ЯҢАЛЫКЛАР

12 июнь – 1994 елны Россия Федерациясе президенты указы нигезендә дәүләт бәйрәме итеп кабул ителгән көн. Әлеге көн – дәүләтнең иң зур бәйрәме.  12 июньдә без меңъеллык тарихлы, бай мираслы, үзенең иксез-чиксез киңлекләрендә күп төрле милләтләрне һәм мәдәниятләрне берләштергән Россия көнен билгеләп үтәбез. Бу көн -  илнең дәүләт суверенлыгы турында Декларация  кабул ителгән көн. Бу бәйрәм – яңа Россиянен туган көне генә түгел, дәүләтчелегенең яңа баскычы билгесе дә. Илдә беренче тапкыр Россия Федерациясенең гражданлыгы булдырылды, сәяси партияларгә, иҗтимагый оешмаларга тигез хокукый мөмкинлекләр гарантияләнде.

   Шул уңайдан «Казан» Гаилә үзәгендә Казан шәһәренең 12 яшь гражданы үзләренең беренче паспортларын алды. Паспорт  алу – бик мөһим чара. Балалар – безнен дәүләтебезнең киләчәге. Аларга укуларында зур уңышлар, эш сөючән, тәртипле, кешелекле булып үсүләрен теләп, алар белән саубуллаштылар.  Яшүсмерләргә һәм барлык килган әти-әниләргә «Казан» Гаилә үзәге  буйлап экскурсия уздырылды.

Велосипед ярышларында райныбызның барлык оешма – предприятияләренең җитәкчеләре һәм белгечләре катнаштылар. Чөнки, 2014 нче ел Тәтеш муниципаль районында Гаилә һәм сәламәтлек елы дип игълан ителгән иде.

      2014 елның 11 июндә Яр Чаллы шәһәренең Тантана сараенда бер гаиләдә ике никах теркәлде: Сафин Дамир Рафис улы белән Зайнуллина Резеда Рафкат кызының, һәм Бобин Игорь Валерий улы белән Набиева Эльмира Рафис кызының. Бу никахның үзенчәлеге шунда: бер гаиләдән булган абыйлы-сеңелле туганнарның ике никахы бер көндә һәм бер вакытта теркәлде. Бу икеләтә бәйрәмгә иң якын туган–тумачалар һәм дуслар чакырылды.

      2014 елның 11 июнендә, Россия көне һәм Россиянең федераль миграция хезмәте идарәсенең Татарстан Республикасы Бөгелмә районындагы бүлекчәсенә яңа бина ачылу уңаеннан, яшь бөгелмәлеләргә тантаналы төстә паспортлар тапшырылды. Тәүге тапкыр паспорт алучы яшьүсмерләрне Татарстан Республикасы Бөгелмә муниципаль районы башлыгы И.А.Касыймов, Россиянең федераль миграция хезмәте идарәсенең Татарстан Республикасы Бөгелмә районындагы бүлекчәсе башлыгы хәрби хезмәт полковнигы Р.Г.Гарифуллин кайнар котладылар. Шулай ук Россиянең федераль миграция хезмәте идарәсенең Татарстан Республикасы Әлмәт районындагы бүлекчәсе башлыгы эчке эшләр подполковнигы И.К.Губаев һәм Россиянең федераль миграция хезмәте идарәсенең Татарстан Республикасы бүлеге җитәкчесе урынбасары Ф.С.Шакиров та үзләренең  тәбрикләүләрен җиткерделәр.

Россия көне уңаеннан Мөслим муниципаль районының “Мизгел” яшьләр үзәгендә 14 яшьтәге кызлар һәм егетләргә тантаналы рәвештә паспортлар тапшырылды.

Мөслим муниципаль районы Башлыгы Р.Х.Муллин яшь гражданнарны тормышларындагы мөһим вакыйгалары белән тәбрик итте, документның кирәклеген, аңа сак караш турында искәртте һәм үз илләренең лаеклы шәхесләре булуларын теләде. Бөек Ватан сугышы ветераннары Ә.Ә.Шарипов һәм М.З.Зиннуров та укучыларга үзләренең котлауларын һәм изге теләкләрен җиткерде.

