Татарстан Республикасы Министрлар Кабинетының гражданлык хәле актларын теркәү идарәсе

18 апрельдә Россия гражданины, Менделеевскида яшәүче Эльвира Протасова һәм Украина гражданины Александр Артюшенко өчен бәхетле көн – гаиләләре оешкан көн була

2014 елның 18 апреле, җомга

Ул – украин, хатыны – россияле. Мәхәббәт аларны берләштерде, өйләнештеләр. Үз никахларын тугандаш халыклар арасында сугыш булмау үрнәге дип атадылар.
Психологлар курортта башланган мөнәсәбәтләр өметсез, ышанычсыз дисәләр дә, ике ел элек Кырымның көньягында башланган ял Эльвира өчен туй белән тәмамлана, анда ул үзенең язмышы Александрны очрата.

Бергә ял иткәннән соң интернет аша аралашалар һәм Эльвира Украинага кунакка бара. Ике елдан соң гашыйклар мөнәсәбәтләрен законлы никах белән беркетергә карар кылалар һәм 18 апрельдә Россия гражданины, Менделеевскида яшәүче Эльвира Протасова һәм Украина гражданины Александр Артюшенко өчен бәхетле көн – гаиләләре оешкан көн була.
ЗАГС бүлеге начальнигы Ф.В.Козырева аларга озак елларга гаилә бәхете Эльвира һәм Александрны берләштергән союзның игелекле булуын, йортларында балалар тавышы яңгырап торуын теләде.
“Хәзерге җәмгыятьтә гаилә авторитетын ныгыту, гаилә кыйммәтләре һәм традицияләрне саклау, туганнарыңа һәм якыннарыңа карата игътибарлы мөнәсәбәт таләп ителә. Сезнең гаилә төзүегез – туганнарыгыз, якыннарыгыз өчен шатлык, ныклы, тату һәм чәчәк атучы гаиләләргә ихтыяҗы булган җәмгыятебез өчен мөһим вакыйга, – диде котлау сүзендә “Бердәм Россия” партиясенең Менделеевск җирле бүлекчәсе башкарма комитет җитәкчесе К.И.Смирнова.
“Чикләр билгеләнмәгән! Дөнья ширкәтләре берләшә һәм хатынымның кайсы ил вәкиле булуы минем өчен мөһим түгел, иң әһәмиятлесе – мин аны яратам”, – ди яңа өйләнгән Александр Артюшенко.

БАРЛЫК ЯҢАЛЫКЛАРНЫ УКУ