ЯҢАЛЫКЛАР
8 март Халыкара хатын-кызлар көне уңаеннан Кайбыч муниципаль районы Кече Кайбыч мәдәният йортында тантаналы төстә көмеш туйларын билгеләп үткән гаилә парлары - Зиннуровлар, Гайнуллиннар, Нуруллиннарны котладылар. Кичәдә юбилярларны балалары, оныклары, якын туганнары тәбрикләде, үзешчән башкаручылар алар яраткан җырларны башкардылар.
Кичә 3 буын хатын-кызлары: яшьләр, урта һәм өлкән буын хатын-кызларының очрашуы, ярышуы, узара аралашуы рәвешендә оештырылды. Кичәдә катнашучы гүзәл затлар үзләренең уңган-булганлыкларын зур дәрәҗәдә күрсәттеләр. Милли һәм гаилә традицияләрен саклау - “Кич утыру” фольклор композицияләрендә чагыла. Бәйрәмдә хатын-кызларны чәчәк –бүләкләргә күмде.
Ирле – хатынлы Деманов Евгений Артемий улы һәм Вера Яким кызы менә инде 50 ел кулга – кул бирешеп тормыш буенча бергә атлыйлар. Алар гаиләләрен 1964 елның 7 мартында корып җибәргәннәр. Демановларның гаиләләрендә уртак узган еллары – чын байлык. Алар бер – берсен яраткан һәм хөрмәт иткән, очраган борчуларга һәм мәшәкатьләргә карамыйча, үз мәхәббәтләрен һәм тугрылыкларын бүгенге көнгә кадәр саклаган, чынлап та, алтын кешеләр.
Уртак тормышларының 50 еллыгына багышлап, ирле – хатынлы Демановларның исемнәре “Районның хөрмәтле гражданнар” китабына кертелде, алар шул китапка кулларын куйдылар. ЗАГС булеге җитәкчесе юбилярларга район Башлыгының Рәхмәт хатын һәм истәлекле бүләк тапшырды.
2014 елның 7 мартында Макыл авыл җирлегенең мәдәният йортында гаилә тормышының Алтын юбилярлары ирле – хатынлы Василий Сергей улы һәм Галина Михаил кызы Бакановларны котлау буенча тантаналы чара узды.
Алтын туйга кадәр бергә яшәү роле сайлаулы кешеләргә генә төшә һәм тормыш бу рольгә юкка гына безнең юбилярларны сайламагандыр. Алар барлык тормыш китергән сынауларга лаеклы каршы тора алганнар, бер-берләренә мәхәббәт һәм хөрмәт саклаганнар, бүген аларга яратулары белән җавап биргән яхшы балалар тәрбияләгәннәр.
Уртак тормышларының 50 еллыгына багышлап, ирле – хатынлы Бакановларның исемнәре “Районның хөрмәтле гражданнар” китабына кертелде, алар шул китапка кулларын куйдылар һәм балдаклар белән алмаштылар. ЗАГС булеге җитәкчесе юбилярларга район Башлыгының Рәхмәт хатын һәм истәлекле бүләк тапшырды. Авыл җирлеге башлыгы, хезмәттәшләре, балалары, туганнары исеменнән алар турында куп җылы сүзләр әйтелде. Бәхетле юбилярлар алдында Макыл урта мәктәбе укучылары чыгыш ясадылар.