Татарстан Республикасы Ведомстволары Татарстан Республикасы Министрлар Кабинетының гражданлык хәле актларын теркәү идарәсе

ЯҢАЛЫКЛАР

апрель, 2014 ел

дүшәмбе

Сарман районында яшәүче Мөхәмәдиева Минҗиһан Кашафетдин кызының 90 яшьлек юбилее

Сарман районы Өч-Өйле Саклау авылында яшәүче Мөхәмәдиева Минҗиһан Кашафетдин кызы үзенең 90 яшьлек юбилеен билгеләп үтте. Ул бик катлаулы тормыш юлы үткән. 7 ел шахтада эшләгән соң, туган ягына кайтып, “Тукай” совхозында терлекче булып эшли башлый.

апрель, 2014 ел

шимбә

ГХАТ бүлегендә никахны теркәгәннән соң районның тирә якны өйрәнү музеена керү Баулы шәһәре яшь парлары өчен гадәткә кереп бара

Александр һәм Надежда Халиуллиннар да кунаклары белән бергә музейга кереп, күңелдә эз калдырырлык чарада катнаштылар, район тарихы, туй йолалары белән таныштылар.

5 апрельда Баулы шәһәрендә яшәүче Бөек Ватан сугышы ветераны толы Алатырева Марфа Зиновьевна 90 яшьлек Юбилее уңаеннан котлаулар кабул итте

Хезмәт ветераны Марфа Зиновьевна күп еллар Кит-Озеро авылында яшәп, «ХХI-партсъезд» колхозында эшләп лаеклы ялга киткән. 5 бала тәрбияләп үстергән.

Бүгенге көндә Марфа Зиновьевна бөтен уңайлыклары булган Бөек Ватан сугышы ветераннарын квартиралар белән тәэмин итү программасы буенча алынган квартирада яши.

Юбилярны район җитәкчеләре, балалары һәм авылдашлары котлады. Россия Президенты В.В.Путинның котлау хаты тапшырылды.

Тыл ветераны Гобәйдуллина Бибисара Гобәйдулла кызына 90 яшь

5 апрель көнне Теләче районы Баландыш авылында яшәүче Гобәйдуллина Бибисара Гобәйдулла кызына 90 яшь тулды. Юбилярны тантаналы шартларда район башкарма комитеты җитәкчесенең социаль мәсьәләләр буенча урынбасары Петр Чернов, “Родник” халыкка социаль ярдәм күрсәтү үзәге җитәкчесе Нияз Мортазин, Баландыш авыл җирлеге башлыгы Рәшит Йосыпов тәбрик итте.

Биектау районы Ямаширмә авылында эш сөючән, тату гаиләләр күп, аларда балалар һәм оныкларны милләтебезнең гореф-гадәтләре буенча тәрбиялиләр

Кеше бу җиһанга бәхетле булу өчен туа, ә бәхетле булу өчен аның гаиләсе булырга тиеш. Гаилә кешелеклелек, әхлак, яшәешнең нигезе, ул иң ышанычлы таянычыбыз, сыеныр урыныбыз. Гаилә – ил терәге дә. Җыйнап кына әйткәндә, гаилә – бәхет ачкычы.

Авылда үткәрелгән бу гаилә бәйрәмен зурлап, район хакимиятеннән вәкилләр, Казаннан Татарстан Дәүләт Советы депутаты, халык шагыйре Роберт Миңнуллин һәм «Россия татар гаиләсе» фонды директоры Миләүшә Гайфуллина килгәннәр.

Канун Интернет аша туйга язылырга һәм аерылышу гаризаларын бирергә рөхсәт итәчәк

"Российская Газета"да "Киләчәктә туйга гаризаларны өйдән интернет аркылы бирергә мөмкин булачак" исеме астында Владислав Куликовның статьясы дөнья күрде.

апрель, 2014 ел

җомга

Кайбыч районы башлыгы Альберт Рәхмәтуллин Евдокия Степановна Жиркованы 90 яшьлек юбилее белән котлады

Бөек Ватан сугышы елларында Яшел Үзән шәһәрендәге “Серго” исемендәге заводта эшләгән Евдокия Жиркова, үзе әйтмешли, еллар узганын сизмичә дә калган, инде 90 яшькә килеп җиткән.

