ЯҢАЛЫКЛАР
Татарстан Республикасы Министрлар Кабинетының гражданлык хәле актларын теркәү идарәсе башлыгы Г. Р. Нигъмәтуллина "Демография" милли проектын тормышка ашыру кысаларында Татарстан Республикасы Фәннәр академиясенең Гаилә һәм демография үзәге тарафыннан үткәрелгән "Гаилә үсешенең заманча тенденцияләре: имин, ныклы гаилә – Татарстан моделе" түгәрәк өстәл утырышында катнашты һәм "Татарстан Республикасында гражданлык хәле актларын теркәү күрсәткечләре буенча гаилә-никах мөнәсәбәтләрен үстерүнең төп тенденцияләре" темасына чыгыш ясады.
2019 елның 15 нче май Халыкара гаилə көнендə Түбəн Кама шəһəрендə яшь гаилəлəр өчен «Чəк-чəк» дип исемлəнгəн бəйге үткəрелде. Әлеге бəйге Түбəн Кама муниципаль районы ГХАТ идарəсе канаты астында үтə.
. 1969 елда Казан шәһәренең Ленин районы бюросында М. Җәлил исемендәге Татар дәүләт опера һәм балет театрының балет артистлары берлеге төзелә.
15 май көнне Бөгелмәнең ГХАТ бүлегендә 300 бала туу теркәлде – ул 2019 елның 8 маенда Бөгелмә бала тудыру йортында туган Александра исемле кыз. Соловьевлар гаиләсендә ул икенче бала, олы уллары Родионга – 8 яшь.
Бүген без якты гаилә бәйрәмен билгеләп үтәбез. Бу көнне якыннары һәм яраткан кешеләре турында сөйләшү, бер-берсенә яхшы сүзләр бүләк итү кабул ителде. Казан шәһәре ГХАТ идарәсе 2019 елның 15 маенда барлыкка килгән гаиләләрне котлый һәм бәхет, мәхәббәт һәм үзара аңлашу тели.
Алексеевск муниципаль районы башкарма комитетының ЗАГС бүлегендә Халыкара гаилә көнендә Панченколар гаиләсендә туган сабыйны тантаналы рәвештә теркәү үткәрелде. Алар кызларына матур исем Веста диеп теркәделәр. Яшь әти-әниләрне тормышларында булган күркәм вакыйга белән ГХАТ бүлеге җитәкчесе Суниева Э.З. котлады һәм аларга истәлекле бүләкләр тапшырылды.
Халыкара гаилә көне уңаеннан Тукай ГХАТ бүлеге “Гаиләләр салават күпере” дип аталган фестиваль үткәрде. Фестивальгә районның төрле авыл җирлекләреннән иҗади, сәләткә, җырга-моңга бай һәм һәркем өчен өлге булырдай 15 гаилә җыелды. Бәйрәмдә шулай ук үзләренең гаилә юбилейларын билгеләп үтүче матур парларны бүләкләп үттеләр. Гаиләләрнең ныклыгы бергәләп иҗат иткәндә икәнлеген аңлаткан бу бәйрәм күңелләрдә мәңге сакланыр.
Ул Халыкара гаилә көне исемен йөртә. Нәкъ менә гаиләдә өлкән буыннан кечесенә әхлакый һәм рухи кыйммәтләр, милли һәм мәдәни традицияләр тапшырыла. Бу искиткеч бәйрәмдә якын кешеләргә бүләкләр, җылы һәм күңел теләкләрен юллау кабул ителде. Бүген назны һәм кайгыртуны белдерү өчен менә дигән сәбәп бар-гаилә көне. Бу бәйрәм һәр кешенең тормышында иң кадерлесе — гаилә булуын тагын бер кат искә төшереп торсын иде. Безнең чынбарлыкта бу мәхәббәт һәм тугрылык утраучыкларын югалтмаска, якыннарын аңларга һәм алар янында үткәрелгән һәр минутның кадерен белергә телибез!
2019 елның 14 маенда Чистай муниципаль районы Башкарма комитетының ЗАГС бүлегендә Касаткиннар гаиләсендә игезәкләр тууы теркәлде.
2019 елның 10 маенда ике гүзәл кыз дөньяга килде. Кызларны әти-әниләр Полина һәм Арина дигән исем белән атадылар. Хәзер бәхетле ата-аналар Сергей Евгеньевич һәм Инна Владимировна гаиләсендә дүрт бала бар!
Халыкара гаилә көне алдыннан Әхмәтшиннар Ринат Мирза улы һәм Галия Гаҗи кызы алтын туйларын билгеләп үттеләр. Аларны Татарстан Республикасы Кайбыч муниципаль районы Башкарма комитеты ГХАТ бүлегендә хөрмәтләделәр. Башкарма комитет җитәкчесе Алексей Макаров юбилярларга район башлыгы Альберт Рәхмәтуллин исеменнән Рәхмәт хаты тапшырды.