ЯҢАЛЫКЛАР
2014 елның 12 маенда Буа муниципаль районыныж Исәк авыл җирлеге башлыгы һәм башкарма комитетынын сәркәтибе 60 ел бергә тормыш юлын үтүче Әлки авылында яшәүче Галиуллин Тауфик абый белән Марьям апаның һәм Шәйхетдинов Рифкәт абый белән Гөллинә апаның гаиләләрен Җиңү бәйрәме белән һәм Гаилә көне белән котлап район башлыгының Мактау хатын һәм бүләкләр тапшырдылар.
Соңгы көннәрдә яуган шифалы яңгырлар җир өстенә бәрәкәт булып иңде. Табигать күзгә күренеп яшәрә, яшел төскә керә бара. Мондый көннәрне берничек тә өйдә утырып булмый, билгеле. Саба халкы урамнарны чуптэн арындырырга чыкты. Хэм инде ул коне эле «Бөтенроссия агач утырту» көнендә иде . Барда актив катнашты. Бөек Җиңүнең 70 еллыгына багышлап каен, юкә агачы утыртылды. Агачлар яфрак ярып, яшәреп киткәч, урамнар тагын да ямьләнеп китәр һәм анда яшәүчеләр өчен зур шатлык китерер дип өметләнеп калабыз.
Бөек Җиңү бәйрәме якынлашкан бу көннәрдә районыбызның Көек авылында яшәүче Гайфиевлар гаиләсендә икеләтә зур бәйрәм: Бөек Ватан сугышы Ветераны Шаһи абый һәм гомерен медицинага багышлаган Рәйсә апа бриллиант туйларын билгеләп үтә. 60 ел гомерләрен бер-беренә терәк булып яшәгән Гайфиевларның тормышлары күпләргә үрнәк. Украина фронтында катнашкан Гайфи абый күңелендәге яраларын кузгатырга яратмый. Алар ике кыз, ике ул тәрбияләп үстергәннәр.
Түбән Кама муниципаль районы Каенлы авыл җирлегенең башлыгы Фәнис Нәбиуллин Бөек Җиңү көне уңаеннан 7 май көнне Бөек Ватан сугышы ветераннарын өйләренә барып котлады. Каенлы авылында сугышта катнашучылардан Камиль Әхмәтгәрәй улы Ульданов белән Сергей Петрович Кириллов кына бүгенге көндә исән-саулар. Фәнис Нәбиуллин аларга исәнлек-саулык, гаилә бәхете теләде һәм кыйммәтле бүләкләр тапшырды. 8 май көнне Каенлы авылында Җиңү көне уңаеннан Хәтер митингы булып узды.
Илебездә билгеләп үтелүче күпсанлы бәйрәмнәр арасында Җиңү көне аерым урын алып тора. Әлеге бәйрәм беркемне дә битараф калдырмый. Бу шатлыклы, тантаналы язгы көндә сугышта катнашкан барлык ветераннарга рәхмәт сүзләрен җиткерәсе килә.
Шуңа күрә Илмир һәм Юлия Сабитовлар туй көне итеп әлеге истәлекле датаны сайлаганнар. Бә йрәм символы итеп, ГХАТ бүлеге специалисты Магалимова Я.Ш. яшьләрнең киемнәренә Гиоргий лентасын беркетте. Язылышканнан соң, традиция буларак, Сабитовлар сугышта һәлак булган бабалары истәлегенә Мемориаль комплекстагы мәңгелек ут янына чәчәкләр куйдылар.
Җиңү – безнең йөрәкләрдә һәм күңелләрдә мәңгелек, беркайчан да онытылмас. Барлык ветераннарга сәламәтлек, бәхет, озын гомер, гаиләләрнең тынычлыклыкта һәм иминлектә тормыш кичерүләрен телибез.
Бөек Җиңү көне уңаеннан Түбән Кама муниципаль районы ГХАТ идарәсе коллективы Мәңгелек Ут Монументына чәчәк куюда катнашты. Әлеге чара коллективтагы һәр хезмәткәр өчен бик мөһим һәм истәлекле. Әйтик, 1941 нче елның көзендә 17 яше тулыр-тулмас килеш фронтка киткән Габдулла Салихов сугышны нигездә Икенче Белоруссия фронты составында үтә. Берничә тапкыр каты җәрәһәтләнеп совет солдаты Габдулла Салихов хәрби госпитальләрдә ятып чыга. Көнчыгыш Пруссия, Венгрия, Румыния, Молдова, Чехословакия шәһәрләрен фашист илбасарларыннан азат итүдә катнаша ул. Кече серңант Габдулла Салихов II дәрәҗәдәге Бөек Ватан сугышы Ордены, Кызыл Байрак Ордены белән бүләкләнгән, аның күп кенә медальләре дә бар. Габдулла абыйның оныклары өчен исә 73 ел элек Сталинның үзе исеменнән атап язылган Рәхмәт хаты аеруча истәлекле.
ГХАТ идарәсе коллективы хезмәткәрләре арасында Ленинград шәһәренең блокадасында калып, хәбәрсез югалган туганнарын әле дә эзләп таба алмаучылар бар. Озак еллар буе саклап килгән, ата-анадан балаларга күчеп баручы иң кадерле истәлекләрен барладылар Бөек Җиңүне каршылап, Мәңгелек Ут Монументына чәчәк куюда катнашкан ГХАТ идарәсе белгечләре.
Җомга көнне иртәдән үк төрле төстәге шарлар тоткан балалар һәм шулай ук өлкәннәр бәйрәм булачак мәйданга ашыктылар. Совет халкының Бөек Ватан сугышында данлы Җиңүенә, сугышта һәлак булучылар истәлегенә багышланган митингта катнашучыларга башта сугышның беренче көннәрен күз алдына китерергә мөмкинлек бирделәр: менә сәхнәгә кырык беренче елны мәктәпнең чыгарылыш класс укучылары рольләрен башкаручылар, ирләрен фронтка озатучы хатын-кызлар чыкты… Алгы рәтләрдә урын алган безнең ветераннарыбыз боларны үзләре кичергән кешеләр. Ни кызганыч, фронтларда тормышларын аямыйча сугышкан, тылда көнне-төнгә ялгап эшләгән, сугышның бөтен авырлыгын үз җилкәләрендә күтәргән ветераннар хәзер бик аз калып бара. Шушы авыр сынауларны үтеп, илнең азатлыгын саклап калган батырлар алдында кадетларның рәхмәт хисләре белән алларына килеп тезләнеп рәхмәт әйтүләре аеруча дулкынландыргыч мизгелләрнең берсе булды.
9 май – гомумхалык бәйрәме. Солдатлар яу кырында сугышкан, ә хатын-кызлар илебезнең киләчәге булган балаларны үстергән. Уртак тырышлык белән дошманны Җиңү көнен якынайтканнар. Россиядә сугыш читләтеп үткән бер генә гаилә дә юктыр. Бу көнне сугыш кырында ятып калганнарны, аннан соң җимереклекләрне торгызуда фидакарьлек күрсәткәннәрне искә алалар, бүгенге көндә сафта булган Бөек Ватан сугышы ветераннарын бәйрәм белән котлыйлар.
Бу Бөек көнне һәлак булган сугышчыларның каберләренә веноклар, тере чәчәкләр салалар.