Бар гомерен тырыш хезмәттә үткәргән әбине олуг юбилее белән котларга, илебез Президенты Владимир Путинның котлау хатын тапшырырга килгән район башлыгы Альберт Рәхмәтуллин белән Багай авыл җирлеге башлыгы Рушания Кузнецованы шатланып каршы алды ул.

– Без, хәзерге буын, сезнең Бөек Ватан сугышы чорында илебез азатлыгы өчен куйган фидакарь хезмәтегез алдында баш иябез. Җиңү көнен якынайту өчен сез бар көчегезне, сәламәтлегегезне кызганмыйча, вакыт белән исәпләшмичә эшләгәнсез. Сугыштан соң авыл хуҗалыгын торгызуда хезмәт куйгансыз. Шул хезмәтләрегезне хөрмәтләү йөзеннән Россия Президенты 90, 95 яше тулган һәр сугыш ветеранына, тыл хезмәтчәненә үзенең котлавын юллый. Бу теләкләргә без дә кушылабыз, – диде район башлыгы, юбилярга бүләген тапшырып.

Түбән Кама муниципаль районы ГХАТ идарәсе – Рәхмәт хаты иясе

Түбән Кама муниципаль районы Гражданлык хәле актларын теркәү идарәсе исеменә мәгариф идарәсеннән котлау хаты килеп иреште. Түбән Кама муниципаль районы Башкарма комитетының җитәкчесе урынбасары - мәгариф идарәсе җитәкчесе Айдар Фәретдинов имзалаган әлеге хатта, ГХАТ идарәсенең гаилә институтын саклауга юнәлтелгән эшенә югары бәя бирелә. ГХАТ идарәсен мәгариф идарәсе белән бик күптәнге тыгыз эшлекле элемтәләр бәйләп тора.

Мамадыш районы ГХАТ бүлегендә районның барлык алтын юбилярларын котлауга кызу әзерлек эшләре бара

Районның барлык алтын туйларын билгеләп үтүче юбилярларны 15 нче майда - Халыкара гаилә көнендә тәбрикләү күркәм гадәткә әйләнеп бара. Чарага нигез салучы ГХАТ бүлеге җитәкчесе Фәния Әхмәтшина оештыру эшләрен инде башлап җибәрде. Быел алтын юбилярларның саны илледән артыкка җыела.

Әлеге бәйрәм кысаларында, район мәдәният йорты каршындагы сәхнәдә татар, керәшен, рус, удмурт, мари халыкларының кыз ярәшү, туй, балага исем кушу йолалары да күрсәтеләчәк.

Фойеда юбилярларның фотолары һәм гаилә тарихы белән стенд урнаштырылачак. Кияү-кәләшнең никах-туйдан калган күлмәкләре, бүләкләре, кул эшләнмәләре күргәзмәләрен оештыру, юбилярларның киленнәре арасында аш-суга осталык бәйгесе үткәрү планлаштырыла.

Сарман районы Илексаз авылында яшәүче Татарстан Республикасы атказанган энергетигы Аюпов Әзһәр абый үзенең 85 яшьлек юбилеен билгеләп үтте. Аңа район Башлыгының рәхмәт хаты тапшырылды

Әзһәр абый белән Шәмсия апа бер ул һәм биш кыз тәрбияләп үстергәннәр.

Әзһәр абый бик актив кеше. Ул киңәшләре, эшләре белән һәрвакыт авыл җирлегенә булышып тора. 1993 нче елдан Мортышбаш авылында имам- хатыйп вазифасын башкара.

Юбилярны котларга район, авыл җирлеге җитәкчелеге, туганнары һәм кунаклар килгән иде. Тормыш зилзиләләренә бирешмичә, авырлыкларны җиңеп, шатлыкларны бүлешеп, сәламәт булып, җан тынычлыгы белән яшәргә язсын Әзһәр абыйга.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