ЯҢАЛЫКЛАР
2019 елның 27 декабрендә Татарстан Республикасы «Лениногорск муниципаль районы» муниципаль берәмлеге Башкарма комитетының ГХАТ бүлеге җитәкчесе Елена Яков кызы Миннигалямова һәм ГХАТ бүлеге баш белгече Ландыш Әүхәт кызы Шәфыйкова Зөфәр Хөснуллин Хәлфи улы белән Нурсинә Гыйльман кызын 55 ел бергә гомер итүләре белән котладылар, юбилярларга нык сәламәтлек, тыныч озын тормыш теләп юбилей таныклыгы тапшырдылар.
Район ЗАГС бүлегендә бүген Әлки районы Татар Төгәлбәе авылыннан Рөстәм Кускильдин һәм Чуаш Борнаеннан Римма Японинаның законлы никахлары теркәлде. Шунысы игътибарга лаек – бу быел ЗАГС бүлегендә язылышкан 90 нчы пар.
2019 елның 27 декаберендә Яңа ел бәйрәме алдыннан ике һәм аннан да күбрәк бала алып кайтучы биш гаиләгә, ана капиталы сертификаты бирелде. Бәйрәм тантанасында пенсия фонды җитәкчесе Рәфыйк Гали улы Җәләлов һәм «Ак Барс» исемендәге банк җитәкчесе Резидә Рахимҗан кызы Гадиева Һәм ГХАТ бүлеге урынбасары Эльвира Радик кызы Шагалиева катнаштылар.
27 декабрь көнне Баулы районы ГХАТ бүлегендә Бурашниковлар гаиләсенең туй юбилее тантанасы узды. Моннан 60 ел элек язмыш Петр Павлович һәм Зинаида Матвеевнага бөек бүләк ясаган – алар бер-берсен очраткан, шундый зур һәм чиксез дөньяда үзләренең парларын тапкан.
ТАССРның 100 еллыгын бәйрәм итү алдыннан «ныклы гаилә» партия проектын гамәлгә ашыру кысаларында, 2019 елның 27 декабрендә Чистай Никахлашу сараенда Анастасия һәм Владислав Скворцовлар 400 нче парын теркәделәр. Юбилей парының язылышу тантанасы аерым сценарий буенча үткәрелде.
2019 елның 27 декабрендә Татарстан Республикасы Алабуга муниципаль районы Башкарма комитеты ГХАТ бүлегендә 500-нче никах теркәү акты теркәлде. Матур яшь пар Дмитрий һәм Анна узып баручы ел ахырында гаилә корырга булган.
«Минем йортым-минем ныгытмам», – дигән әйтем бар. Гаилә, йорт-ул чорның иң авыр сынауларына бирешми торган ышанычлы урын! Бу дөньяда кешеләр мөнәсәбәтләрендә намуслылык, тугрылык, үз-үзеңне корбан итү сакланган һәм хакимлек иткән дөнья. Гаилә ныгытмасы «диңгездә» батмас өчен ниләр тотып тора соң? Бу серне дөньяга шагыйрьләр күптән ачтылар. «Дөньяда һәммә нәрсә мәхәббәттән башлана...». Гаилә дә мәхәббәткә нигезләнә. Һәр гаиләнең үз тантаналары булырга мөмкин, ләкин туйның көне, ягъни гаиләнең туган көне барлык гаиләләрдә дә билгеләп үтелә.
2019 елның 26 декабрендә Түбән Кама муниципаль районы ГХАТ Идарәсендә Звегинцевлар Максим һәм Татьянаның бәллүр туйларын билгеләп үттеләр.
Яңа ел алдыннан һәм туган көнендә «Пар канатлар» клубы, Азнакай районы ГХАТ бүлеге тарафыннан ялгыз йөрәкләр өчен чираттагы юбилей очрашуы оештырылды. Бу җылы кышкы кичтә бүлекнең тантаналы залында бәйрәм рухы хөкем сөрде.
Үрнәк авыл җирлегендә тантаналы шартларда гаилә тормышы юбилярларын котлау булды. Гайнетдиновлар Фәнәвил Сираҗетдин улы һәм Асия Шәяхмәт кызы 58 ел бергә гомер итәләр.