Татарстан Республикасы Ведомстволары Татарстан Республикасы Министрлар Кабинетының гражданлык хәле актларын теркәү идарәсе

ЯҢАЛЫКЛАР

март, 2014 ел

пәнҗешәмбе

Зәй муниципаль районында тантаналы рәвештә Ана капиталы сертификаты тапшшырдылар

Зәй муниципаль районында ГХАТ бүлеге, Пенсия идарәсе фонды, Бердәм Россия партиясе белгечләре 2014 нче елның 6 мартында Хатын –кызлар көне уңаеннан ГХАТ теркәү бүлегенең тантаналар залында 17 гаиләгә Ана капиталы сертификаты тапшырдылар.

Буада Ана капиталы сертификатларын тапшыру тантанасы узды

6 март көнне Буа муниципаль районының ГХАТ бүлегендә Халыкара хатын-кызлар бәйрәме 8 Март алдыннан, 6 гаиләгә Ана капиталы сертификатлары тапшыру тантанасы булды. Буа район башкарма комитеты җитекчесенең социаль мәсьәләләр буенча урынбасары Л.Н. Садретдинова бәхетле ата-аналарга сәламәтлек, гаилә иминлеге теләде, һәм районда Яңа 2014 елда беренче булып туган сабыйга - Тенкәш авылыннан Федотовлар гаиләсенә истәлекле бүләк тапшырды.

март, 2014 ел

чәршәмбе

Буа шәһәрендә медицина иминиятләштерү фондының территорияль бүлеге хезмәткәрләре белән эшлекле киңәшмә узды

2014 елның 5 мартында Буа муниципаль районының ГХАТ бүлегендә Татарстан Республикасының Буа шәһәрендәге медицина иминиятләштерү фондының территорияль бүлеге хезмәткәрләре белән эшлекле киңәшмә узды.

Апас муниципаль районында тантаналы шартларда паспортлар тапшырылды

Апас район Советының зур утырышлар залында 14 яше тулган 22 яшь апаслыга тәүге паспортлары тантаналы шартларда тапшырылды. Бу матур, дәвамлы традиция районда узган елның август аенда гамәлгә керде, монысы – җиденчесе. 7 айда 275 яшь апаслы әнә шундый тантанага чакырылды.

2014 елның 5 мартында Минзәлә районы Югары Тәкермән мәдәният йортында 14 яше тулган яшь гражданнарга паспорт тапшыру чарасы зур тантана рәвешендә үтте

Әлеге вакыйганың шаһитлары арасында район кунаклары, авыл халкы, укытучылар, укучылар һәм ата-аналар бар иде. Паспортларны тантаналы төстә тапшыруны район башлыгы Айдар Фаслахович Салахов бик теләп үзе башкарды.. Паспортлы булу киң мөмкинлекләр белән бергә гаҗәеп зур җаваплылык та икәнлеген искәртеп, районыбыз башлыгы 8 укучыга Россия Федерацисе гражданины паспортын тапшырды. Аңа кадәр Югары Тәкермән авыл җирлеге башкарма комитеты секретаре А.А.Шарипова паспорт тарихы турында сөйләде, укучыларга матур теләкләр теләп, зур өметләр баглады. Тантана ахырында авыл җирлеге башлыгы Мухамадеев И.И. паспорт ияләренә бүләкләр тапшырды, котлау сүзләрен җиткерде.

март, 2014 ел

сишәмбе

“Казан” гаилә үзәгендә ана капиталы сертификаты тапшырылды

“Казан” гаилә үзәгендә халыкара хатын-кызлар бәйрәме 8 март алдыннан, 7 гаиләгә ана капиталы сертификаты тапшырылды.

Тантанада барлык ата-аналарга балаларының исемнәренә аңлатма бирделәр.

“Казан” гаилә үзәгендә беренче тапкыр тантаналы рәвештә яшьүсмерләргә паспортлар тапшырылды

2014 елның 4 мартында “Казан” гаилә үзәгендә беренче тапкыр тантаналы рәвештә яшьүсмерләргә паспортлар тапшырылды. Шушы бәйрәм паспортның ничаклы иһтимал булуын аңлата, яшьүсмерләрдә туган җиренә карата горурлык һәм патриотизм хисе тәрбияли.

Татарстан Республикасы Мәгълүматлаштыру һәм элемтә министрлыгында эшлекле киңәшмә

4 нче мартта Татарстан Республикасы Мәгълүматлаштыру һәм элемтә министрлыгында Татарстан Республикасы АИС ЗАГС үсешенә кагылышлы сораулар буенча эшлекле киңәшмә узды.

Әлеге киңәшмәдә Татарстан Республикасы Министрлар Кабинеты ГХАТ идарәсе башлыгы урынбасары Б.Т. Хафизов катнашты.

«Гражданлык хәле актларын теркәү: закон нигезләре, хәзерге тенденцияләр һәм көнүзәк проблемалар» программасы буенча Татарстан Республикасы ГХАТ органы хезмәткәрләренең квалификациясен арттыру курслары

2014 елның 4 - 14 нче март аралыгында Казан (Идел буе) федераль университет җирлегендә дәүләт буенча гражданлык хәле актларын теркәү буенча федераль вәкаләтләрнең тиешле сыйфатта башкарылуын тәэмин итү максатыннан Татарстан Республикасы ГХАТ органы хезмәткәрләрен «Гражданлык хәле актларын теркәү: закон нигезләре, хәзерге тенденцияләр һәм көнүзәк проблемалар» программасы буенча укыту оештырылды.

Программма дәресләре 72 сәгатькә исәпләнгән, федераль һәм республика законнарындагы соңгы үзгәрешләрне күздә тота, һәм гражданнар, граждан-процессуаль, гаилә законнары буенча белемнәрне яңартуга һәм системалаштыруга, идарә итү психологиясе сорауларын, рәсми язышу алып бару кагыйдәләрен өйрәнүгә юнәлгән.

Баулы районы Покровксий Урустамак авылында туйлар

Язның иң беренче бәйрәме алдыннан Покровский Урустамак авылында туйлар гөрләде. Безеновлар гаиләсендә берьюлы ике туй бәйрәме үтте. Виталий һәм Мария яңа гаилә корып әти-әниләренең “көмеш” туйларына зур бүләк ясадылар. Александр Васильевич һәм Елена Михайловна балалары да алардан үрнәк алып бәхетле, тату гаилә корырлар дип ышаналар.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