ЯҢАЛЫКЛАР
Теләк белдергән һәр кеше хезмәткәрләргә мөрәҗәгатъ итеп, гражданнар хәле актларын теркәү турындагы сорауларларга җавап ала алды. Чит ил гражданнары белән никах теркәгәндә кирәкле документлар, кабаттан таныклык алу, белешмәләр алу һәм гражданнар хәле актларына үзгәрешләр кертүгә кагылышлы сораулар ешрак очрады.
Россия Конституция көнендә Балык Бистәсе гражданлык хәлен актлар теркәү бүлегендә көн буе халык агылды. Кешеләрне төрле сораулар кызыксындырды. Әммә иң күп сораулар арасында документларга төзәтмә кертү турыда сораулар булды. Килгән кешеләргә тулысынча аңлатмалар һәм киңәшләр бирелде. Өстәвенә гражданнар телефоннан да сораулар бирделәр. Кемнәрдер язылышырга чират юкмы дип кызыксынды, кемнәрдер төрле төбәкләрдән кабат таныклыклар сорату тәртибе белән кызыксынды.
Халыкара инвалидлар көне кысаларында ТР Менделеевск муниципаль районы күпфункцияле үзәктә, ЗАГС бүлеге дә шунда урнашкан, 2013 елның 1-сеннән 10 декабрьгә кадәр район башлыгы урынбасары, предприятие һәм оешма җитәкчеләре катнашында мөмкинлекләре чикле кешеләр өчен ачын ишекләр көне үткәрелде. Шул сәбәпле, җирле газетада белдерү бастырылды, күпфункцияле үзәкнең мәгълүматы стендларында игълан эленде, социаль яклау органнары, инвалидлар җәмгыятенә мәглүмат бирелде.
Залга предприятие һәм учреждение җитәкчеләре, авыл җирлекләре башлыклары һәм инвалид балалар тәрбияләнә торган гаиләләр өчен акча җыюга үзләреннән өлеш кертергә теләүче мәрхәмәтле кешеләр җыелды.Мәдәният йортына чынлап та кеше кайгысына битараф булмаган шәфкатьле һәм сизгер күңелле кешеләр җыелды. Зал уртасына акча салу өчен савыт куелган иде. Теләге булган һәркем анда акча сала алды.. барлыгы 112 мең сум акча җыелды, инвалид бала тәрбияләүче һәр гаиләгә 11 мең сум акча тапшырылды.
2013 елның 11 декабренда үзәк башкарма комитеты җитәкчесе урынбасары Владимир Друк катнашында район больницасында туберкулез, ВИЧ- инфекциягә каршы Ведомствоара комиссиясе утырыш булды. Комиссия эшендә үзәк район больницасы баш врачы Наил Нигматуллин, баш врач урынбасары Рамил Гаязов, комиссия әгъзәләре шулай ук чакырылучылар катнашты.
2013 нче елның 12 нче декабрьендә - Россия Федерациясе Конституциясе көнендә Татарстан Республикасы Министлар Кабинеты ГХАТ идарәсендә (Казан шәһәре, Әхтәмов урамы, 14 нче йорт адресы буенча) 12.00 сәгатьтән 20.00 сәгатькә кадәр Гомумроссия гражданнарны кабул итү көне узачак.
Кабул итүгә алдан ук (843) 293-14-89 телефоны аша язылырга мөмкин.
Түбән Кама муниципаль районы Гражданлык хәле актларын теркәү идарәсендә “Татнефть” нефтехимия комплексының “Түбән Кама Шин” ачык акционерлык җәмгыятендә озак еллар буена хезмәт куючы, шушы араларда гына үзләренең бергә тормыш корып яши башлауларының коралл, мәрҗән һәм көмеш туйларын билгеләп үтүче парлар катнашында “Юбилейлар парады” дип исемләнгән тантана булып узды.
Түбән Кама ГХАТ идарәсендә яңа ел бәйрәме алдыннан уздырыла торган “Гаилә бәхете муенсасы” акциясе быел да декабрь ае башында старт алды. Филипп белән Светлана Сергеевларга үзләренең мәхәббәтләре сәйләннәрен әлеге символик муенсага иң беренче булып урнаштыра алу бәхете елмайды.
Дөнья куабыз, абына-сөртенә йөгерәбез. Шушы ашыгулы-кабаланулы заманда бер мизгелгә генә туктап, тирә-юнебезгә күз салсак, анда төрле кешеләр, бәлки әле безнең ярдәмгә мохтаҗ кешеләр дә бардыр.
Әлбәттә, андыйлар – сәламәтлекләре чикләнгән кешеләр безнең арада бар. Ә инвалидлар Декадасы физик мөмкинлекләре чикләнгән кешеләргә ихтибарны тагын да арттыра.