Татарстан Республикасы Ведомстволары Татарстан Республикасы Министрлар Кабинетының гражданлык хәле актларын теркәү идарәсе

ЯҢАЛЫКЛАР

апрель, 2014 ел

пәнҗешәмбе

Костенеево авыл советының Котловка авылында Максим Лаврентьевич белән Анна Васильевна Черемисиновлар 3 апрельдә гаилә тормышының 60 еллык юбилей тантанасын уздырдылар

Шул гомер эчендә 4 бала тәрбияләп үстергәннәр.Аларның тормыш юлы бик катлаулы булган. Икесе дә сугыш һәм хезмәт ветераннары. Авыр елларда да бер-берсен югалтмыйча, һаман да бер-берсен ихтирам итеп, авылдашларын сокландырып һәм ихтирам казанып яшиләр.

Казанда ЗАГС органнары җитәкчеләренең бөтенроссия киңәшмәсе үтте

2-3 апрель көннәрендә РФ Юстиция министрлыгы тарафыннан Россия Федерациясе субъектлары башкарма хакимиятенең ЗАГС органнары җитәкчеләре белән гражданлык хәле актларының дәүләт теркәвен камилләштерү мәсьәләләре буенча бөтенроссия киңәшмәсе үткәрелә.

Киңәшмәнең ачылышында һәм беренче утырышында РФ Юстиция министры урынбасары Е.А. Борисенко, Татарстан Премьер-министры И.Ш. Халиков, РФ Юстиция министрлыгы вәкилләре, Россия Федерациясе субъектлары башкарма хакимиятенең ЗАГС органнары җитәкчеләре катнашты.

Ачык ишекләр көне

2014 елның 3 апрель көнендә Буа муниципаль районының ГХАТ бүлегендә Буа шәһәренең 10 сыйныф укучылары өчен традицион “Ачык ишекләр” көне үтте. Яшьүсмерләргә ГХАТ бүлегенең эшчәнлеге турында, гаилә һәм никах өлкәсенә кагылышлы законнар, ир һәм хатынның бер-беренә һәм балаларына карата җаваплылыгы, гражданлык хәле актларын теркәү өлкәсендә электрон хезмәтләр күрсәтү турында сөйләнде.

Түбән Камада «Елның сыйныф җитәкчесе» конкурсының зона туры булып узды

Түбән Кама муниципаль районы Гражданлык хәле актларын теркәү идарәсе җитәкчесе Бэлла Махотина “Елның сыйныф җитәкчесе” бәйгесенең Түбән Камада үткән зона турында мәртәбәле кунак сыйфатында катнашты. Иң яхшы сыйныф җитәкчесе исеме өчен Мамадыш, Зәй, Сарман, Алабуга һәм Түбән Камадан 14 педагог ярышты. Өч этаптан торган әлеге турда сыйныф җитәкчеләре үзләренә презентация үткәрү, нинди дә булса сыйныфтан тыш чара күрсәтү белән берлектә, балалар белән эшләүнең үз иҗади проектларын тәкъдим итәргә тиеш иделәр.

Зәй районында тантаналы рәвештә ана капиталы сертификатлары тапшырылды

2014 нче елның 3 апрель көнне Зәй районы ГХАТ бүлегендә тантаналы рәвештә 7 гаиләгә ана капиталы сертификатлары тапшырылды. Зәй районы һәм шәһәре пенсия фонды идарәсенең белгече Римма Баринова әти-әниләрне шатлыклы вакыйга белән котлады һәм ана капиталы сертификатын дөрес куллану тәртибен аңлатты. Зәй муниципаль район Советы аппараты җитәкчесе Клара Габидуллина бәхетле әниләрне сабыйлары туу белән котлап, балаларын чын Россия гражданнары итеп тәрбияләүне теләде.

