Кайбыч районы Чүти авылы мәдәният йортында узган “Алтын никахлар “ кичәсенә тормыш сукмагыннан 50 бергә атлаучы парлар чакырылган иде

Сәхнә түрендә ярты гасыр бергә гомер кичерүче Касыйм һәм Наҗия Гайнетдиновләр, Хәсби һәм Гөлфруз Җиһаншиннар, Мирза һәм Нурсәйлә Ильясовлар гаиләләрен хөрмәтләделәр.   Алар  үзләренең   тормыш юллары турында сөйләде, акыллы балалар тәрбияләү серләре белән уртаклашты, бер-береңне гафу итә белеп түзем һәм сабыр  булып яшәгәндә генә ныклы гаилә төзеп булганлыгын яшьләргә җиткерделеләр . Кадерлеләрен котларга балалары, кияү-киленнәре, оныклары да килгән иде. Авыл җирлеге башлыгы Алексей Тимофеевич юбилярланы тәбрикләп истәлекле бүләкләр тапшырды.