ЯҢАЛЫКЛАР
2018 нче елның 23 нче июнендә Чистай Никахлашу сараенда Маркушиннар гаиләсен алтын туйлары белән котладылар. Нәкъ 50 ел элек алар бер-берсен ир һәм хатын дип атаганнар!
Александр Петрович белән Зоя Егоровна - Чистай муниципаль районының танылган хезмәтчәннәре һәм активистлары. Ләкин хезмәт казанышлары аларның төп горурлыклары түгел, ә ике баласы һәм оныклары.
23 июнь көнне Бөгелмә районы башкарма комитеты ГХАТ бүлегендә 2018 елның 200нче гаилә пары теркәлде. Алар - Юлия һәм Алексей Чернышевлар.
ГХАТ бүлеге хезмәткәрләре яшь парга озын һәм бәхетле гаилә тормышы теләп, Бөгелмә муниципаль районы башлыгы Линар Закировның котлау открыткасын тапшырдылар.
ТР Лениногорск шәһәренең ГХАТ бүлегендә, 23 июнь көнендә Шарапов Минәхмәт Вәли улы белән Әминә Шафик кызының язылышуларына 40 ел тулу уңае “Рубин туй”ларын билгеләп үтү тантанасы уздырылды. ГХАТ бүлеге белгечләре тарафыннан юбилярларга күпләгән котлау сүзләре җиткерелде һәм юбилей таныклыгы тапшырылды. Юбилярлар шулай ук бу көннең истәлеге итеп, почет кенәгәсендә дә үзләренең имзаларын калдырдылар.
2018 елның 23 июнендә Яр Чаллы шәһәрендә Сабантуй бәйрәме узды. Бәйрәмне Башкарма комитет җитәкчесе Н.Г.Мәһдиев ачып җибәрде. Милли бәйрәмдә ТР Премьер-министры Алексей Песошин катнашты. Шәһәренең ГХАТ Идарәсе белгечләре әлеге зур бәйрәмдә ел саен катнашалар.
Сабантуй бәйрәме көнне, Тантаналар сараенда 39 пар никахларын теркәде.
Бүген шәһәрдә Сабантуй көнендә, Яр Чаллы шәһәренең Тантаналар Сараенда Насифуллиннар гаиләсе 60-ел бергә бәхетле гаилә тормыш итүләрен билгеләп үтәләр! Һәм бигрәк тә шунысы игътибарга лаек, ул вакытта әле яшь Хәйдәр һәм Мәүдирә туйлары шулай ук Сабантуй көнендә - 23 июнь, 1958 нче елда узды!
2018 елның 23 июнендә Түбән Кама муниципаль районы ГХАТ Идарәсендә булачак гаиләләр өчен, «Юнона» программасы буенча традицион шимбә дәресе узды.
23 июнь көнне Түбән Кама ГХАТ Идарәсендә булачак гаиләләр өчен, туй инструктажы узды.
Бу шатлыклы вакыйга Маннановлар Айрат Шамил улы һәм Альбина Ильдар кызы гаиләсендә булды. 12 июньдә аларның кызлыры һәм уллары туды. Алар гаиләдә икенче һәм өченче балалар. Өйдә аларны түземсезлек белән олы апалары Әмирә көтә. Яңа туган сабыйларга Азамат һәм Азалия исемнәре кушылды.
Игезәкләр туу белән гаилә берьюлы ике кешегә арта. Бу икеләтә бәхет, икеләтә шатлык. Балалар һәрвакыт бер-берсенә иптәш булачаклар.
2018 нче елның 22 июнендә Әгерҗе муниципаль районының ЗАГС бүлегендә ана капиталына дәүләт сертификатларын тапшыру тантанасы булып узды.
ЗАГС бүлегенә күптән түгел нәниләре аваз салган гаиләләр чакырылган иде. Ана капиталына сертификатлар тапшырганда Әгерҗе районы Пенсия фондының җитәкче урынбасары Җиһангәрәев Айрат Рафаэль улы яшь әти-әниләргә 2018 елдан башлап, сертификат акчаларын сабыйга 3 яшь тулуын көтмичә, мәктәпкәчә белем бирү өлкәсендә айлык түләүләргә тотарга мөмкин булачагы турында аңлатты.
Биектау муниципаль районы Әлдермеш авылында яшәүче Рәхимҗан абый белэн Рәзия апанын бергэ тормыш итуләренэ 11 июньдэ 65 ел булды. 2 малай һәм 4 кызга гомер биргэннэр алар.