ЯҢАЛЫКЛАР
Ветеренга Алабуга муниципаль районы башлыгы Г.Емельянов, Россия Президенты Путин исеменнән бүләкләр тапшырды.
Павел Николаевич Танайка авылында туып үскән. Гомер буе машинист, слесарь булып эшләгән. 50 елдан артык хезмәт стажы бар.
2018 елның 14 август көнендә Арча районы Шушмабаш авыл җирлегендә кунаклар булды. Мөдәрис һәм Фоадия Хәйруллиннар гаилә коруларына 50 ел булу уңаеннан туй көннәрен искә алдылар. “Кияү белән кәләшне” шулай ук Шушмабаш авыл җирлеге җитәкчесе Сагитов В.В. котлап бүләкләр тапшырды.
Бүген Кайбыч районы Иске Тәрбит авылында яшәүче Иванова Александра Иван кызы үзенең 95 яшьлек юбилеен билгели. Аны юбилее белән башкарма комитеты җитәкчесенең төзелеш буенча урынбасары Фирдүс Ахметов котлады. Ул Россия Федерациясе Президентының шәхси котлавын һәм район башлыгы Альберт Рәхмәтуллинның котлавын укып китте һәм истәлекле бүләк тапшырды.
2018 елның 14 нче августында “Татарстан Республикасы социаль яклау һәм халыкны эш белән тәэмин итү, халыкка социаль хезмәт күрсәтү министырлыгы «Шәфкатьлелек» үзәгендә” Түбән Кама муниципаль районы ГХАТ Идарәсенең баш белгече, Татарстан Республикасы атказанган социаль яклау министырлыгы хезмәткәре Галина Кузнецова белән очрашу узды.
2018 нче елның 13 нче августында Чистай муниципаль районы Башкарма комитетының ЗАГС бүлегендә Сәгъдетдиновлар гаиләсендә игезәкләр тууын теркәделәр.
Бәхетле әти күптән көтелгән Ләйсән һәм Наилә исемле кызлары туу шатлыгы белән уртаклашты.
Актаныш районы ЗАГС бүлеге район бала тудыру йортында 100 нче балага тантаналы төстә туу таныклыгы тапшырды. Бәхетле әти-әни Нуриев Айзат Хатип улы хәм әнисе- Нуриева Альбина Илис кызы өченче балалары - улларына Булат исеме куштылар. Район ЗАГС булеге җитәкчесе Гөлфинә Баян кызы Мухамадиева яшь парларны балалары туу вакыйгасы уңаеннан котлап, чын куңелдән аларга тигезлек, балаларын сау-сәламәт, бәхетле итеп устеруләрен теләде. Бәхетле әти- әнигә Республикабыз Президенты Р.Н.Миңнехановның котлавын һәм туу таныклыгын тапшырды.
Җәйнең иң якты, иң стилле пары 2018 нче елның 11 августында теркәлде. Максим һәм Вероника туй көннәрен һәр детальгә кадәр уйлаганнар.
“Тельняшкалы” регистрациянең сәбәбе - армия рәтләреннән кайткан Максимның ватанпәрвәрлеге генә түгел, шулай ук туй көнен гадәти булмаган, истә калырлык итеп үткәрү теләге.
Җиһанга аваз салган һәр сабыйга сөенеп, аның турында бөтен ил кайгырта. Азнакай районында да бәхетле әти-әниләрне тантаналы рәвештә котлаулар дөвам итэ. Менә бу юлы да район больницасы балалар тудыру бүлегендә әһәмиятле вакыйга: 2018 елның 8 август көнендә туган Ясминәне тантаналы рәвештә чыгару оештырылды.
Җәй көне - туйлар вакыты ул! Җәйге туйлар - могҗизалы вакыйга! Августа енда никахлашу яшьләргә «җылы» тормыш алып киләчәк, дигәннәр элек-электән.
2018 елның 11 августында Әлмәт муниципаль районы башкарма комитеты ГХАТ Идарәсендә, 750 пар үзенең гаилә берлеген теркәде. ГХАТ Идарәсе белгечләре Сәхипов Айдар Наил улын һәм Чистопольская Светлана Андрей кызын бәхетле көннәре — туй көне белән котладылар. Яшьләргә гаилә бәхете, исәнлек-саулык, сабырлык теләделәр.
Яр Чаллы шәһәренең Тантаналар сараенда 2018 елның 11 августда 2 меңенче пар үзләренең никахларын рәсмиләштерделәр. Бу бәхетле пар – Муса һәм Гульназ Измайловлар.
ГХАТ идарәсе исеменнән яшь гаиләне матур бәйрәм белән котлыйбыз, мәхәббәт, шатлык, тигез гомер телибез!