ЯҢАЛЫКЛАР
Түбән Кама муниципаль районы Гражданлык хәле актларын теркәү идарәсендә агымдагы елның 8 апреленда янгынга каршы өйрәтүләр булып узды. Өйрәнүләр вакытында ГХАТ идарәсе белгечләре янгын кебек гадәттән тыш хәл килеп чыккан очракта нәрсәләр эшләргә кирәклеген, эш урыннарыннан кемнең кайсы янгын сүндерү җайланмасына тиз арада барып җитү мөмкинлеген уртага салып сөйләштеләр. Өйрәнүләрнең практик өлеше урамда, огнетушитель ярдәмендә янгын сүндерүгә кайтып калды. Янгынга каршы куркынычсызлык өчен җавап бирүче ГХАТ идарәсе җитәкчесенең урынбасары Зөфәр Гарипов сүзләренә караганда, мондый өйрәтүләрнең әһәмияте бәяләп бетергесез зур, һәм, әйтергә кирәк, гадәттән тыш хәл килеп чыккан очракта ГХАТ идарәсе белгечләре сынатмаячак.
Чыгыш һәрвакыттагыча тыңлаучыларның игътибарын җәлеп итте. Григорьева Л.М. район башлыгы урынбасары З.Х.Сөнгатуллина һәм башкаларның сорауларына җавап бирде.
7 апрель көнне, Байлар Сабасы зонасында хатын-кыз командалары арасында волейбол буенча район чемпионаты төгәлләнде. Иң яхшы уенчылар булып Рузалия Фәйзерахманова (Финанс-бюджет палатасы - 1), Фәридә Шәрәфиева (Сбербанк), Зинфира Маликова (ГХАТ булеге), Ләйсән Гасыймовалар (Саба муниципаль районы Башкарма комитеты) танылды. Нәтиҗәләр: 1 урында - "Саба муниципаль районы Башкарма комитеты" командасы, 2дә - "Гимназия", 3нче урынны "Олимп" спорт мәктәбе яулыды.
2014 елның 7 апрелендә Олы Мәми авыл җирлегендә менә инде 50 ел кулга – кул бирешеп, тормыш буенча бергә атлаган ирле – хатынлы Сергей Василий улы һәм Екатерина Федор кызы Баймяшкиннарны котлау буенча тантаналы чара узды.
Алтын Юбилярларның җилкәләре артында озын, авыр, әмма бәхетле тормыш. Алар барлык тормыш китергән сынауларга лаеклы каршы тора алганнар, бер-берләренә мәхәббәт һәм хөрмәт саклаганнар. Ирле – хатынлы Баймяшкиннар гомер буе “Дальний” совхозында хезмәт иткәннәр. Хезмәтләре кабат – кабат Мактау кәгазьләре, Рәхмәт хатлары һәм медальләр белән билгеләнгән. Баймяшкиннар гаиләсе аларга алты онык бүләк иткән өч бала тәрбияләгәннәр.
Уртак тормышларының 50 еллыгына багышлап, ирле – хатынлы Баймяшкиннарның исемнәре “Районның хөрмәтле юбилярлар” китабына кертелде, алар шул китапка кулларын куйдылар. ЗАГС булеге җитәкчесе юбилярларга сәламәтлек, бәхет, озын гомер теләп, Югары Ослан муниципаль районы Башлыгының Рәхмәт хатын һәм истәлекле бүләк тапшырды. Олы Мәми авыл җирлеге башлыгы, балалары, туганнары исеменнән алар турында куп җылы сүзләр әйтелде.
Гаилә кешелеклелек, әхлак, яшәешнең нигезе, ул иң ышанычлы таянычыбыз, сыеныр урыныбыз. Гаилә – ил терәге дә. Җыйнап кына әйткәндә, гаилә – бәхет ачкычы.
Авылда үткәрелгән бу гаилә бәйрәмен зурлап, район хакимиятеннән вәкилләр, Казаннан Татарстан Дәүләт Советы депутаты, халык шагыйре Роберт Миңнуллин һәм «Россия татар гаиләсе» фонды директоры Миләүшә Гайфуллинана килгәннәр
Зөлфирә белән Данил Яруллиннар сәхнәгә чакырылды. Аларның гаилә стажлары 50 ел.
Күп балалы гаилә номинациясендә сәхнәгә балалары белән бергә Рәмзия белән Илсур Җиһаншиннар күтәрелде
Күпләргә үрнәк булып яшәгән тагын бер гаилә бу көнне игътибар үзә-гендә булды, бу – Разыя һәм Камил Фатыйховлар. Аларны да балалары гаилә бәйрәме белән котлап, чәчәк бәйләмнәре бүләк иттеләр.
Бер һөнәр ияләре булган үрнәк гаиләләр дә бар авылыбызда, шундыйларның берсе – Гүзәл һәм Рәфкать Гәрәевләр. Алар икесе дә күп еллардан бирле мәктәптә эшлиләр. Балалары аларны да чәчәкләргә күмделәр.