ЯҢАЛЫКЛАР
Бәйрәмнең рәсми өлешен бүлек җитәкчесе Л.М.Григорьева башлап җибәрде. ЗАГС хезмәткәрләрен бәйрәм белән котлаганнан соң, ул аларга Алабуга башкарма комитеты җитәкчесе, Министрлар Кабинеты ГХАТ идарәсе башлыгы Э.А.Зарипова исеменнән Мактау грамоталары тапшырды. Бәйрәм хезмәткәрләрнең үзләре әзерләгән бәйгеләре, тамашалары белән дәвам итте.
Язгы бәйрәм алды 7 март көнендә Түбән Кама муниципаль районы ГХАТ идарәсендә никах теркәү тантанасына килгән гүзәл затларны көтелмәгән сюрприз белән каршы алдылар. Никахлашу тантанасы ахырында ГХАТ идарәсе белгечләре залдагы иң гүзәл зат - кәләшне нәфис чәчәкләр белән тиңләп, аңа ләләләрдән торган букет белән берлектә иң җылы теләкләрен җиткерде.Йөзләре бәхет-шатлыктан балкыган кәләшләр исә, рәхмәт сүзләрен кызганмадылар. Аларның әниләре, апа-әбиләре, гомумән тантанага килгән барлык хатын-кызлар да назлы, җылы сүз-теләкләрдән уңай тәэсирләр алып, елмаюларын безгә бүләк итеп киттеләр.
Татарстан Республикасы Икътисад, Мәгълүмат һәм элемтә министырлыклары оештырган әлеге укуларда 50 дән артык җитәкчелек органнары һәм Татарстанның 7 муниципаль районында эшләүче Күпфункцияле үзәкләрнең белгечләре катнашты (Азнакай, Биектау, Яшел Үзән, Алабуга, Мамадыш, Түбән Кама муниципаль районнары).Укулар барышында Мәгълүмат һәм элемтә министырлыгы белгечләре АИС МФЦ системасының функцияләрен, әлеге система белән гариза кабул итүнең уңайлы якларын күрсәттеләр.
Май чабу йоласының төп атрибуты булган зур коймаклар белән каршы алдылар 1 март көнне никахлашырга килүче парларны Түбән Кама муниципаль районы ГХАТ идарәсе белгечләре.Якты язгы кояшны хәтерләткән җылы түгәрәк коймаклар,хуш исләре белән ымсындырып торучы бал, авызда эреп торучы каймак белән бу көнне 16 пар кияү белән кәләш тәмләп чәй эчте. Әйтергә кирәк, аларның барысы өчен дә мондый каршы алу көтелмәгән булса да, күңелләрендә рәхмәт хисләре уятып, аларны тагын да канатландырып, дәртләндереп җибәрде.