ЯҢАЛЫКЛАР
Бүген, 2013 елның 9 октябрендә, «Казан» гаилә үзәгендә беренче мәртәбә ана капиталы сертификатын бирү тантанасы узды. Бу көнне тугыз гаилә сертификат алу бәхетенә иреште. Казан шәһәре Вахитов районы Пенсия фонды һәм «Автоградбанк» вәкилләре тарафыннан ана-аналар исеменә җылы котлау сүзләре яңгырады. Алар әлеге сертификатның әһәмиятен ассызыкладылар, балаларга мәхәббәт һәм гаилә җылысы бирүче ата-аналарга рәхмәт сүзләрен җиткерделәр. Тантана ахырында барлык әниләргә чәчәкләр һәм бүләкләр тапшырылды.
2013 нче елның 9 ае дәвамында Татарстан Республикасында гражданлык хәле актларын теркәү вәкаләте бирелгән органнар тарафыннан 42703 туу турында акт төзелгән (шулардан 365 - үле туган бала, 109 – беренче атнада үлгән бала).
Өлкәннәр көне - иң якын, хөрмәткә лаек кешеләр, безнең әти-әниләр, әби-бабайлар бәйрәме. Бүгенге көндә Түбән Кама муниципаль районында 53 меңнән артык өлкән кеше яши. Алар арасыннан 60 яшьтән артканнары 19,5 % тәшкил итә. Димәк, барлык түбәнкамалыларның гомуми саныннан чыгып, өлкән кеше дип, һәр бишенче шәһәрдәшебезне әйтә алабыз.
Лаеш муниципаль районы башкарма комитеты ГХАТ бүлеге Газизуллиннар Руслан Наил улы һәм Гүзәл Тәлгать кызы гаиләсен уллары Риназ тууы белән котлады. Ул 2013 елның 1 октябрендә Лаеш шәһәрендә 100 нче бала булып туган. Яңа туган баланың әнисенә, Гүзәлгә, больницадан чыкканда туу турында таныклык, уенчыклар һәм истәлекле бүләкләр тапшырылды.
Бу бәйрәм бик матур, истәлекле вакыйга булып калды.
2013 елның 05 октябрендә Буа районы башкарма комитеты җитәкчесенең урынбасары Гөмәров Вагыйз Сагыйт улы һәм авыл җирлекләре җитәкчеләре 90 яшьлек юбилейларын билгеләп үтүче - Исәк авылыннан Бария Кәмалетдинованы һәм Таковар авылыннан Зинаида Молгачеваны котладылар һәм Рәсәй Президентының котлау открыткасын тапшырдылар. Юбилярлар бу көнне шулай ук Рәсәйнең төрле шәһәрләреннән кайткан балаларының һәм оныкларының да котлауларын кабул иттеләр.
1 октябрь көне Лаеш мәдәният йортында өлкәннәр көненә багышланган тантана үткәрелде. Лаеш муниципаль районы башлыгы М.П. Афанасьев бергә 50,55,60 ел яшәгән гаиләләрне чын күңелдән юбилей белән тәбрикләде һәм кыйммәтле бүләкләр тапшырды.