ЯҢАЛЫКЛАР
Бала туу ата-аналар өчен шатлыклы вакыйга, ә ике бала туу икеләтә шатлык. 2020 елның 1 августында Татарстан АССРның 100 еллыгын бәйрәм итү елында Әлмәт муниципаль районы башкарма комитеты ГХАТ Идарәсендә 18 игезәк бала тууы теркәлде.Бу шатлыклы вакыйга Валиахметовлар Илдар Илгизар улы һәм Ләйсән Нәфис кызы гаиләсендә булды. 2020 елның 30 июлендә алар гайләсендә ике малай дөньяга килә, аларга матур Әмирхан һәм Нариман исемнәре кушыла.
Мамадыш муниципаль районы Башкарма комитеты ГХАТ бүлеге агымдагы елның июль аена нәтиҗәләр ясады. Җәйнең икенче ае районыбызга 21 яшь граждан: 15 малай һәм 6 кыз бүләк итте. Туган сабыйларның өчесе – гаиләдә көтеп алынган беренче балалар булса, унбере – икенче, алтысы – өченче, 1 бала – дүртенче булып аваз салган. Иң яшь әнигә 20, иң яшь әтигә 23 яшь тулган. Иң өлкән әти-әнигә – 40-ар яшь тулган.
2020 елның 7 аенда Татарстан Республикасы Балык Бистәсе муниципаль районы башкарма комитеты ГХАТ бүлегендә 47 бала: 22 малай, 25 кыз туу теркәлде. Аларның 12 баласы гаиләдә беренче, 17 сабый - икенче, тагын 13 сабый гаиләдә өченче булып дөньяга килгән, ә бишесе дүртенче булып туган.
Бөгелмәнең ГХАТ бүлегендә 2020 елның 30 июлендә 4 “король” игезәк балалар теркәлде. Мария Михайловна һәм Андрей Евгеньевич Кондратьевлар гаиләсендә 22 июльдә игезәкләр туды – кыз һәм малай. Милена һәм Матвей Бөгелмәнең ГХАТ бүлегендә агымдагы елда теркәлгән 594нче һәм 595нче балалар булдылар.
2020 нче елның 29 нчы июлендә Түбән Кама муниципаль районы ГХАТ Идарәсендә көмеш туйларын Митрофановлар гаиләсе билгеләп үтте.
2020 елның 7 ае нәтиҗәләре буенча Татарстан Республикасы Балык Бистәсе муниципаль районы башкарма комитеты ГХАТ бүлегендә 31 никах теркәлде. Шунысын да билгеләп үтәргә кирәк, никах теркәү турындагы актларның язмаларының саны кимегән. 2019 елда 39 никах теркәлде.
Баулы ГХАТ бүлегендә 100 нче бала теркәлде. Ул Дамир һәм Альбина Ахмадеевлар гаиләсендә көтеп алынган ир бала булды. Бәхетле әти-әни яңа туган балага Мурат дигән матур исем бирделәр. Яшь пар беренче тапкыр “ата-ана” статусына ия булдылар.
Туй үткәрү өчен җәй бик күңелле вакыт! Күп кенә парлар гаилә кору өчен тикмәгә генә шушы сезонны көтмиләр. Җәйге июль ае гасырлар буена туй тантаналары үткәрү өчен традицион ай булган. Славян традицияләре буенча, июльдә парлашкан яшьләр мәңгегә бер-берсенеке булып калган, алар арасында һәрвакыт гармония, тигезлек һәм үзара аңлашу булган ныклы союз төзелә дип саналган. Елның башка айлары белән чагыштырганда, Бөгелмәнең ГХАТ бүлегендә яшь парлар саны арткан.
2020 елның 25 июлендә Бөгелмәнең ГХАТ бүлегендә Вера һәм Руслан Миграновлар гаиләсендә җиденче бала тууы теркәлде. Кызны Лилиана дигән матур исем белән атадылар. Борынгы грек теленнән тәрҗемәдә ул "чәчәк атучы" мәгънәсенә ия. Бәхетле әти-әниләр инде өч малай һәм өч кыз тәрбияли.
Яллар сезонына карамастан, июльне «хезмәт ае» дип атыйлар, һәм бу эшкә генә түгел, мөнәсәбәтләргә дә кагыла. Бәхетле яшәү өчен, аларга булачак хатынына да, иренә дә күп көч салырга кирәк булачак. Әлбәттә, тормышта барысының да ак һәм кара полосалары була, тик июль аенда яңа өйләнешкән гаиләнең үзара аңлашуы бик яхшы булачак, ул якын-тирәдә озак бәхетле тормыш яшәргә ярдәм итәчәк. Татарстан Республикасы Аксубай муниципаль районы Башкарма комитеты ГХАТ бүлегендә җиде яшь пар үзләренең мөнәсәбәтләрен ныгыттылар.