ЯҢАЛЫКЛАР
Бүген 27 майда ТАССРның 100 еллыгы көнендә Чүпрәле районы башлыгы Марат Гафаров Иске Чүпрәле авылында яшәүче Хисмәтулловларны алтын туйлары белән котлады. Исегезгә төшерәбез, 1920 елның 27 маенда ТАССР оешу турында декрет имзалана. Моннан 50 ел элек, 1970 елның 27 маенда Чүпрәле районы ГХАТ бюросында Асия Гафият кызы һәм Нурислам Мөхәммәтшагый улы Хисмәтулловларның никахлары теркәлде.
2020 елның 27 маенда, Татарстан АССР оешу турында декрет чыккан көнне, Түбән Кама муниципаль районы ГХАТ Идарәсендә Сафиннар гаиләсендә туган игезәкләрнең исемен атау тантанасы булып узды.
2020 елның 26 май аенда Әлмәт муниципаль районы башкарма комитеты ГХАТ Идарәсендә, 11 пар игезәк балалар тууы теркәлде. Бу шатлыклы вакыйга Никифоркин Виталий Валерьевич улы һәм Галина Николай кызы гаиләсендә булды. 16 май көнне аларның ике кызы туды.Яңа туган сабыйларга София һәм Ульяна исемнәре кушылды. Игезәкләр туу белән гаилә берьюлы ике кешегә арта. Бу икеләтә бәхет, икеләтә шатлык. Балалар һәрвакыт бер-берсенә иптәш булачаклар.
2020 елның 26 маенда Бөгелмә районы ГХАТ бүлегендә 2020 ел башыннан башлап, 7нче игезәк теркәлде. Анна һәм Сергей Каржовлар гаиләсендә ике искиткеч малай - Артем һәм Арсений туды. Сергей һәм Анна гаиләсе күп балалы. Парның инде ике кызы - Екатерина белән Милена бар иде.
2020 елның 23 маенда Бөгелмә муниципаль районы ГХАТ бүлегендә Галина һәм Ленар Мәсләховлар гаиләсендә тугызынчы бала тууы теркәлде. Кызны Александра дип атадылар, грек теленнән тәрҗемә иткәндә "кешеләрне яклаучы" дигәнне аңлата.
2020 елның 23 май аенда Әлмәт муниципаль районы башкарма комитеты ГХАТ Идарәсендә, 10 пар игезәк балалар тууы теркәлде. Бу шатлыклы вакыйга Ямашев Антон Сергей улы һәм Ирина Петр кызы гайләсендэ булды. Балаларга матур Макар һәм Матвей исеме кушылды.
Лениногорск шәһәре бала тудыру йортында яңа туган сабыйларны өйләренә озатыр алдыннан ата-аналарга балаларының беренче дәүләт документын тапшырыла башлады. Татарстан Республикасы «Лениногорск муниципаль районы» муниципаль берәмлеге башкарма комитеты ГХАТ бүлеге «Лениногорск РҮХ» Бала тудыру йорты белән берлектә коронавирус йогышының тиз таралуын кисәтү өчен сабыйларның туу турындагы таныклары бала тудыру йортында тапшыруны оештырды. Бәхетле әниләргә һәм әтиләргә сабыйның исемен сайлау белән озакка сузмаска гына кала.
Нурлат районының Никахлашу сарае никахларны теркәү урыны гына түгел, ә башка социаль әһәмиятле чараларны да уздыру мәйданчыгына әверелде. Татарстан Республикасында Матбугат көнен билгеләп үтү алдыннан Нурлат шәһәренең Никах сараенда район башлыгы Әхмәтшин Алмаз Сәлим улы тантаналы рәвештә «Дуслык» («Дружба», «Туслах») район газетасы ветераннарына «ТАССР төзелүнең 100 еллыгы» истәлекле билгеләрен тапшырды.
Туй көне булачак парлар өчен, гадәттә, аерым әһәмияткә ия. Аны сайлаганда, алар саннар тигезлегенә омтыла, саннар ярашуына игътибар итә. Күп кенә парлар үзләренең таныклыкларында истә калырлык даталарын күрергә тели.
2020 елның 19 маенда Татарстан Республикасы «Лениногорск муниципаль районы» муниципаль районы Башкарма комитетының ГХАТ бүлеге җитәкчесе Елена Миннигалямова шәһәр җитәкчеләренең атналык планеркасында катнашты.