ЯҢАЛЫКЛАР

Татарстан Республикасы Бөгелмә муниципаль районы башкарма комитеты Гражданлык хәле актларын теркәү бүлеге хезмәткәрләре 8 майда Бөек Ватан сугышы ветераны Замараев Геннадий Алексеевичны Бөек бәйрәм белән котладылар. Геннадий Алексеевич дәһшәтле сугышны узган кеше. Авырлыклар, ачлык, югалтуларга карамастан, Геннадий Алексеевич кебекләр илебезне Җиңүгә китерде. Без үзебезнең һәм балаларыбызның бүгенге тыныч тормышта яшәве белән ветераннарга бурычлы. ГХАТ бүлеге хезмәткәрләре Геннадий Алексеевич һәм аның тормыш иптәшенә ныклы сәламәтлек, бәхет, аяз күк йөзе теләделәр, истәлеккә бүләк тапшырдылар.

9 май - Бөек Жину бәйрәме. Яшел Узән муниципаль районы башкарма комитеты ГХАТ хезмәткәрләре 69 нчы Бөек Жину бәйрәмендә дә уз өлешләрен кертмичә калмады. 9 май көнне Ватаныбызнын азатлыгы һәм бәйсезлеге өчен Бөек Ватан сугышында хәлак булган каһарманнарны,тылда станок артында,колхозда басу кырларда көн-төн эшләп Жинугә уз өлешләрен керткән фидакарь тыл хезмәтчәннәрен олы ихтирам һәм юксыну белән искэ алып, аларнын тиндәшсез батырлыклары алдында баш иеп, чәчәк бәйләмнәрен куйдылар. Сугышлар булмасын! Жир йөзендә тынычлык хакимлек итсен! Яшәсен тынычлык! Илебез куге һәрвакыт тыныч булсын, халкыбыз йөзеннән елмаю китмәсен дигән теләктә калабыз.

Түбән Кама муниципаль районы ГХАТ идарәсендә агымдагы елның 8 маенда Бөек Җиңү көненең 69-еллыгына багышланган тантанага Бөек Ватан сугышы ветераннары гаиләләре, мәктәп укучылары, мәртәбәле кунаклар чакырулы иде. Ветераннар гаиләләренең барысы да алтын, зөбәрҗәт туйларын билгеләп үткән, бүгенге көндә бергә тормыш корып яши башлауларының тимер юбилейлары бусагасында торалар.  Бәйрәмгә Виль Хатыйп улы һәм Фәгыймә  Ибраһим кызы  Хәсәновлар, Михаил  Кузьмич һәм Анна Васильевна Волковлар, Матвей Андреевич и Мария Григорьевна Батыревлар, Әнәс Шафигулла улы и Шәрифә Кыям кызы Хайруллиннар килгән иде.  Алар арасында Бөек Ватан сугышын башыннан азагына кадәр үткән ветераннар да, сабый килеш Ленинград шәһәренең блокадасы вакытында газап чиккәннәр дә, армый-талмый тылда хезмәт иткәннәр дә – барысы да бар. Түбән Кама ГХАТ идарәсе исеменнән ветераннар гаиләләренең барсына да бәйрәм бүләкләре тапшырылды. Бәйрәм тантанасыннан  соң ветераннар белән бергә ГХАТ идарәсе белгечләре Мәңгелек Ут Монументына чәчәкләр куюда катнашты. 

Ветераннарны зур хөрмәт белән “Төзүчеләр” стадионында каршы алып, бөек  бәйрәм белән котладылар.

      9 май көне безнең өчен изге көн, ата-бабаларыбыз аны бар көчләре белән якынайту өчен тырыштылар, фронтта батырлык күрсәттеләр, тылда Җиңүне якынайту өчен фидакарь хезмәт куйдылар. Рәхимсез дошман тар-мар ителде. Дистәләгән миллион кешеләрнең тормышын вакытыннан алда өзгән коточкыч, канкойгыч сугыш инде үткәндә калды.

      Бөек Җиңү көненә багышланган митинг Монай авылы җирлегендә булды. Анда ЗАГС бүлеге мөдире Ф.В.Козырева катнашты. Менделеевск муниципаль район башлыгы И.А.Привалов, башкарма комитет һәм шәхсән үз исеменнән котлау сүзе белән чыгыш ясады. Кызганычка каршы, авылда исән калган сугыш ветераннары берәү дә юк, әмма тыл хезмәтчәннәре әле дә безнең арада яшиләр. 

Бөек Җиңү өчен  сугышта катнашучылар гына түгел, тыл эшчәннәре дә чын күңелдән әйтелгән рәхмәткә лаеклылар. Завод – фабрикаларда, колхоз кырларында  Бөек Җиңүне якынайту өчен алар барлык көчләрен биреп эшләделәр.

  Тәтеш муниципаль районында Бөек Җиңү бәйрәме якынлашкан көннәрдә ЗАГС бүлеге хезмәткәрләре  тыл ветераннарын котладылар. Т.Я.Голубина 16 яшеннән авыл советы секретаре булып эшли башлый.ЗАГС бүлеге башлыгы Л.М.Дианова Татарстан республикасы Президенты Рәстәм Нургали улы Миннихановның һәм Тәтеш муниципаль районы Башлыгы В.С.Чершинцевның котлау хатларын тапшырды һәм шулай ук азык – төлек җыелмасыннан торган пакет тапшырылды.

      Актаныш районы ЗАГС бүлеге җитәкчесе  Гөлфинә Баян кызы Мухамадиева Кәзкәй авылы җирлеге ветераннарын, авыл халкын 8 май көнне  Җиңү бәйрәме белән котлады. Бәйрәм чарасында барлык укучылар, балалар бакчасында йөрүче балалар, җирлек халкы, сугыш һәм тыл ветераннары катнашты. Гөлфинә Баян кызы тормышның барлык ачысын үз җилкәләрендә күтәргән ветераннарга район Башлыгының рәхмәт хатын һәм истәлек бүләкләрен тапшырды. Бәйрәм тантанасы  күңелләрдә якты истәлекләр калдырды.