ЯҢАЛЫКЛАР
Татарстан Республикасы Дәүләт Советына юлланган еллык Президент юлламасында Рөстәм Нургалеевич Миңнеханов гаилә сәясәтенә зур игътибар бирә. “Гаилә институтын ныгыту һәм бала тәрбияләү" - мөһим дәүләт бурычларының берсе итеп билгеләнде. Республикада Стратегия-2030, 2025 елга кадәр гаилә сәясәте Концепциясе, шулай ук төрле социаль программалар буенча гаиләләргә ярдәм күрсәтү проектлары тормышка ашырыла.
Баулы районы Татар Кандызы авылында яшәүче Фәррахова Тәксинә Газыймҗан кызына 90 яшь тулды. Тәксинә Газыймҗан кызы үрнәк тормыш һәм хезмәт юлы үткән. 40 елдан артык гомерен авыл хуҗалыгына багышлаган ул, өч баласын да хезмәт сөючән итеп тәрбияләп олы тормыш юлына чыгарган. Ветеран бүгенге көндә балаларының, 8 оныгының, 7 оныкчыгының кадер-хөрмәтендә яши.
Дәресне Киров ГХАТ бүлегенең җитәкчесе Алёна Игорь кызы Савинова үткәрде.
Үткән атнада Казан шәһәренең ЗАГС бүлекләрендә 516 сабый теркәлде: 287 малай һәм 229 кыз. Иң кечкенә бала 970, ә иң зуры – 5000 грамм. Иң яшь анага – 18, иң өлкән анага 43 яшь.
Баулы районында дүртенче һәм күберәк булып туган балалар саны арта. 2015 елда андыйлар 11 бала туган булса, агымдагы елда ул сан 25 тәшкил итә.
Инвалидлар ункөнлеге уңаеннан, 8 декабрьдә район үзәгендә мөмкинлеге чикләнгән райондашлар арасында традицион шашка-шахмат бәйгесе узды. Халыкны социаль яклау район идарәсе, яшьләр эше һәм спорт комитеты ЗАГС бүлеге, Апас балалар һәм яшүсмерләр спорт мәктәбе белгечләре әзерләгән бу ярышны райондашлар һәр елны көтеп алалар.
Лаеш муниципаль районы мәдәният йортында, район башлыгы М.П.Афанасьев катнашуында “Әниләр көненә” багышланган чара узды. Чарада 3 гаилә ана капиталы сертификаты белән бүләкләнде. Концерт барашында барлык әниләргә баллы бүләкләр таратылды.
Түбән Кама шәһәре ГХАТ Идарәсендә 3500 нче бала теркәлде.
Алабугада инвалидлар декадасы мәрхәмәт марафоны белән төгәлләнде. Марафонда алабугалылар ярдәмгә мохтаҗ балаларга ярдәм күрсәттеләр. Мәдәният йортында уздырылган марафонда район җитәкчеләре актив катнашты.
2 декабрьдә Иске Салман авылында яшәүче Радик һәм Эльвира Насыйбуллиннарның игезәк малайлары дөньяга килде. Насыйбуллиннар – авылның эшчән һәм абруйлы гаиләсе. Алар гаилә фермасы тоталар.