ЯҢАЛЫКЛАР
Актаныш муниципаль районынының ЗАГС залында 14 яше тулган кызларга, егетләргә паспорт тапшыру тантанасы узды. Яңа паспорт ияләрен әти-әниләре, туганнары котлады. Район Советының аппараты җитәкчесе А.Хаев кызларга, егетләргә истәлек буләкләре хәм паспорт тапшырды.
Гаилә - ул мәхәббәт. Гаилә - ул шатлык, сөенеч. Гаилә - ул бер-береңне ярату, аңлау, ярдәм итү. Гаилә - ул сау-сәламәт балалар!
2017 нче елның 15 нче май көнендә район китапханәсендә Саба гимназиясенең беренче сыйныф укучылары ( класс җитәкчесе Галихуҗина Гөлназ Илнур кызы) катнашында “Минем гаиләм” дип аталган рәсем конкурсы узды. Конкурсны баш китапханәче Гарипова Алия Мөхәмәтнур кызы һәм ГХАТ бүлеге мөдире Шәйхетдинова Алсу Имаметдин кызы үткәрделәр. Балаларга истәлекле бүләкләр тапшырылды.
2017 елның 15 маенда, "Гаилә тәрбиясе әлифбасы" проекты кысаларында, никахлашу Сараенда Түбән Кама муниципаль районы ГХАТ Идарәсе баш белгече, Татарстан Республикасының атказанган социаль яклау хезмәткәре Галина Кузнецова бишенче сыйныф урта белем бирү мәктәпләре укучылары өчен, дәрес үткәрде.
Яшьләрнең ял итү үзәгендә, никахлар залында тантаналы шартларда ана капиталына сертификатлар тапшырылды.
Ана капиталына сертификатларны район башкарма комитеты җитәкчесе урынбасары Рәмзия Долгополова тапшырды һәм бәхетле аналарга сәламәтлектә балаларын үстерүләрен теләде.
Район Пенсия фонды идарәсе Гөлфия Гыймранова һәм район ЗАГС бүлеге начальнигы Наталья Карповалар да әниләрне тәбрикләделәр, Гөлфия Әхәт кызы ана капиталын нинди максатларда кулланырга мөмкин булуы турында сөйләде.
15 майда илебездә Халыкара гаилә көне билгеләп үтелә. Шушы матур бәйрәмгә карата, Минзәлә шәһәренең өченче номерлы урта мәктәбендә 10 сыйныф балалары алдында гаилә дәресе үткәрелде. Дәресне мәктәптә уңышлы гына эшләүче укытучы Артур Пакшин алып барды. Дәрестә укучылар белән берлектә мәктәп директоры Оксана Гобәйдуллина һәм ГХАТ бүлеге мөдире Анна Куприянова да катнашты.
9 май көнне яшь гаилә – Айгөл һәм Динур Төхфәтуллинарның икенче балалары – уллары Самат туды. Әти-әни күп котлаулар һәм тәбрикләүләр кабул итте. Гаиләгә Татарстан Республикасы Президенты Рөстәм Миңнехановтан котлау һәм быел 14 гыйнварда өйләнешкән Гүзәлия һәм Булат Тимергалиевлардан бүләк тапшырылды.
Балык Бистэсе районында тәрбиягә бала алган гаиләләрнең “Балам–багалмам” клубы эшләп килә. Гаилә көне уңаеннан район мәдәният йортында әлеге гаиләләрнең тантаналы очрашу кичәсе булып узды.
Бу чара гади очрашу бәйрәме генә түгел, ә иңне -иңгә куеп, тату яшәп, чит балаларны үзенекедәй якын күреп, аңа бар назын биреп тәрбияләп үстергән гаиләләрне тагын бер кат хөрмәтләү, аларга дан җырлау кичәсе дә иде. Чыннан да, гаилә тулы булып, йорт бәхеткә күмелеп торсын өчен, анда балаларның шат авыз һәрчак яңгырап торырга тиештер ул. Арабызда һәрьяктан үрнәк булырлык гаиләләр, кешелекле һәм миһерабанлы әти-әниләр бик күп. Бүгенге тантаналы чарага да шушындый изге күңелле өч гаилә чакырулы иде.
Туйларының 60 еллык юбилеен Яшел Үзән шәһәренең Михаил Иван улы һәм Нина Никифор кызы Тимохиннар билгеләп уттеләр.
15 майда, Халыкара Гаилә көнендә Татарстан Республикасы Яшел Үзән муниципаль районы башкарма комитеты ГХАТ бүлеге хезмәткәрләре әлеге әһәмиятле вакыйга белән котладылар.
Конкурсның бурычы яшь гаиләләрне төрле яктаң ачу, гаилә әгзаларының тормышта килеп чыккан торле ситуаөияләрдән ничек чыгуы иде. Барлык парларда үз чыгышларында тормышта килеп чыккан катлаулы мәсәләрне җиңел генә чишеп чыгуларын, иҗатка тортылышларын күрсэтте. Һәм төрле номинаөияләрдә җиңүчеләр булып танылдылар.
Кеше гомере гаиләдән башлана, гаиләдә ул гражданин буларак формалаша. Гаиләдә ул мәхәббәт, хөрмәт, бердәмлек дигән төшенчәләрне таный башлый.
Гаилә көне Азнакай шәһәрендә елдан –ел күбрәк катнашучыларны җыя, бәйрәм итү форматы да үзгәрә. 2017 елның 15 май көнендә, ГХАТ бүлегендә 200-нче итеп теркәлгән сабыйны тантаналы шартларда котладылар. Ул - Миңнеханов Айдан Артур улы булды. Бәхетле әти-әнине котлап, социаль мәсьәләләр буенча башкарма комитет җитәкче урынбасары Дамир Гыйләҗев баланың туу турында таныклыгын, Татарстан Республикасы президенты Рөстәм Миңнеханов исеменнән Котлау хаты һәм истәлекле бүләк тапшырды. Традиция буенча котлауларга ГХАТ бүлеге хезмәткәрләре һәм хезмәт коллективлары да кушылды.