ЯҢАЛЫКЛАР

      Буа туган якны өйрәнү музеенда “Ак калфак татар хатын-кызлары” клубы (җитәкчесе – шагыйрә, мөгаллимә Гөлнур Хәлил кызы Айзетуллова) үзенең беренче организацион җыенын үткәрде. Дин белгече, социаль яклау бүлеге җитәкчесе , ГХАТ бүлеге җитәкчесе, табибә, музыкант, сатучы, аш-су остасы, журналист, мәдәният хезмәткәре, шагыйрә һ.б. зыялы ханымнарны туплаган бу клубның эшчәнлеге аеруча дустанә бердәм күңелле булып узды. Чәй өстәле мөнәҗәтләр белән бергә үрелеп барды Очрашуда шулай ук “Идел” журналы журналистлары да катнашты. Клуб үзенең эшен резолюция кабул итү белән төгәлләде.  

2014 елның Вахит авыл җирлегендә менә инде 50 ел кулга – кул бирешеп,  тормыш буенча бергә атлаган ирле – хатынлы Ринат Зәйнулла улы һәм Хәлимә Камил кызы Рәхимовларны котлау буенча тантаналы чара узды.          

     Уртак тормышларының 50 еллыгына багышлап, ирле – хатынлы Рәхимовларның  исемнәре “Районның хөрмәтле юбилярлар” китабына кертелде, алар шул китапка кулларын куйдылар. ЗАГС булеге җитәкчесе юбилярларга сәламәтлек, бәхет, озын гомер теләп, Югары Ослан муниципаль районы Башлыгының Рәхмәт хатын  һәм истәлекле бүләк тапшырды. Вахит авыл җирлеге башлыгы, балалары, туганнары исеменнән алар турында куп җылы сүзләр әйтелде. 

3 июнь көнне Питрәчнең бала тудыру йортында Закаловлар һәм Савельевлар гаиләләрен ГХАТ булеге мөдире Набиуллина Э.Б. котлады һәм туу турында таныклыклар тапшырды. Закаловлар гаиләсендә бу инде икенче бала, ә Савельевлар гаиләсендә беренче. 

      Гражданнарны Казан шәһәре ГХАТ идарәсе житәкчесе – Шавалеева Альбина Рафаил кызы һәм Казан шәһәре ГХАТ идарәсе житәкчесенең урынбасары – Гилемханова Фаридә Вәли кызы кабул итә. Гражданнарны кабул итү түбәндәге адрес буенча үткәрелә: Казан шәһәре, Муса Җәлил урамы, 7 йорт.

      Конкурс программасында Баулы хатын-кызлары теккән татар халык киемнәре күрсәтелде. Алар арасында борынгы күлмәкләр, алъяпкычлар, күкрәкчәләр, калфаклар, читекләр бар иде. Зиярова Нурия Мирзиевна гаиләсендә сакланган 125 еллык борынгы калфакны тамашачы дулкынлану белән кабул итте. Шулай ук бәйгедә сәхнә, төрле бәйрәмнәр өчен тегелгән киемнәр, заманча хатын–кыз күлмәкләре дә күрсәтелде.

      2014 елның 2 нче июнендә, балаларны халыкара яклау көне уңаеннан Яшел Үзән муниципаль районы башкарма комитеты ГХАТ бүлегендә ана капиталы сертификатын тапшыру чарасы узды. Икенче балалары туган, 5 бәхетле гаилә чакырылган иде. Яшел Үзән районы һәм шәһәре пенсия фонды идарәсенең җитәкчесе О.Г.Корсакова әти-әниләрне шатлыклы вакыйга белән котлады һәм ана капиталы сертификатын чәчәк бәйләме белән тапшырды, шулай ук аны дөрес куллану тәртибен аңлатты. ГХАТ бүлеге хезмәткәре Л.Х. Хабирова, кунаклар барлык нәниләрне “Балаларны яклау көне” белән котлады һәм ата–ана балаларын якласыннар, сакласыннар, аларга һәрвакыт терәк булсыннар дигән теләктә калды. Тантана фотога төшу белән тәмамланды.

