ЯҢАЛЫКЛАР

Бөтен җирдә дәүләт байраклары төшерелгән, төрле шәһәрләрдә Бөек Ватан сугышы мемориаллары янында сугышта һәлак булган миллионнарча совет гражданнары истәлегенә шәмнәр кабыздылар. Илебезнең һәр почмагында бу көннәрдә Хәтер көнен билгеләп үтелә.

22 июнь көнне Мөслим районы мемориаль комплексында шулай ук Хәтер һәм матәм көненә багышланган тантаналы митинг узды. Район Башлыгы Р.Х.Муллин мәңгелек ут янындагы Билгесез солдат һәйкәленә венок салды. Сугышта һәлак булганнар истәлегенә мемориалга чәчәкләр һәм веноклар салырга чәчәкләр тоткан бик күп мөслимлеләр җыелган иде.

Бу сугыш башлануны искә алу көне генә түгел, ә берни алыштыра алмаслык югалтулар, күп язмышлар бәясе белән яулап алынган җиңү өчен рәхмәт хисләрен белдерү көне дә. Хәрмәтле ветераннар, һәр иртәне якты тыныч күк йөзе астында каршылавыбызга без Сезгә чиксез рәхмәтлебез!

Апаста 22 июнь көнне 10.00 сәгатьтә район үзәгендәге Батырлар Мемориаль комплексы янында Бөек Ватан сугышы ветераннары, тыл хезмәтчәннәре, өлкәннәр, яшьләр, гомумән, район активы катнашында митинг узды. Биредә театральләшкән күренеш, чыгышлар, мәңгелек ут янына чәчәкләр салу һәм шулай ук Ростов, Севастополь, Мамай Курган, Кырым “Туганнар каберлекләре”ннән алып кайтылган изге туфракларны тантаналы төстә Мемориаль комплекска урнаштыру мизгелләре булды.

12.00 сәгатьтә барлык авыл җирлекләрендәге батырлар һәйкәлләре янында митинглар узды.

      21 июньдә Татарстан Республикасы Министрлар Кабинеты ГХАТ Идарәсе башлыгы – Э.А.Зарипова Владимир шәһәрендә узган Сабантуй бәйрәмендә катнашты.

      Владимир өлкәсе җитәкчелеге ярдәмендә үткәрелгән әлеге бәйрәмдә Владимир өлкәсе законнар чыгаручы җыелышның мәгълүмат һәм иҗтимагый элемтә буенча идарә башлыгы - Н.И.Полидовец, Владимир өлкәсе администрациясенең иҗтимагый элемтә һәм массакүләм мәгълүмат чаралары буенча комитет консультанты - Л.И.Февралева, Владимир шәһәре башлыгы - С.В.Сахаров, Владимир шәһәре башлыгы урынбасары - Е.В.Овчинникова, Владимир шәһәре администрациясенең иҗтимагый элемтә һәм массакүләм мәгълүмат чаралары буенча идарә башлыгы - А.А.Карпилович та катнашты.

2014 елның  21 июнендә Татарстан Республикасы Бөгелмә муниципаль районы башкарма комитеты Гражданлык хәле актларын теркәү бүлегендә  искиткеч сөйкемле пар - Игорь һәм Альбинаның мәхәббәт белән гаилә коруларының беренче “туган көн”ен бәйрәм итү тантанасы уздырылды. Яшь гаиләнең никахлашуына бер ел тулгач ситсы туй билгеләп үтелә.

Ата-бабалардан  буыннан-буынга тапшырылучы бик матур йола ул. Игорь белән Альбина да үзләренең беренче истәлекле бәйрәмнәренә бер-берсенә ситсы яулыклар бүләк иттеләр. Һәрвакыт никахлары нык булуны раслап, алар ике яулыкны бергә төенләп бәйләделәр. Аннары бер-берсенең күзләренә карап, тугрылык антын әйттеләр, ә яулыкларны үзләре генә белгән җиргә куеп, гомер буе сакларга вәгъдә бирделәр.

Борынгы Русьтә, яулыкларны төенләп бәйләү йоласы дөрес үтәлгән булса, бу гаилә озак, дус һәм бәхетле яшәячәк, күңелсезлекләр читләтеп үтәр, йортта тәртип һәм тынычлык булыр, дип уйлаганнар.

2014 елның 21 июнендә муниципаль хезмәткәрләре арасында II спартакиада кысаларында чираттагы ярышлар уткәрелде. ГХАТ идарәсе белгечләре җинел атлетикада актив катнашты. Идарәнең җитәкчесе Амирова Гүзәл Рәис кызы хатын-кызлар арасында 100 м. йөгерүдә 1 урын яулады.

