Бала тудыру йортында тантаналы выписка

2018 елның 12 августы, якшәмбе

Җиһанга аваз салган һәр сабыйга  сөенеп, аның турында бөтен ил кайгырта. Азнакай районында да бәхетле  әти-әниләрне тантаналы рәвештә котлаулар дөвам итэ. Менә бу юлы да  район  больницасы балалар тудыру бүлегендә әһәмиятле вакыйга: 2018 елның 8 август көнендә туган Ясминәне тантаналы рәвештә чыгару оештырылды. Азнакай муниципаль район башкарма комитеты  ГХАТ бүлегенең баш белгече Шакирова Светлана баланың ата-анасына, Ильяс белән Юляга “Туу турында таныклык” һәм Татарстан Республикасы Президенты Рөстәм Нургали улы Миңнеханов исеменнән “Котлау хаты” тапшырды. Аның котлауларына башка килгән туган-тумачалар да кушылды.