ЯҢАЛЫКЛАР
Бүген Казан шәһәренең Киров ЗАГС бүлеге Казан шәһәренең гаилә һәм балаларга социаль ярдәм күрсәтү бүлеге белән берлектә яңа гаилә төзергә теләгән яшь парларга консультация үткәрде.
Социаль ярдәм күрсәтү бүлеге психологы Арсланова Алина Альберт кызы булачак яшь парларга килеп чыккан проблемаларны һәм аларны чишү юлларын, гаилә институтының мөһимлеге турында сөйләп үтте.
2013 елның 9 октябрендә Яңа Савин районының ЗАГС бүлегендә Рудневлар Николай Иван улы һәм Мария Степан кызының 70-ел бергә тора башлау уңаенан бәйрәм чарасы булып үтте. Юбилярларга Илсур Метшин исеменнән котлау открыткасы, акчалата бүләк һәм чәчәк бүләк иттелде. Истәлек китабында алар кулларын куйдылар, бер-берсен котлап 10-елдан соң тагын бергәләшеп килергә вәгъдә бирделәр.
12 октябрь көнне Саба районында муниципаль хезмәткәрләр арасында Спартакиаданың зона туры үтте.
Биредә 9 район: Саба,Теләче, Арча,Кукмара,Балтач,Питрәч,Әтнә,Лаеш һәм Балык Бистәсе районнарының җыелма командалары волейбол,мини-футбол,бадминтон һәм җиңел атлетикадан көч сынашты. Теләче районының ГХАТ бүлеге дә чарада актив катнашты: район җыелмасы катнашында җиңел атлетика буенча 9 район арасында 3 нче урынга лаек булды.
Татарстан Республикасында агымдагы елның сентябрь ае “Без экстремиз һәм терроризмга каршы” шигаре астында узды. Шул уңайдан Түбән Кама муниципаль районының китапханәләрендә, мәдәният йортларында, музей, мәктәп һәм өстәмә белем бирү учреңденияләрендә төрле очрашулар, кызыклы конкурс-викториналар, яшьләр форумы һәм башка кызыклы чаралар булып узды. Түбән Кама муниципаль районы Гражданлык хәле актларын теркәү идарәсе әлеге чаралардан читтә калмады. Сентябрь ае ахырында ГХАТ идарәсендә бик үзенчәлекле исем кушу тантанасы булып узды
2013 елның 7 октябрендә Югары Ослан районы үзәк хастаханәсенең туу бүлегендә яңа туган Иван Петровның язылып чыгуы аның бәхетле ата-аналарына туу турында таныклык һәм истәлекле бүләкләр тапшырылуы белән узды.
ЗАГС бүлегенең җитәкчесе В.Бабушкина яшь парга бәхет, уңышлар, нык гаилә учагы, балалары сау-сәләмәт булып үсеп, аларны үзенең унышлары белән сөендереп торсын дигән теләкләр белдерде.
Еллык эш планы нигезендә ГХАТ бүлеге белгечләре Зәй мәктәпләрендә Гаилә дәресләрен үткәрәләр. 2013 нче елның 10 октябрендә чираттагы Гаилә дәресен Татар гимназиясенең 10 класс укучылары өчен баш белгеч Ландыш Ананьева үткәрде. Балалар белән очрашуда ГХАТ өлкәсендәге законнарда үзгәрешләр, электрон хезмәтләр күрсәтү тәртибе, никах һәм гаилә темасына әңгәмә алып барылды. Яшьүсмерләр әңгәмәдә актив катнашып, җиткерелгән мәглүматны кызыксынып кабул иттеләр.