ЯҢАЛЫКЛАР

19 декабрьдә Алабуга муниципаль районы башлыгы Г.Е.Емельянов сугыш ветераны Валентина Копылованы 90 яшьлек юбилее белән котлады. Бирелгән чәчәкләрдән, җылы котлау сүзләреннән соң район башлыгы сугыш ветераны белән бүгенге көн вакыйгалары турында фикер алышты.

    2014 елның 19 декаберендә Яр Чаллы шәһәренең Тантаналар сараенда 4500 пар теркәлде. Юбилей парлар булу бәхетенә Куликовларның яшь гаиләсе иреште. Бу гаять матур парлардан күз алмаслык иде.

Быелның март аенда район башкарма комитеты сессиясендә Тукай һәйкәлен ачу өчен 10 млн 123 мең сум акча бүлеп бирү хакында карар кабул ителгән иде. Һәйкәлнең авторлары – скульпторлар В.А.Демченко һәм А.В.Головачев. Һәйкәл – Алабуга халкына бөек Тукайга булган тирән хөрмәт-хисләрен чагылдыра.

ГХАТ органнары барлыкка килү көненә  багышлап, Тукай муниципаль районында иң оста чәк-чәк пешерүчегә ярыш оештырылды, районның төрле почмакларыннан 12 остаз үзенең көчләрен сынашты. Бәйрәмдә чәк-чәкнең бик күп төрләре тәкъдим ителде. Залда теләге булган кешегә бу татлы ризыкны пешереп һәм татып карау мөмкинлеге бар иде.

Бүген 2014 елның 18 декабре- гражданлык хәле актларын теркәү органнарының оешуына 97 ел! Нәкъ шул көнгә Казан шәһәре ГХАТ Идарәсе хезмәткәрләре менә дигән бүләк алдылар: Идарә заманча җиһазландырылган яңа бинага күчеп, беренче эш көнен башлап җибәрде. Казанлылар һәм шәһәребезнең кунаклары уңайлы шартларда үзләренә кирәкле архив документларын ала алалар, гражданлык хәле актларын теркиләр. Холлда электрон чират терминаллары, түләү өчен инфоматлар куелган, гариза тутырырга  җайлы зоналар әзерләнгән.

Бәхетле картлык нинди була? 2014 нче елның 18 декабрь көнендә Арча районы ГХАТ бүлегенә, гаиләләренең алтын туйларын билгеләп үтәргә килгән Розалия  белән Данил Гыйльмуллиннар, Үзбәк һәм Тәгъзимә Хәкимовлар, Мөхәммәт һәм Фаягөл Нуриевлар, Рифат һәм Равия Галимуллинар  гаиләләрендәге кебек, дияр идем. Бер–берсен хөрмәт итеп, шаян сүзләр белән дәшеп күңелләрен күтәреп, бүгенге тормышларына канәгать булып яшиләр алар.

18 декабрьдә Алексеевск муниципаль районы башкарма комитетының ГХАТ бүлегендә яшь әниләргә тантаналы төстә ана капиталына сертификат тапшырылды. Истәлекле көн белән аларны район пенсия фонды җитәкчесе Г.Х.Ахметова котлады. Бу көн әниләрнең күңелләрендә озак саклансын өчен, аларга истәлекле бүләкләр тапшырылды, музыкаль котлаулар яңгырады.

Шушы дүрт хәреф аббревиатурасы артында четрекле көндәлек эш яшерелгән. Бу илебезнең яңа гражданы тууын теркәүдән башлап соңгы язуына кадәр. Әлбәттә, ГХАТ бүлеге белгчеләренә аерым профессиональ һәм кешелеклелек сыйфатлары хас, бу сыйфатлар аларга үзләренең эш бурычын башкарганда ярдәм итә, бу – эшкә тугрылык, кешеләргә җылы мөнәсәбәт, аларны аңлый белү.

Шушы истәлекле көнне ТР Лениногорск шәһәре ГХАТ бүлеге бинасында ике буын белгечләре очрашу кичәсе узды. Бу ГХАТ бүлегенең бүгенге көндәге эшчеләре һәм ветераннар иде. Ветераннар үзләренең эш тәҗрибәләре белән бүлешсә, яшь буын бүгенге көндәге эш барышын сөйләде.