ЯҢАЛЫКЛАР

      Пенсия фондының идарә башлыгы И.А.Большакова 7 әнигә ана капиталына сертификатлар тапшырды һәм ана капиталын дөрес итеп файдалануларын теләде.ЗАГС бүлеге башлыгы Л.М.Дианова Тәтеш муниципаль районы Башлыгы В.С.Чершинцевның котлавын укыды һәм Аксана Васинага икенче булып туган  сабые Ксюшаның тууы турындагы таныклык  тапшырды.

      “Автоградбанк” өстәмә офисы башлыгы И.В.Гавчева   әти-әниләрне “Автоградбанк”аша ана капиталы ярдәмендә ипотека вариантлары белән таныштырды һәм сувенирлар тапшырды.

      Яшьләр ярты ел буена интернет аша үзара язышканнар, очрашырга хыялланганнар, ләкин аларның мөнәсәбәтләренә соңгы көннәрдә булган борчулы хәлләр тезәтүләр керткән. Шуңа карамастан да мәхәббәткә чикләр юк. Кияү белән каләшнең әти-әниләре яшьләргә үзләренең фатихаларын биргәннәр.

      Каримовларның иң зур теләге тигезлектә бәхетле матур гомер кичерергә булып тора.

     26.07.2014 елда Чинчурино авылында яшәүче Тихоновлар гаиләсе үзләренең алтын туйларын, ягъни бергә тормыш корып яшәүләренең 50 еллык юбилейларын билгеләп үттеләр. Зур бәйрәм өстәле артына барысы да – балалары, оныклары, оныкчыклары, дуслары һәм күршеләре җыелганнар.Бу бәйрәм көнендә юбилярлар хөрмәтенә котлау тостлары әйтелде, бүләкләр тапшырылды һәм борынгы котлау җырлары башкарылды. Истәлекле дата белән әлеге гаиләне җирле администрация исеменнән Нармонка авылы җирлеге Башкарма комитеты секретаре С.Д.Тихонова да котлады.

   Балыкчылар көнендә Тәтеш шәһәрендә шәһәр көнен дә билгеләп үттеләр. Бәйрәм программасында сәхнәләштерелгән “Балыкчы мәзәкләре” дигән тамаша, балалар өчен төрле уеннар һәм аттракционнар, теләгән һәр кешегә тәтешчә пешерелгән балык ашы, каклаган һәм ысланган балыклар, төрле үләннәрдән кайнатылган хуш исле чәй һәм балык пироглары белән сыйлау оештырылган иде.

   Бу көнне район җитәкчеләре производство алдынгыларын, балыкчыларны һәм эшмәкәрләрне бүләкләделәр. Старшининнар гаиләсенә җәмәгать бүләге – “Мәхәббәт һәм тугрылык өчен” медале тапшырылды. Әлеге медальне бу көнне символик рәвештә тапшырдылар, чөнки Евгения Старшинина, Тәтеш шәһәренең танылган балыкчысы оныгы, 1921 нче елда данлыклы, тоннага якын авырлыктагы, белуга балыгын тоткан.

Урмановлар гаиләсе бу истәлекле көннәрендә ГХАТ бүлеге белгечләре тарафыннан котлау сүзләре, аларның иң изге теләкләрен ишеттеләр һәм, әлбәттә, юбилярларга Юбилей таныклыгы тапшырылды,шулай ук бу олы көннең истәлеге итеп почет кенәгәсенә имзалар куелды. Мөхәммәтислам Закир улы бөтен гомер нефтянник булып әшләде, ә Әминә Хамет кызы ОРС та икмәк пешерүче булып эшләде. Алар бер малай һәм ике кыз тәрбияләп үстерделәр, һәзерге вакытта аларнын дүрт оныклары һәм дүрт оныкчыклары бар. 

Суыксу авылында яшәүче Илһамия апа Хәкимовага тормышта күп авырлыклар күрергә туры килгән. Әмма Аллаһ Тәгалә сабырлыгы, ихтыяр көче өчен нык сәламәтлек һәм озын гомер белән бүләкләгән аны. Күптән түгел ул балалары-оныклары янәшәсендә 90 яшьлек гомер бәйрәмен билгеләп үтте.

