ЯҢАЛЫКЛАР

Түбән Кама муниципаль районы ГХАТ Идарәсе һәм Балалар сәнгать мәктәбе белән берлектә «Гаилә бәхетенең якты төсләре» дип исемләнгән күргәзмә махсус әзерләнгән иде, сәнгать мәктәбендә тәрбияләнүчеләрнең эшләре - Гаилә, мәхәббәт һәм тугрылык көнен бәйрәм итү кысаларында Кама елгасы яр буенда курсэтелде.

 8 июль көнне Чүпрәле районы ГХАТ бүлегендә район башлыгы Марат Ринат улы Гафаров Иске Чокалы авылында яшәүче күп балалы Халиулловлар гаиләсенә «Мәхәббәт һәм тугрылык өчен» медале тапшырылды.

8 июльдә изге Петр һәм Феврония Муромскийларны искә алу көнендә Россиядә бөек бәйрәм – Гаилә, мәхәббәт һәм тугрылык көне билгеләп үтелә.

2008 елда “Россия Федерациясендә Гаилә, мәхәббәт һәм тугрылык көнен” үткәрү буенча Оештыру комитеты тарафыннан Россия Федерациясе Хөкүмәте Рәисенең тормыш иптәше Светлана Владимировна Медведева җитәкчелегендә «мәхәббәт һәм тугрылык өчен» медале гамәлгә куелды.

Еллар аша тормыш авырлыкларын үтеп, мәхәббәтләрен саклап кала алган ныклы гаиләләр, әлбәттә, хөрмәткә, игътирам һәм үрнәк алуга гына түгел, бүләкләнүгә дә лаек. Мөслим районында да мондый гаиләләр аз түгел, быел “Мәхәббәт һәм тугрылык өчен” медаленә районның иң матур һәм ныклы гаиләләреннән берсе – Ташлыяр авылыннан Кәшбетдин абый һәм Люция апа Фарраховлар гаиләсе тәкъдим ителде.

Гаилә, мәхәббәт һәм тугрылык көнендә Чистай Никахлашу сараенда Казариннар Юлия һәм Вячеслав никахларын теркәделәр.

Ир белән хатын инде өлкән яшьтәге кешеләр, шуңа күрә гаилә төзү мәсьәләсенә генә түгел, ә үзләренең туй датасын сайлауга да җитди килгәннәр.

Биектау муниципаль районында Гаилә, мәхәббәт һәм тугрылык көне уңаеннан Бөреле җәнлек совхозында яшәүче Галеевлар Фәрит Галимша улы һәм Әминә Рәхимулла кызы гаиләсенә «Мәхәббәт һәм тугрылык өчен» медале тапшырылды. Чара җирле мәдәният йортында, әлеге гаиләнең балалары, оныклары белән берлектә үткәрелде.

Гаилә, мәхәббәт һәм тугрылык көне уңаеннан Питрәч авылыннан Садовниковлар гаиләсенә «Мәхәббәт һәм тугрылык өчен» медале тапшырылды.

Быел безнең районда мондый медальгә Надежда һәм Александр Садовниковлар гаиләсе лаек булды. Алар 40 ел бергә яшиләр, ике бала тәрбияләп үстергәннәр, ә хәзер оныкларын тәрбияләргә булышалар. Аларга «Мәхәббәт һәм тугрылык өчен» истәлекле медален район башлыгы Илһам Кашапов тапшырды.

07 июль көнне  Рәсәй Федерациясендә Гаилә, мәхәббәт һәм тугрылык көне уңаеннан Сарман муниципаль район башлыгы Фәрит Хөснуллин районыбызның үрнәк гаиләләренең берсен Наил һәм Хәмдия Нигматҗановларны “Алтын туй”  көннәре белән тәбрикләде “Мәхәббәт һәм тугрылык өчен” медален  һәм  “ТАССР төзелүгә – 100 ел” истәлек билгесен тапшырды. Котлауларга  район Башкарма комитеты җитәкчесе урынбасары Индира Сәхипова, районның гражданлык хәле актларын теркәү бүлеге җитәкчесе Гөлчәчәк Вәлишина, балалары, оныклары да кушылдылар.

Чистай Никахлашу сараенда календарь көннәрендә аеруча үзенчәлекле саннар белән язылышу тантаналарына ихтыяҗ зур булды. Шулай булды да 07.07.2020.

Бүген яшь һәм бик матур пар - Ивлевлар Сергей һәм Маргарита никахларын үзенчәлекле сценарий буенча теркәделәр.

2020 елның 4 июлендә Бөгелмә бала тудыру йортында ГХАТ бүлеге белгечләре тантаналы рәвештә агымдагы елда туган 500нче балага туу турында таныклык тапшырдылар.
2020 елның 30 июнендә туган Письмаров Вадим Михайлович шушы сабый булып тора. Ул Михаил һәм Ольга гаиләсендә беренче бала.