ЯҢАЛЫКЛАР
Ташкирмән авылында 1920 елда 10 январендә Ануфриева Мария Ивановна дөньяга килә. Ул Мишә совхозында 40 ел доярка булып эшләгән. Мария Ивановна – хезмәт ветераны һәм 1973 елда социаль хезмәт җиңүче исемен ала. Хәзерге вакытта аның 4 оныгы, 4 оныкчыгы бар.
2015 елның 14 январьдә Яр Чаллы шәһәренең “Энергетик” мәдәният сараенда Ана капиталы дәүләт сертификатын тапшыру тантанасы узды. Бу көнне сертификатларны 90 Чаллы гаиләcе алды.
Мөслим районы Яңа Сәет авылы Бөек Ватан сугышы – тыл ветераны Мәвиева Гайнекамал Газиз кызы 2015 елның 14 гыйнварында үзенең 100 яшен билгеләп үтте. Юбилярны тәбрикләргә Мөслим муниципаль район Башлыгы Р.Х.Муллин, авыл җирлеге Башлыгы һәм район делегациясе вәкилләре килгән иде.
14 гыйнварда тагын бер шундый палата Дөбъяз участок хастаханәсендә ачылды. Аны үз акчаларына Биектау район Советы депутаты, Дөбъяз авыл җирлеге башлыгы Әсхәт Низамов һәм аның улы – эшмәкәр Эльмир Низамов ремонтлаган. Сугыш ветераннары өчен ике урынлы палата заманча мебель һәм техника белән җиһазланган. Җайлы караватлар һәм тумбочкалар куелган, суыткыч, телевизор, аерым санузел да бар.
Ветераннар уңайлы һәм иркен шартларда дәвалана һәм тикшерү уза алачаклар. Ветераннар палатасын ачуда район башлыгы Рөстәм Кәлимуллин катнашты. Ул районда ветераннар өчен күп нәрсәләр башкарылуын һәм мондый эшнең моннан соң да дәвам иттереләчәген билгеләп үтте.
2015 елның 14 гыйнварында, күп еллар ЗАГС бүлегендә эшләп чыккан –Зубкова Татьяна Константиновна, 75 яшьлек юбилеен уздырды. Шундый шатлыклы көн белән Татьяна Константиновнаны ЗАГС бүлеге эшчеләре котларга килделәр. Аңа озын гомер, саулык-сәламәтлек теләп чәчәк бәйләмнәре һәм истәлекле бүләкләр тапшырдылар.
Актаныш районы Татар Ямалы авылыннан сугыш ветераны Шагтимер Хабибуллин 90 яшь тулу уңаеннан һәм шул ук авылдан тыл ветераны Хайбуллина Гөлшат 95 ел тулу уңаеннан котлаулар кабул итте. Аларга Россия Федерациясе Президенты В.Путинның, Татарстан Республикасы Президенты Р.Миннехановның котлау хаты һәм Район Башлыгының истәлек бүләге тапшырылды.
Мамадыш районы ГХАТ бүлеге коллективы биналарны һәм аның территориясен яңа елга бизәү бәйгесенең “кече бюджет предприятияләре” номинациясендә 1 нче урынга лаек булды. ГХАТ булеге житәкчесе Фәния Әхмәтшинага котлауларны һәм Рәхмәт хатын район Башлыгы Анатолий Иванов шәхсән үзе тапшырды.
Әмма башка еллардан аермалы буларак быел ике сабыйны тәбрикләделәр.
Әти-әнисе, туганнарына олы шатлык булып дөньяга килгән нәни ир-баланы Дамир дип исемләгәннәр. Ул иске Яңа елга бүләк булып Елена һәм Марсель Хөсәеновлар гаиләсендә аваз сала.
Сарман районы Сарман авылында яшәүче Ринат һәм Фатыйма Ногмановлар Алтын туйларын билгеләп үттеләр.
Авыл җирендә һәркемнең тормыш юлы күз алдында. Бу пар - авылның ихтирамын казанган күркәм гаилә. Төпле фикере булган, тырыш, бер минутын да бушка сарыф итәргә күнекмәгән Ринат абый бүгенге көнгәчә ветераннар хәрәкәтендә, районыбыз тормышында актив катнаша.