәт һәм тугрылык өчен» медале бүләкләнүчеләрнең балалары һәм оныклары барында тантаналы рәвештә район башлыгы Камил Гилмановка тапшырылды. Тантанада Аксубай муниципаль районы Башкарма комитетының ЗАГС бүлеге җитәкчесе Светлана Крайнова һәм Мюд авыл җирлеге башлыгы Татьяна Зюзина катнаштылар.