ЯҢАЛЫКЛАР

2017 ел – үзенчәлекле, Татарстан Республикасы Яшел Үзән муниципаль районы Васильево бистәсендә яшәүче Миронов Олег Александр улы һәм Антонина Николай кызы юбилее. Мироновлар гаиләсе үзләренең “алтын” юбилейларын билгеләп үттеләр. Ярты гасыр Олег Александр улы һәм Антонина Николай кызы тормыш юлы буенча кулга-кул тотынып, хуплап, бер-берсенә шатлык һәм бәхет, мәхәббәт, тугрылык һәм хөрмәт итеп яшиләр.

Гаилә өчен бала туудан да мөһимрәк вакыйга юктыр. Сабый туу белән гаиләдә мәхәббәт, бәхет, шатлык арта. Лаеш районы Лаеш шәһәрендә 200-нче сабый туу теркәлде.

Татарстан Республикасы Яшел узән муниципаль районы Башкарма комитеты ГХАТ бүлегендә, Әниләр Көне бәйрәменә багышланган  тантаналы рәвештә ана (гаилә) капиталы сертификатлары тапшыру кичәсе узды. Тагын яшел үзәннең 10 гаиләсе  дәүләт ярдәменә,  ана (гаилә) капиталы сертификатына лаек булды. Шушы 453,026 мең сум зурлыгында булган сертификат эти – энигә гаилә һәм балалар өчен кулланырга мөмкинлек  бирә.

Кайчан гына карасаң да, Болгарда яшәүче Елена Семенова гел балалары янәшәсендә. Ул аларның барысын  (икесен тәрбиягә алган) тигез дәрәҗәдә ярата.

Гаилә институтын, гаилә мөнәсәбәтләрен ныгыту – Әлмәт районының иң мөһим бурычларының берсе. Безнең районда да елдан-ел гаиләләр арта, аларда ике, өч һәм аннан да күбрәк балалар тәрбияләнә. 10 ай нәтиҗәләре буенча 2017 елда 2379 бала туган: шуларның яртысы – гаиләдә икенче балалар, 360 гаиләдә өченче бала туган, 97 - 4-нче һәм аннан да артык бала. 30 гаилә игезәкләр тууын билгеләп үтте.

Каматамагылыларның сорауларына ГХАТ бүлеге җитәкчесе Елена Халикова җавап бирә.

Кабул итү Кама Тамагы ш.т.п. , К.Маркса урамы ,105 нче йорт адресы буенча үтәчәк.

Әтнә муниципаль районы Ташчишмә авылында яшәүче Лотфуллина Мәдинә Закир кызына 25 ноябрь көнне 90 яшь тулды. Лотфуллина Мәдинә озак еллар колхозда эшләгән. Туган көне уңаеннан аны котларга Әтнә муниципаль районы башкарма комитетының  җитәкчесенең урынбасары, Өҗем авыл җирлеге, социаль үзәк вәкилләре, редакция вәкилләре килделәр. Лотфуллина Мәдинәнең бәйрәмен котлап истәлекле бүләкләр тапшырылды.

25 ноябрь көнне Лениногорск районы Иске Шөгер мәданият йортында Әнилэр көненә карата кичә булып узды. Кичәгә Иске Шөгер авыл җирлегендә октябрь , ноябрь айларында туган балаларның әти әниләре чакырылган иде. Яшь әти -әниләр үзләренең яңа туган сабыйлары белән сәхнәгә күтәрелгәндә залда утыручылар әлеге парларны көчле алкышларга күмделәр.

   2017 елның 25 нчы ноябре көнне Лениногорск районы ЗАГС бүлегенең  тантаналы теркәү залында Аналар бәйрәме уңаеннан бәйрәм тантанасы үткәрелде. Тантанага 3 һәм аннан да күбрәк балалары булган 13 күп балалы гаилә чакырылган иде. 

   25 ноябрь көнне Түбән Кенә мәдәният йортында «Пар канатлар» дип исемләнгән кичә булып узды. Кичәнең төп кунаклары- озак еллар тигезлектә тату яшәүче Нәүфәл һәм Мәсхүдә Лотфуллиннар һәм Мидхәт һәм Сания Закировлар гаиләләре. Аларны бу истәлекле көннәре белән тәбрикләргә залга балалары, киленнэре, оныклары, дуслары, куршелэре килделәр.