ЯҢАЛЫКЛАР

2017 елның 15 май көнендә, Халыкара гаилә көне уңаеннан,  Түбән Кама муниципаль районы ГХАТ Идарәсе белгечләре "Балкыш" социаль приютында тәрбияләнүче балалар өчен,  никахлашу Сараенда экскурсия үткәрделәр.

15 майда Ялкын авыл советында Халыкара гаилә көненә багышланган чара булып узды. Бу көнне конкурс программасы үткәрелде, анда берничә гаилә катнашты. Болар – әниләр, әтиләр, әбиләр, карт әбиләр, балалар, оныклар һәм оныкчыклар.

Барлык конкурсларда да хәтта иң кечкенә балалар да катнашты. «Музыкаль бау», «Мәкаль һәм әйтемнәрне дәвам иттер », «Аңлату», «Театр-экспромт» конкурслары үткәрелде, анда “Шалкан” әкиятен дә күрсәттеләр.

15 май көнне никахлашу Сараенда "ГХАТ тарихы" күргәзмәсе ачылды.

       15 май  көнне Халыкара гаилә көне уңаеннан Югары Ослан муниципаль районыныӊ район мәдәният йортында ирле-хатынлы Куклихиннар Михаил улы Александр  һәм  Федор кызы Вера 55 ел бергә тигез гомер итүләрен, зɵбəрҗəт  туйларын билгелəп үттелəр. Бу гаилə 55 ел бергə кулны кулга тотынып тормыш юлыннан атлый.

15 май көнне дөньяның күпчелек илләрендә искиткеч матур бәйрәм - Халыкара гаилә көне бәйрәм ителә. Бу көнне үз туганнарыңны котлыйлар, әмма иң мөһиме - үз гаиләң турында бәйрәм көнендә генә түгел, ә теләсә-кайсы көндә уйлау, истә тоту.

15 нче май көнне Менделеевск районы Ык Тамагы авылында гомер итүче тыл хезмәтчәне Плетнев Иван Дмитрий улы 90 яшьлек юбилеен билгеләп үтте. Район башлыгы урынбасары Ләйсән Галеева  Рәсәй  Федерациясе Президенты Владимир Путинның  котлау открыткасын ,  район башлыгы Валерий  Чершинцевның котлавын  , чәчәкләр һәм истәлекле бүләк тапшырды. Юбилярны шулай ук Бәзәкә авылы башкарма комитеты җитәкчесе Ринат Мөхәммәтҗанов һәм Бәзәкә авыл җирлеге Советы депутаты Виктор Логинов котлады. Президент Владимир Путинның котлау открыткасы , район җитәкчелегенең бүләкләре Иван Дмитрий улы өчен зур сөенеч булды.

2017 елның декабрендә гражданлык хәле актларын теркәү идарәсе 100 елллыгын билгеләп үтәчәк.

2017 елның 15 маенда Халыкара “Гаилә көне” уңаеннан Балтач районы ГХАТ булегендә ана капиталы сертификаларын тапшыру  чарасы узды. Гаиләләрендә  икенче бала дөньяга килгән 5 гаилә ана капиталы сертификатына  ия булдылар. Чараны ГХАТ бүлеге җитәкчесе Люция Нигъмәтҗанова ачып җибәрде.Ул барлык гаиләләрне ихлас күңелдән котлап, җылы теләкләрен ирештерде:”Гаилә- мәхәббәт учагы, хөрмәт  һәм ихтирамнан торган җәмгыятьтәге яшәешебезне тәшкил итә. Бер генә кеше дә гаиләдән башка яши алмый”-дип билгеләп узды ул.

2017 елның 15 маенда Олы Афанас авылында, Гаилә көненә багышланган, “Минем бәхетле гаилә”  бәйрәме үтте.

15 май көнне "Гаилә" үзәк шәһәр паркында, Халыкара гаилә көненә һәм Рәсәй ГХАТ органнарына 100 ел тулуына багышланган, "Гаиләгә булган мәхәббәт"  исемендәге чара узды.