ЯҢАЛЫКЛАР
Гражданлык актларын теркәү залында Ютазы районында тантаналы төстә Бәйрәкә авылыннан Динара һәм Роман Самсоновлар никахлашты. Бу көнне бәхетле яшь гаиләне район башкарма комитеты җитәкчесе урынбасары Светлана Самонина тәбрик итте, яшьләргә «ТАССР төзелүгә 100 ел» медале һәм истәлекле бүләк тапшырды.
Минзәләдә 17 гыйнвар көнне 2020 елның беренче гаиләсенең никахы теркәлде. Елның иң беренче пары – Регина Галиева белән Роберт Полховскийның законлы теркәү тантанасында яшьләрнең әти-әниләре, якыннары, туганнары, дуслары да катнашты.
2019 елның 17 гыйнвар аенда Әлмәт шәһәре ГХАТ Идарәсе белгечләре белән 100 бала туу турында акт теркәлде. 2020 елнын 9 гыйнвар көнне Агафонов Антон Михаил улы һәм Сафина Алия Айдар кызы гаиләсендә кыз бала туган. Балага матур Милана исеме кушылды.
Нургаяз Нурлыгаян улы һәм Минзилә Габдулла кызы Усмановлар гаиләсен 50 яшьлек юбилее белән Азнакай районы башлыгы урынбасары Наҗәт Нәгыймов, Татарстан Республикасы Дәүләт Советы депутаты Таһир Һадиев котладылар.
2020 елның 17 гыйнварында Татарстан Республикасы Министрлар Кабинетының гражданлык хәле актларын теркәү идарәсендә Карелия Республикасы ГХАТ Идарәсе башлыгы Михаил Владимирович Ковалев булып китте.
16 гыйнварда Татарстан Республикасы Министрлар Кабинетының ГХАТ идарәсе коллегиясенең киңәйтелгән утырышы узды. Идарә башлыгы Г.Р. Нигъмәтуллина, Татарстан Республикасы ГХАТ органнары эшчәнлегенә йомгак ясап, 2019 елда 131 меңнән артык гражданлык хәле актлары теркәлүен, 417 меңнән артык башка юридик яктан әһәмиятле гамәл башкарылуын хәбәр итте.
2020 елның 16 гыйнварында Казанда Түбән Кама муниципаль районы ГХАТ Идарәсе белгечләрен бүләкләделәр.
2020 елның 16 гыйнварында Казанда коллегиянең киңәйтелгән утырышы узды, анда Татарстан республиканың ЗАГС органнарының узган елдагы эшчәнлегенә йомгак ясалды.
Минзәлә шәһәрендә яшәүче Александр Николай улы һәм Галина Сергей кызы Федотовлар гаиләсе шушы көннәрдә зур юбилей – 50 ел бергә гомер итүләрен билгеләп үттеләр. Бу гаилә шәһәр халкы арасында зур игътирамга лаек.
Тукай районында йөкле хатын-кызлар катнашында ана булуга әзерлек буенча беренче дәрес узды. Дәрес Тукай район үзәк хастаханәсендә социаль ярдәм үзәге психологы тарафыннан гаиләгә һәм ата-аналарга әзерлек буенча төрле структураларның ведомстволар хезмәттәшлеге кысаларында оештырылды.