Елдан - ел, кызганычка каршы, сугыш ветераннары арабыздан китә бара, ә инде исән чакта, алар һичшиксез хөрмәткә һәм игътибарга лаек

Шундый ветераннарның берсе, 11 июнь көнне Әлмәт районы Урсалабаш авылында яшәүче Гайфетдинова Мәрьям Андарҗан кызы 95 яшьлек уңаеннан кунаклар кабул итте. Юбилярны Сөләй авыл җирлеге җитәкчесе матур, җылы сүзләр белән котлап истәлекле бүләкләр тапшырды. Изге теләкләргә шулай ук Мәрьям әбинең туганнары һәм якыннары кушылды.