Түбән Кама муниципаль районы ГХАТ идарәсенең тантаналар йортында шәһәребездә 2014 нче елда туган икемеңенче сабыйны теркәү тантанасы булып узды. Туу турында 2000 нче сан астында төзелгән актлар язуы Епишова Ангелина Константин кызының тууына карата төзелгән.  Епишовлар гаиләсендә Ангелина икенче бала булып дөньяга килгән. ГХАТ идарәсе җитәкчесе Бэлла Махотина сабыйның әти-әнисе Регина белән Константинны котлап, аларга исәнлек-саулык, балаларының тигез, тату тормышта үстерүләрен теләп, Егорга зур аю бүләк итте. Тантанада катнашкан Рәсәй Федерациясенең Пенсия фондының Түбән Кама шәһәре һәм районы буенча идарәсе башлыгы Лариса Семенова Епишовлар гаиләсенә Ана гаилә капиталына сертификат тапшырды. 

      2014 елның 24 июлендә Татарстан Республикасы Министрлар Кабинеты Гражданлык хәле актларын теркәү Идарәсендә Идарә башлыгы - Зарипова Эльмира Амировна, ГХАТ Идарәсе хезмәткәрләре һәм Самара өлкәсе Гражданлык хәле актларын теркәү Идарәсе башлыгы - Мельник Екатерина Львовна, Идарә башлыгы урынбасары - Красюкова Наталья Павловна, информацион технологияләр бүлеге җитәкчесе - Батухно Марина Викторовна катнашында очрашу узды. Әлеге очрашуның төп максаты гражданлык хәле актларын теркәү өлкәсендәге хезмәтләрне электрон рәвештә тәкъдим итү буенча тәҗрибә уртаклашу иде.

Гаилә ул – якын, кадерле кешеләребез, ярата, үрнәк ала, кайгырта, яхшылык һәм бәхет тели торган кешеләребез. Нәкъ менә гаиләдә яратырга, җаваплылык тоярга, хөрмәт итәргә, бер-беребез турында кайгыртырга өйрәнәбез дә инде.

Бөреле авыл җирлегендә бу гаилә бәйрәмен билгеләп үтү матур гадәткә әйләнде. Быел да мәдәният йорты белән авыл китапханәсе коллективлары “Барыбыз да өйдә булгач, җан тыныч” дигән кичә оештырдылар. Бәйрәм биш яшьлек Аня Самойлованың гаилә турында шигырь укуыннан башланып китте. “Хоровод”, “Мы вместе” җырларын Варвара һәм Таисия Марченколар башкарды. Күңелле викториналарда балалар да, әти-әниләр, әби-бабайлар да катнашты. Чә-чәкләр, туганлык җепләре турындагы сорауларга бик тиз һәм дөрес җавап бирделәр, “Халык әйтсә, хак әйтә” дигән конкурста гаилә фольклорын белүләрен күрсәттеләр. “Тегүче”, “Золушка”, “Бозны эрет”, “Бергә атлау күңелле” дип аталган команда ярышларында катнашырга балалар атлыгып торды. Конкурсларда җиңү-челәр татлы бүләкләр алды, ә калганнар күтә-ренке кәефкә ия булды, гаиләләренә ныклык, мәхәббәт һәм тугрылык теләп әйтелгән сүзләрне кабул итте.

         23нче июль көнне Түбән Кама муниципаль районы ГХАТ идарәсенең танталар йортында ана гаилә капиталына юбилейлы уникемеңенче  сертификатны тапшыру тантанасы булып узды. Түбән Кама шәһәре һәм Түбән Кама районы буенча Пенсия фонды идарәсенең җитәкчесе Лариса Семенова күптән түгел генә икенче кызлары туган Шамовлар гаиләсенә әлеге сертификатны тапшырганда дәүләтебезнең гаилә институты сагында торуын кат-кат ассызыклап, кечкенә Эльвира белән апасы Элинага исәнлек  - саулык, кояшлы балачак теләде. Түбән Кама районы ГХАТ идарәсе исеменнән шамовлар гаиләсенә яңа йорт төзүгә сертификат тапшырылды.