ЯҢАЛЫКЛАР
Түбән Кама муниципаль районы ГХАТ Идарәсендә иң дулкынландыргыч чараларның берсе - исем кушу тантанасы булып узды.
Бөгелмә шәһәренең 240 еллык юбилее елында Бөгелмә район үзәк хастәханәсенең бала тудыру йортында 240нчы яңа туган баланы тантаналы рәвештә өенә озату булды. 3150г авырлыктагы кыз бала Лилия Риф кызы һәм Руслан Җәмил улы Нигъмәтҗановлар гаиләсендә туды.
“Комсомол туе” – совет чорларында бик популяр булган күренеш. Мамадыш шәһәре ГХАТ бүлегенә алып киленгән фотода, 1971 нче елның ахырында “Таң” колхозында ел дәвамында язылышкан парларны күмәкләп тәбрикләү күренеше төшерелгән. Әйтергә кирәк, бу хәзерге заман “Яшь парлар” парадының прототибы. Әлеге кичәгә парлар янәндән туй күлмәкләрен, костюм-чалбарларын киеп килгәннәр.
21 апрель көнне Бөгелмә шәһәре мэриясендә җирле үзидарә көненә багышланган тантаналы чара узды, анда шәһәр хакимияте, авыл җирлекләре, район учреждениеләре муниципаль хезмәткәрләре, шулай ук ветераннар чакырылган иде. Гадәттәгечә, җирле үзидарә көненә багышланган тантаналы җыелышта иң яхшы муниципаль хезмәткәрләрне бүләкләделәр.
Баулы районында җирле үзидарә хезмәткәрләре көненә багышланган чара узды. Чара башында муниципаль хезмәткәрләрне Баулы муниципаль районы башлыгы Рамил Хакимулла улы Гатиятуллин котлады.
Казан шәһәре ГХАТ Идарәсенең баш белгече Гүзәл Мөхетдинова белән очрашуда 22 яшь пар катнашты. Ул яшь парлар алдында «Гражданлык хәле актларын теркәү органнарының гражданлык хәле актларын теркәүдәге роле» дигән темага чыгыш ясады, гражданлык хәле актларының барлык төрләре турында сөйләде, никахлашу йоласы буенча барлык кызыксындырган сорауларга җаваплар бирде.
2021 елның 20 апрелендә, Нурлат муниципаль районында йөзенче бала туу теркәлде. Сергей һәм Светлана Трофимовлар гаиләсендә көтеп алынган уллары-Игнат туды.
Җирле үзидарә органнарына туган йортның социаль һәм икътисади үсеше өчен зур җаваплылык йөкләнгән. Җирле үзидарә органнары эшенең нәтиҗәлелеге күп очракта муниципаль хезмәткәрләрнең халык проблемаларына һәм карашларына битараф булмаган, сизгер мөнәсәбәтенә бәйле. Җирле үзидарә көне алдыннан Татарстан Республикасы Аксубай муниципаль районы башлыгы Камил Гилманов ЗАГС бүлегенең баш белгече Ләйлә Шәйхетдиновага лаеклы бүләк тапшырды.
Телефон аппаратының икенче башыннан, икенче илдән сине туган телеңдә сәламләүдән дә җылы күренеш бар микән! Сөйләшүне дә тырыша-тырыша татар телендә, татарча матур теләкләр белән тәмамлавы да ни тора бит!
ГХАТ Идарәсендә «Гаилә белеме» курсы буенча «барысы да гаиләдән башлана» дигән темага Түбән Кама муниципаль районы 35 нче лицейның 10 нчы сыйныф укучылары өчен чираттагы дәрес узды.