ЯҢАЛЫКЛАР
14 февраль – матур бәйрәм ә яшьләр өчен гаилә теркәү өчен иң символик көн. Бу көнне бөтен илдә Гашыйклар көне билгеләп үтелә. Ильяс Әскәров белән Алинә Җиһангирова нәк бу көнне үзләренең никахларын Буа муниципаль районының ГХАТ бүлегендә законлаштырдылар. ГХАТ бүлеге җитәкчесе Гөльназ Хәкимова яшьләргә истәлеккә бүләк тапшырды һәм озын-озак парлы гөмерләр теләде.
Кайбыч муниципаль районы гражданлык хәле актларын теркәү бүлегендә 14 февраль- гашыйклар көне уңаеннан Гәлиуллинар һәм Салаховлар гаиләләренә тантаналылы рәвештэ ана (гаилә) дәүләт сертификатларын тапшыру тантанасы узды. Пенсия фонды җитәкчесе сертификатларны тапшырганда гаиләләргә бердәмлек, сабырлык, рухи ныклык теләде.
Агымдагы елның 10 февраль көнендә Түбән Кама муниципаль районының Киңәшмәләр залында Түбән Кама муниципаль районы башлыгы Айдар Метшин, район һәм шәһәр җитәкчелеге катнашында атналык киңәшмә булып узды. Түбән Кама муниципаль районы Башкарма комитетының Гражданлык хәле актларын теркәү идарәсе җитәкчесе Бэлла Махотина әлеге киңәшмәдә чыгыш ясап, җитәкчеләрне райондагы демографик хәл һәм ГХАТ идарәсе эшчәнлегенең узган елдагы нәтиҗәләре белән таныштырды.
2013 елда Түбән Кама ГХАТ идарәсенә төрле сораулар белән 70 меңнән артык кеше мөрәҗәгать иткән, барлыгы 11187 гражданлык хәле акты теркәлгән, 18407 юридик гамәл башкарылган. Бу 2012 ел белән чагыштырганда сигез мең документка артык.
Бөек Ватан сугышы ветераннары илебезнең бар халкы өчен дә иң хөрмәтле һәм зур игътибарга лаеклы кешеләр. Ылыя авылында дөньяга килгән, бүгенге көндә Мамадыш шәһәрендә гомер итүче Бөек Ватан сугышы ветераны Петр Ефим улы шушы көннәрдә үзенең 90- яшьлек юбилеен билгеләп үтте.
90 яшьлеге уңаеннан ветеранны район Советы аппараты җитәкчесе Вәзир Фәизов һәм социаль яклау идарәсе башлыгы Миннегөл Муллахмәтова да тәбрикләделәр. Вәзир Фәизов юбилярга ил президенты Владимир Путин һәм район башлыгы Анатолий Иванов имзалаган котлау хатларын, бүләкләр тапшырды.
2014 нче елның 15 февралендә Чаллы шәһәренең Яр буенда бөтен – күләм “Чаңгы ярышлары” узды. Бөтен Россия масса – күләм ярышлары 1982 нче елдан бирле уздырыла. Бу Сочидагы кышкы Олимпиада уеннарына багышлана.
Изге Вәли көнендә 2014 елның 14 февралендә Кулегаш авыл Советының Әгерҗе районының яңа мәдәният сараенда 14 яшлек балаларга уз гомерләрендә беренче паспорт тапшырдылар. Беренче паспортларны Кулегаш авыл җирлеге башкарма комитеты җитәкчесе урынбасары - Субаева Светлана Андрей кызы тапшырды һәм тәбрикләде Иванова Надежда Павел кызын, Субаев Алексей Эдуард улын, Ишпаев Николай Петр улын.