Балаларга паспортлар һәм истәлекле бүләкләр тапшырылды. Кичә бәйрәм концерты белән үрелеп барды.

   2014 елның 11 июнь көнне Яр Чаллы шәһәренең Перинатал үзәгендә үзенчәлекле  тантана узды. Медицина хезмәткәрләре белән беррәттән ГИБДД белгечләре дә баланы туу йортыннан язып чыгаруда катнаштылар: Әти-әниләргә  алар автокреслолар бүләк иттеләр. Бәйрәм ел да ГИБДД тарафыннан үткәрелә торган “Игътибар – балалар!” операциясе кысаларында үтте. 

Шундый ветераннарның берсе, 11 июнь көнне Әлмәт районы Урсалабаш авылында яшәүче Гайфетдинова Мәрьям Андарҗан кызы 95 яшьлек уңаеннан кунаклар кабул итте. Юбилярны Сөләй авыл җирлеге җитәкчесе матур, җылы сүзләр белән котлап истәлекле бүләкләр тапшырды. Изге теләкләргә шулай ук Мәрьям әбинең туганнары һәм якыннары кушылды.

 Россия көне - иреклек бәйрәменә багышлап 11 июнь көнендә, Яшел Узән муниципаль районы башкарма комитеты ГХАТ бүлегендә, районы УФМС булеге хезмәтәрләре белән берлектә, җиде яшүсмергә тантаналы рәвештә паспортлар тапшырылды. Бу бәхетле мизгелне, гомергә бер генә тапкыр килә торган вакыйганы, яшүсмерләрнең ата-аналары да уртаклашты.  14 яше тулган яшь егет-кызларны, Яшел Узән  районынын ветераннар советы председателе Т.Р.Гизатуллин әлеге сөенечле вакыйга белән котлады. Паспортларны Яшел Узән районынын УФМС булеге хезмәткәре  О.В.Петрухина тапшырды.

Апас  муниципаль район Сабан туенда һәр ел саен яңа гына тәпи атлап киткән нәниләр дә мәйдан түрендә булалар. Бу бәйрәм Иске Әнәле авылыннан игезәкләр Азамат һәм Азиза Сәлимуллиннар һәм аларның әти-әниләре өчен аеруча истәлекле булды. Нәниләргәрайон башлыгы зур уенчыклар тапшырды. Сатмыш авылыннан яңа гына Кызыл туйларын билгеләп үткән яшь парлар Илмас һәм Алинә Гайфетдиновлар чакырылгач, мәйдан тагын да җанланып китте. Аларга район башлыгының котлау хаты һәм автомат кер юу машинасы тапшырылды.

2014 нче елның 11 нче июнендә Мамадыш районы Башкарма комитеты ГХАТ бүлегендә 28 авыл җирлеге сәркәтипләре белән чираттагы җыелыш узды.

Бүлек җитәкчесе Фәния Әхмәтшина республика, район, шәһәр буенча гражданлык хәле актларының ахыргы 5 ай күрсәткечләре һәм алдагы көндә узган видеоконференция яңалыклары белән таныштырды. Иң төп сорауларның берсе булып май аенда үткән юстиция министрлыгы тарафыннан уздырылган тикшерү нәтиҗәләре булды.

Шулай ук, Фәния Салихҗановна сәркәтипләрне алтын юбилярларны хөрмәтләү тантанасында зур өлеш керткәннәре өчен рәхмәтен җиткерде.

 Бүлекнең баш белгече Фәния Гаязова июль аеннан акт язмаларының яңа формалары кертеләчәген искәртте, үлем очрагын теркәү вакытының чикләнгән булуын янә искә төшерде.

Җыелыш ахырында 15 нче июнь көнне шәһәрдә узачак Әтиләр көне буенча сөйләшү узды. Бүлек җитәкчесе авыл җирлекләреннән дә актив катнашуга чакырды.