Сәхнә түрендә ярты гасыр бергә гомер кичерүче Касыйм һәм Наҗия Гайнетдиновләр, Хәсби һәм Гөлфруз Җиһаншиннар, Мирза һәм Нурсәйлә Ильясовлар гаиләләрен хөрмәтләделәр.   Алар  үзләренең   тормыш юллары турында сөйләде, акыллы балалар тәрбияләү серләре белән уртаклашты, бер-береңне гафу итә белеп түзем һәм сабыр  булып яшәгәндә генә ныклы гаилә төзеп булганлыгын яшьләргә җиткерделеләр . Кадерлеләрен котларга балалары, кияү-киленнәре, оныклары да килгән иде. Авыл җирлеге башлыгы Алексей Тимофеевич юбилярланы тәбрикләп истәлекле бүләкләр тапшырды.

        2014 елның 21 июнь көнендә Әлки муниципаль районының Иске Такталы авылы үзенең 400 еллыгын һәм мәктәп ачылуга 100 ел тулуны билгеләп үтте. Авылда иртәдән яңгыраган халык җырлары бәйрәм рухы өстәде. Котлаулар һәм теләкләр дә күп яңгырады. Бәйрәмдә иң дулкынландыргыч мизгел «алтын йөрәкле» юбилярларны котлау булды. Алар иңнәрен иңгә куеп 50, 55 ел гомер иткәннәр. ГХАТ бүлеге җитәкчесе аларга теләкләр теләде һәм истәлекле бүләкләр тапшырды.

21 июньдә башкалабыз Казанда төрле почмакларда Сабантуйлар гөрләде. Сабантуй-2014 нең төп мәйданында 11 район тарафыннан республикабызда гомер итүче төрле  милләтләрнең көнкүрешләрен, традицияләрен чагылдыручы  ишегаллары әзерләнгән иде. 

Каенлык мәйданында мамадышлылар керәшен ишегалдын оештырдылар. Монда килгән кунаклар керәшен өйләрен, чиркәү һәм башка күп кенә милли күргәзмәләр күрә алдылар, “Теләкләр басмасы” аша чыктылар, рәхәтләнеп керәшен фольклор ансамбльләрен тыңладылар, биюләргә кушылдылар.

Бәйрәмнең иң кызу ноктасы булып ишегалдына җөмһүриятебез җитәкчесе килүе булды. Рөстәм Миннехановны яшь пар Николаевлар каршы алды. Алар көне буе килгән кунакларга керәшеннәрнең туй йолаларын күрсәттеләр.

Яңа гына өйләнешкән Николай һәм Гөлназга Президентыбыз зур бүләк – телевизор тапшырды. Безнең Президентыбыз белән фотога төшү мәңгелек истәлек һәм зур сөенеч, - дип шатлыгын уртаклашты Николай.

Мамадыш районы Урта Кирмән авылында гомер итүче Абдуллиннар гаиләсе “Успешная семья Приволжья – 2014” бәйгесеннән кайтты. Киров шәһәрендә узган бәйгедә күп балалы һәм уллыкка бала алган гаиләләр катнашты. Әйтергә кирәк, бәйге Россия президентының вәкаләтле вәкиле Михаил Бабич боерыгы нигезендә икенче ел рәттән үткәрелә.

Якташларыбыз Абуллиннар гаиләсе  “Милли традицияләргә тугрылык” номинациясендә җиңү яулап кайттылар. Барлыгы бәйгедә 14 регионнан 24 гаилә катнашты. Барлык гаиләләр шулай ук июнь ае башында узучы  Бөтендөнья әкият уеннарының  шаһиты булганнар.

Фестивальдә күп кенә күренекле җырчылар, композиторлар, язучылар катнашкан.

Ракыя Гариф кызы күп еллар район башкарма комитетында бухгалтер булып эшләгән. Ул бик яхшы һәм аралашучан кеше, барысы да аны ярата һәм хөрмәт итә. Юбилярны тәбрикләргә Мөслим муниципаль район Башлыгы Р.Х.Муллин килде, ул Ракыя апаның иңсәсенә ак шәл-яулык япты, ТР Президенты Р.Н.Миннихановның исемле котлау хатын тапшырды. Ветеранны котларга хезмәттәшләре һәм дуслары да килгән иде. Алар истәлекле бүләкләр һәм күчтәнәчләр тапшырдылар, юбилярга күңел тынычлыгы, ныклы сәламәтлек теләделәр.