      Бу көнне приютка бәйрәм белән котларга шәһәрнең күп кенә оешма вәкилләре килгән иде. Оешма җитәкчеләре арасында ЗАГС бүлеге җитәкчесе Л.М.Григорьева да балаларны бәйрәм белән котлап, бүләкләр тапшырды.

Спас районы Урта Йорткүл авылында яшәүче Мәрьямбану Лотфулла кызы Мәрдиевага  2  июньдә йөз яшь тулды.

Озак яшәүнең серләре әле беркем тарафыннан язылмаган, аны сатмыйлар да. Ә менә революция башланыр алдыннан гади крестьян гаиләсендә унөченче бала булып дөньяга аваз салган Мәрьямбану апага (гадәттә, татарларда мондый яшькә җиткән әбиләргә хөрмәт йөзеннән “Ак әби” диләр) әнисе озын гомер юраган булган. Әниләрнең чын йөрәктән теләгән теләкләре еш кабул була диюләре дөрес икән.

Мәрьямбану әби сугыш елларын күз яшьләре белән искә ала. Сугыш башланганда аның ире армиядә инде бер ел хезмәт иткән булган. Бераздан иренең хатлары фронттан килә башлый. Авыр артиллериядә хезмәт иткән ул. Ходай саклагандыр инде, Миннеситдыйк туган авылына исән кайта. Фронт табиблары аңа тынычрак эш сайларга киңәш иткән булган. Аларның киңәшенә колак салмыйча, Миннеситдыйк чылбырлы тракторга утыра. Әмма озак эшли алмый, көтмәгәндә гомере өзелә. Биш баласын кочаклап үкси-үкси елый Мәрьямбану. Нишләтәсең, язмыштан узмыш юк, диләр. Сыңар канаты белән балаларны аякка бастыру өчен никадәр тырышканын ул үзе генә белә. Дөрес, туганнарының да ярдәмен тоя. Шуның өчен аларга әле дә рәхмәтле.

Чернобыль фаҗигасе нәтиҗәләрен бетерүдә катнашкан улы Минсәгыйрьнең үлеме дә ана йөрәгендә тирән эз калдырган. Гел елау, кайгырулар беркайчан эзсез узмый, диләр. Моның нәтиҗәсе Мәрьямбану әби сәламәтлегендә дә чагылыш тапмый калмый: 92 яшендә ике күзе дә дөм сукырая. Сигез ел буе берни күрмәсә дә, шөкер, күңел төшенкелегенә бирелми. Кулларыннан тотып йөртүче туганнарына иртә-кичен рәхмәт укый. Зиһене әйбәт, күпләрне тавышлары буенча таный.

— Күзләрне тутырып кояшка, төнге күктәге айга карыйсы, авыл урамнарыннан йөрисе килгән чаклар еш була, — ди Мәрьямбану әби. – Нишлим, Ходайдан узып булмый, барысына да түзәргә һәм буйсынырга туры килә. Әй, бу гомернең агышлары…

Мәрьямбану әби һәр иртәдә намазга баскач, ил-көнгә тынычлык, җирдә яшәүче кешеләргә, якыннары һәм туганнарына бәхет һәм сәгадәт тели.

Йөз яшьлек әбекәйне гомер бәйрәме белән район башлыгы Камил Нугаев, ветеран оешмалары, социаль хезмәт һәм җирле үзидарә органы вәкилләре, туган-тумачалары кайнар котлап, Россия һәм Татарстан Президентларының котлау телеграммаларын укыдылар, бүләкләр һәм чәчәкләр тапшырдылар.

      Сабыйлар өчен махсус 1 июнь - Халыкара балаларны яклау көне уңаеннан Сабан туе үткәрү Чүпрәледә матур гадәткә әверелде. Быел ул тагын да күләмлерәк, эчтәлеклерәк һәм бик тә оешкан төстә узды. Ә бәхет елмайган яшь Чүпрәле гражданнары бу көнне гомер буена истә тотарлар. Чөнки нәкъ шушы Сабан туе мәйданында алар кулларына үзләренең шәхесләрен раслаучы документ - Россия гражданы паспортларын алдылар. Аларга бу документны район башлыгы Александр Валерьевич Шадриков тапшырды.