Арча муниципаль районы Сеҗе авыл җирлегендә Бриллиант туй

2021 елның 5 мае, чәршәмбе

Арча муниципаль районы Сеҗе авыл җирлегендә Рәис Гариф улы һәм Илсөя Исмәгыйл кызы Гариповлар гаиләсен 60 еллык юбилее белән котладылар. Алар тормыш дигән озын юлны иңгә-иң куеп, бергә узалар һәм язмыш сынауларын узганда бер-берсенә ярдәм итеп киләләр. 60 ел элек бу гаиләне бәйләгән җылы хисләрне саклап кала алган алар. Гариповлар бер ул һәм бер кыз тәрбияләп үстергәннәр, алар әти-әниләрен оныклары белән куандыралар.

Сеҗе авыл җирлеге башлыгы Хәмидуллин Р.В юбилярларга Татарстан Республикасы Арча муниципаль районы башлыгы И. Г. Нуриевның котлау хатын һәм истәлекле бүләк тапшырды.