ЯҢАЛЫКЛАР
12 нче июль көнне Монай авылында Питрау бәйрәме уздырылды. Керәшеннәр бу бәйрәмне күңелле Сабантуй, мәхәббәт бәйрәме дип тә атыйлар. Ләкин бәйрәмнең асылы – МӘХӘББӘТ көне. Шушы бәйрәмнең күпьеллык тарихы барышында байтак йөрәкләр бергә кушылды. Керәшеннәрдә : “Питрауда кыз сайлыйлар, Покрауда туй итәләр ”, - дигән мәкаль дә бар. Әгәр дә үзегезнең ярыгызны очратасыгыз, бәхетегезне табасыгыз килә икән, шундый чараларда актив катнашыгыз.
Бәйрәмдә икенче һәм өченче балалары туган 10 гайлә катнашты. Ана капиталы сертификатын тапшыру тантанасында Казан шәһәренең Вахитов районы Пенсия идарәсе начальнигы Флида Арсланова, “Автоградбанк” вәкиле Марина Падюкина катнашты. Тантанада яшь ата-аналарга бик күп матур җылы теләкләр әйтелде.
Ульдановлар һәркем сокланырлык үрнәк гаилә. Рәкыйф абый гаиләнең терәге булса, Румия апа зирәк, чибәр, кунакчыл, изге күңелле, балаларына, онык-оныкчыкларына җанын да бүлеп бирергә әзер хатын-кыз.