ЯҢАЛЫКЛАР
Мондый очрашулар яшь парлар арасында популярлык казана.Бәйрәм озын булсын өчен, күңел ачу мәхәббәт һәм рәхмәт алмашларына килми, туй алдыннан Гаилә психологына мөрәҗәгать итү һәм бәхетле гаилә тормышының иң төп кагыйдәләрен белү бик мөһим.Бүген очрашуның темасы «Ата-аналар белән мөнәсәбәтләрне ничек дөрес итеп төзергә». Булачак ир белән хатынның 21 нче пары дәресләрдә актив катнаштылар, психологик бурычларны уздылар һәм чиштеләр.
2019 елның 9 июлендә Зәй муниципаль районыннда Гаилә, мәхәббәт һәм тугрылык көне үтте. Тантаналы чарада бергә мәхәббәттә һәм ризалыкта торган гаиләләр катнашты. Аларга бәйрәм билгесе итеп ромашка букетлары бирелде. Тантаналы чарада катнашкан ТР Министрлар Кабинетының ЗАГС Идарәсе начальнигы Гөлшат Нигъмәтуллина, муниципаль район башлыгы урынбасары Александр Чапков һәм Зәй районы ГХАТ бүлеге җитәкчесе Гөлфия Валишина юбилярларга изге теләкләрен җиткерделәр. Бәйрәмдә мәдәният хезмәкәрләре тарафыннан матур җырлар яңгырады.
“Бердәм Россия” сәяси партиясенең җирле бүлегендә Гаилә, мәхәббәт һәм тугрылык көнендә Марковлар гаиләсен котладылар. Чара “Бердәм Россия”нең “Ныклы гаилә” дигән федераль проектын тормышка ашыру кысаларында үткәрелде.
Маргарита Петровна белән Евгений Егорович бердәм гаилә булып, иңгә-иң куеп инде кырык ел яшиләр. Гаиләләренә мәхәббәт, тугрылык, бер-береңне хөрмәт итү һәм аңлый белү кебек сыйфатлар нигез булып тора. Марковларны барлык таныш-белешләре хөрмәт итәләр һәм алар һәр кешегә үрнәк булырлык.
Бүген Татарстан Республикасы Зәй муниципаль районында «Ныклы гаилә» федераль партия проектын гамәлгә ашыру кысаларында «Гаилә-никах мөнәсәбәтләренең заманча тенденцияләре»темасына түгәрәк өстәл узды.
Гаилә, мәхәббәт һәм тугрылык көнен бәйрәм итү Чистай районында күркәм традициягә әверелде, анда гаилә институтына кешелекнең төп кыйммәтләреннән берсе буларак аерым игътибар бирелә. Бәйрәм шәһәрнең төрле мәйданчыкларында оештырылды: Скарятин бакчасы территориясендә, шәһәрнең берничә микрорайоны мәйданчыкларында.
Бөгелмә шәһәрендә узган Гаилә, мәхәббәт һәм тугрылык көненә багышланган бәйрәм чарасында, шәһәр мэры урынбасары Ирина Борисовна Белова Лексиннар гаиләсенә «Мәхәббәт һәм тугрылык өчен» медален тапшырды.
Гаилә, мәхәббәт һәм тугрылык көнендә Аксубай муниципаль районы башкарма комитеты ГХАТ бүлегендә 100нче бала теркәлде.
Актаныш районы ЗАГС бүлеге гаилә, мәхәббәт, тугрылык көне уңаеннан 8 июльдә 100 нче бала булып теркәлгән Зәлиягә туу таныклыгы тапшырды. Бәхетле әти- Харисов Ильвир Нурсаяф улы хәм әнисе- Харисова Лилия Марат кызы икенче балалары- кызларына Зәлия исеме куштылар. Район ЗАГС булеге җитәкчесе Гөлфинә Баян кызы Мухамадиева яшь парларны балалары туу вакыйгасы уңаеннан котлап, чын куңелдән аларга тигезлек, балаларын сау-сәламәт, бәхетле итеп устеруләрен теләде. Бәхетле әти- әнигә Республикабыз Президенты Р.Н.Миңнехановның котлавын һәм туу таныклыгын тапшырды.
2019 елның 8 июлендә Буа ГХАТ бүлегендә Мөнип Нигматҗан улын һәм Ризидә Тагир кызына “Мәхәббәт һәм тугрылык” медален тапшырырга Буа муниципаль районы башкарма комитеты җитәкчесе Ранис Рәфис улы Камартдинов килде.
2019 елның 9 июль аенда Әлмәт муниципаль районы башкарма комитеты ГХАТ Идарәсендә, 13 пар игезәк балалар тууы теркәлде. Бу шатлыклы вакыйга Герасимов Василий Геннадий улы һәм Екатерина Игорь кызы гаиләсендә булды.