Минзәлә районы Югары Юшады авыл җирлегендә бергә гөмер итүләренең авыл җирлегендә бергә гомер итүләренең 15 һәм 25 еллык юбилейларын билгеләгән гаиләләр белән бергә күркәм бәйрәм узды

Көмеш туйларын билгеләп үтүче гаилә Камашев Марс Михаил улы һәм Зөхрә Агелий кызы, бәллүр туй ияләре Иванов Евгений Михаил улы һәм Алсу Егор кызы. Бу гаиләләрнең тормыш һәм юлы хезмәт һәркемгәдә үрнәк булып тора. Алар балаларының һәм авылдашларының хөрмәтенә лаек гаиләләр. Бәйрәмдә күп кунаклар, авылдашлар катнашты. Алар гармун моңын тыңлап, җырлар җырлап ял итте.

Мамадыш районында “Яз миссы – 2014” виртуаль кастингы старт алды

Мамадыш муниципаль районының ММЧ мәглүмати сайтында “Яз миссы – 2014” виртуаль кастингы старт алды. Бәйгедә Мамадыш районында яшәүче һәр кыз катнаша ала. Конкурста катнашыр өчен ике сайланма тур үтәргә, сыйфатлы фото белән үзең турында кызыклы мәгълүмат җибәрергә кирәк.

Өстенлек матур фото иясенә генә түгел, ә бәлки бай эчке матурлыкка ия булган кызга бирелер. Чөнки конкурсның төп максаты – хатын-кызның тышкы матурлыгы белән беррәттән күңел матурлыгын, хатын-кызның күркәм сыйфатларын күрсәтә алу. Фото ияләренең сыйфатларына күз төшерсәң, алар “Мисс” исеменә генә түгел, ә районыбызның иң зәвыклы кәләш исеменә дә лаек. Бәлки тиздән, алар гаилә төзү нияте белән ГХАТ бүлеге бусагасын атларлар. Чөнки нәкъ гаиләдә хатын-кыз үзенең бар матурлыгын, бар уңганлыгын, бар күркәм сыйфатларын күрсәтә ала.

апрель, 2014 ел

чәршәмбе

Алабуга районының Поспелево авылында Колесниковлар 2014 елның 2 апрелендә 20 еллык гаилә юбилеен билгеләп үттеләр

Гаилә башлыгы Сергей Георгиевич- нефтьчеләр идарәсендә эшли, тормыш иптәше Светлана Владимировна балалар бакчасы җитәкчесе. Бу гаилә бик нык, эшчән, ике бала тәрбиялиләр.

2014 елнын 2 апрель көнендә Балтач урта мәктәбендә 6-7 сыйныф укучыларының әти-әниләре катнашында бик мөһим чара - «Яшүсмер чоры. Проблемалар һәм аны чишү ысуллары» дигән тематик кичә уздырылды

Һәр килгән әти–әни үзен кызыксындырган соравын биреп, баласы белән барлыкка килгән проблемасын әйтеп, дөрес киңәшләрен биреп ачыктан-ачык әңгәмә алып бара алды. Бу кичәдә мәктәп психологы Закирова Г., Балтач шәһәр җирлеге Советы башлыгы урынбасары Закирова Н.Р., Балтач социаль яклау үзәге хезмәткәре Низамиева Л.Ф., Балтач ГХАТ бүлеге хезмәткәре Нигъмәтҗанова Л.Р. катнаштылар. Алар залда утыручыларның кызыксындырган сорауларына җаваплар бирделәр, үзләренең фикерләрен белдереп, проблемарны дөрес юнәлештә хәл итәргә булыштылар, киңәшләрен бирделәр. Бәйрәм төсе алган әлеге чара һәркемнең күңеленә үтеп керде, күпләрне уйланырга мәҗбүр итте.

Ютазылылар үз хокукларын яклауга исәп тота ала

2 апрельдә Ютазы районында эш визиты белән Татарстан Республикасында кеше хокукларын яклау буенча вәкаләтле вәкил Сәрия Сабурская булды. Ул республиканың көньяк-көнчыгыш зонасының район җитәкчеләре белән “Халык контроле” системасы буенча Татарстан Республикасы дәүләт порталы аша кергән гражданнар мөрәҗәгатьләре уңаеннан семинар үткәрде.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