ЯҢАЛЫКЛАР
Кайбыч муниципаль районының Кошман авылы мәдәният йортында узган елның 1 ноябреннән агымдагы елның гыйнварына кадәр дәвам иткән, “Җиде буын бабаңны беләсеңме?” дигән бәйгенең йомгаклау кичәсе узды. Бу бәйге балаларда да, өлкәннәрдә дә зур кызыксыну уятып, үткәннәргә борылып карап, моңа кадәр белмәгән буыннарны ачыкларга этәргеч биргән, элек сирәгрәк аралашкан туганнарның арасын якынайткан.
Беренчедән, бу районыбызның яңадан торгызылуына 25 тулу белән бәйле булса, икенчедән, анда янәшәбездә яшәүче, эшләүче райондашларыбыз чыгыш ясый. Аларның күбесе безнең хезмәттәшләребез, ул-кызларыбыз, күршеләребез, туганнарыбыз. Шуңа да ул тамашачы күңеленә якын, кадерле.
10 февраль көнне әлеге фестиваль кысаларында Олы Мәтәскә авыл җирлеге үзешчәннәре чыгыш ясады. Һәм ул зур уңыш белән үтте. Һәр үзешчәннең чыгышы тамашачыларның көчле алкышларына лаек булды.
Әлмәт муниципаль районы башлыгы Айрат Хайруллин инициативасы буенча шәһәр һәм район җитәкчеләре катнашында 2016 ел башыннан ачык дәресләр үткәрелә. ГХАТ идарәсе җитәкчесе Гүзәл Амирова бүген 24нче мәктәпнең 5 сыйныфында “Катнаш саннарны кушу һәм алу” темасына математика ачык дәресендә булды. Математика укытучысы Яманаева Вера Семён кызы үзенең күпъеллык тәҗрибәсе белән уртаклашты. Дәрес ахырында Гүзәл Амирова укучылар белән аралашты, алар белән логик мәсьәләләр чиште. Дәрес бик кызык үтте.
Казанга эш визиты белән Воронеж өлкәсендә кеше хокуклары буенча вәкаләтле вәкил Татьяна Зражевская һәм Воронеж өлкәсе ГХАТ Идарәсе җитәкчесе Марина Севергина килеп китте.
Николай Степанович Носач 95 яшьлек юбилеен билгеләп үтте. Бөек Ватан сугышы инвалиды, бик күп орден һәм медальләр кавалеры тик бер бүләк турында гына хыяллана – Россия гражданлыгы.
Данияр һәм Ангелина Гайсиннар сабыйның дөньяга килүен зур түземсезлек белән көттеләр. Булачак балаларга алдан ук исемнәр улаганнар.Алар, Ангелина балага узгач, малайга Ян исемен уйлап таптылар. Әмма икенче УЗИ бәхетле парның кыз булуын күрсәтте һәм кызга Яна исемен бирү турында уйлаганнар. Ангелина бер атна бала табыр алдыннан социаль челтәрләрдә Яна исемле матур кыз күрә. Аның Мия исемле апасы булу турында ачыкланды. “Миңа бу исем шундый ошады”, – дип сөйли яшь ана. Иренә шулай ук бу исем күңеленә хуш килде.
2016 елның 9 февралендә Бөек Ватан сугышы ветераны Рахимҗан Вафин 90-яшьлеген каршы алды. Булдырылган матур традиция буенча юбилярны котларга дип район башлыгы урынбасары, Әлмәт муниципаль районы Совет җитәкчесе урынбасары Наҗия Хайдарова, мәгариф бүлеге һәм массакүләм мәгълумат чаралар вәкилләре килде. Наҗия Мисбаховна Әлмәт муниципаль районы башлыгы Айрат Хайруллин исеменнән Рахимҗан Мингать улын юбилее белән котлап аңа озын гомер, нык сәламәтлек теләде, килгән кунаклар үзләренең бүләкләрен тапшырды.
Бүген Баулы районы Хансөяр авылында алты бала Әнисе 90 яшьлек юбилеен билгеләп үтте. Мәрьям Нуретдин кызы Мөрсәлимова акыллы, хезмәт сөючән 6 бала тәрбияләп үстергән. Бүген ул 14 оныгына, 18 оныкчыгына яраткан дәү әни.
Сәгыйть Фәхретдиновка 1943нче елдан 1949нчы елга кадәр кызыл Армия сафларында авыр хезмәт үтәргә туры килгән.
- Мин сугышта һәм сугыштан калган хәрәбәләрне җыештыруларда да катнаштым. Аягым яраланды. Сугыштан мин кайтканда әти-әнием вафат, өебез юк иде инде. Абыйлар өенә кайттым. Рәхмәт аларга, карап, тәрбияләп мине аякка бастырдылар. Үземнең тырышлыгым аркасында МСО-га мастер, прораб дәрәҗәсенә күтәрелдем. Гомерем буе шунда эшләдем, - ди ветеран.
9 февраль көнне, Попечительлек советы председателе буларак, Тәтеш муниципаль районы Башкарма комитетының ЗАГС бүлеге начальнигы Л.М.Дианова картлар һәм инвалидлар өчен булган Тәтеш интернат йортында булды. ”Хөрмәтле ветераныбыз” акциясе кысасында Л.М.Дианова мондагы яшәү шартлары белән танышты, интернат йорты директоры Людмила Самаркина белән берлектә тылда эшләгән ветераннар бүлмәсе интерьерын яхшырту, ягъни өй шартларыны якынлаштыруны планлаштырдылар. Интернат йортта яшәүчеләр үзләрен кызыксындырган сорауларын бирделәр, ягъни ничек итеп туганнарын табарга, аларның ничек исәнлекләрен белергә һәм башка шундыйрак сораулар, шулай ук интернаттагы тормышлары турында да сөйләделәр.