ТР сы Әгерҗе муниципаль районы башкарма комитетының ЗАГС бүлегендә 100 нче сабый теркәлде

2021 елның 17 мае, дүшәмбе

Әгерҗе районы ЗАГС бүлегендә ел саен матур гадәт буенча 100 нче баланы теркәү үткәрелә.

Бала туу- һәрвакыт зур һәм сөенечле вакыйга. Артур һәм Юлия Галиевлар гаиләсендә дә көтеп алынган нәниләре- Роберт дөньяга аваз салды. ЗАГС бүлеге тарафыннан аларның малайлары туу бик кызыклы үтте. Галиев Роберт Артур улының әти-әнисенә тантаналы рәвештә малайлары туу турында таныклык тапшырылды һәм ЗАГС бүлеге хезмәткәрләре тарафыннан бик күп җылы сүзләр әйтелде. Бәхетле әти-әнигә гаилә бәхете һәм тигез мәхәббәт, малайларының сәламәт булып үсүен теләделәр.