ЯҢАЛЫКЛАР
Мамадыш муниципаль районы ГХАТ бүлегендә бу уку елында “Гаилә дәресләре” курсының соңгылары үтеп бара. Халыкара Гаилә көне алдыннан проектның тыңлаучылары “Мамадыш шәһәре академик К.Ә. Вәлиев исемендәге 2 нче номерлы лицее” укучылары булды.
Көтмәгәндә башланган сугыш күп кайгы һәм газаплар алып килде, күп кенә планнарны сызып ташлады, әмма шуңа да карамастан, илдә тормыш тукталмады. Элеккегечә Балык Бистәсе районы да яшәгән, гаиләләр барлыкка килгән һәм балалар туган.
Ата-ана булу – тиңсез бәхет. Яңа тормыш өчен, аның имин киләчәге өчен җаваплы булу зур горурлык.
2021 елның 12 маенда Бөгелмә муниципаль районы башкарма комитеты ГХАТ бүлегендә Гречиннар – Олег Михайлович һәм Оксана Геннадиевна гаиләсендә дүртенче бала тууы теркәлде.
Татарстан Республикасы Министрлар Кабинетының гражданлык хәле актларын теркәү идарәсе коллективы Казанның 175 нче гимназиясендә фаҗига нәтиҗәсендә һәлак булганнарның әти-әниләренең, туганнарының һәм якыннарының тирән кайгыларын уртаклаша. Зыян күрүчеләргә тиз арада сәламәтләнүләрен, хәсрәт кичергәннәргә көч-куәт һәм түземлек телибез.
Яр Чаллы шәһәренең Тантаналар сараенда булачак парлар өчен дәресләр сериясе дәвам итә. «Гаилә бәхете» дәресләре "Орион"яшьләр үзәге психологлары белән берлектә үткәрелә.
«Ышаныч» МП МБУ «Ювента» психологик-педагогик ярдәм бүлегенең педагог-психологы Яценко Марина Геннадьевна булачак яшь парлар белән очрашу үткәрде.
Интерактив дәрес яшь парларга бер-берсен яхшырак белергә, үз хисләрен чагылдырырга мөмкинлек бирде. Булачак гаилә парлары иҗади сәләтләрен күрсәттеләр һәм мастер-класста катнаштылар: парлар түгәрәкләрне термик буяулар белән бизәделәр.
Түбән Кама ГХАТ Идарәсе барлык шәһәр халкын әлеге бөек бәйрәм белән котлый!
2021 елның 11 маенда, Гаилә көне алдыннан, Балык Бистәсендә «Ничек яхшы хатын булырга һәм шул ук вакытта үзеңне югалтмаска» дигән темага семинар узды. Семинарны Казаннан чакырылган кунак, психолог Галеева Гүзәл Илдар кызы үткәрде.
Җиңү көне алдыннан, бөгелмәлеләр якташыбыз – Советлар Союзы Герое Газинур Гафиятуллин стеласына чәчәкләр салдылар, ул сугыш елларында күкрәге белән дошман пулеметын ябып, сугышчан иптәшләренең йөзләгән гомерен саклап кала. Немец-фашист илбасарларына каршы көрәштә батырлык күрсәткәне өчен сержант Гафиятуллин Советлар Союзы Герое исеменә лаек була, Ленин ордены һәм «Алтын Йолдыз» медале белән бүләкләнә.
ГХАТ бүлеге җитәкчесе Элла Демченко хатын-кызлар советы иҗтимагый оешмасы составында "Ветеранга бүләк" Бөтенроссия акциясендә катнашты. Ул ветераннарга һәм тыл хезмәтчәннәренә Бөгелмә балалар сәнгать мәктәбенең сәнгать бүлеге укучыларының Бөек Җиңү турындагы рәсемнәре белән бизәлгән мендәрләрен, бәйрәм пирогы һәм Татарстан Республикасы Президенты Р.Н.Миңнеханов исеменнән открытка тапшырды.