ЯҢАЛЫКЛАР

      Бар табигать бөреләнеп чәчәк аткан вакытта, кояшта бар җылысын, якты нурын мул итеп кешеләргә өләшкән вакытта бик матур бәйрәм –гаилә, мәхәббәт һәм тугрылык бәйрәме билгеләп үтелә. Алтын туйларын билгеләп узган, матур гаилә корып, тату-тигез гомер кичергән парларга Россия президенты указы нигезендә мәхәббәт һәм тугрылык медале булдырылды. Быел бу медальгә Балтач районы Яңгул авылында 62 ел бергә кулга кул  тотынып, уйны уйга ялгап  гомер кичерүче Гаптелбәр абый белән Нәзифә апа Гаптелбариевлар лаек булды. 2014 елның 8 июль көнендә Балтач мәдәният йортында юбилярларга медальне җылы теләкләрен юллап, район башкарма комитеты җитәкчесе урынбасары И.Ф.Гайнетдинов тапшырды.  Район ветераннар советы рәисе Абдуллин Р.А., шулай ук Яңгул авыл җирлеге башкарма комитеты җитәкчесе урынбасары Р.Х.Гыйлманова юбилярларга матур теләкләрен җиткерделәр. Шулай ук  2 номерлы балалар бакчасы нәниләре дә  үзләренең матур җыр-биюләрен тамашачыларга бүләк иттеләр. Бәйрәмдә яңа тормыш башларга ниятләп гариза биргән яшь парлар да катнашты. Гаптелбәр абый белән Нәзифә апа аларга тату гаилә серләрен ачып, изге теләкләрен җиткерделәр.

   2014 елның 11 июлендә Яр Чаллы шәһәренең Тантаналар сараенда үзләренең никахларын Игорь һәм Лилия Иониннар рәсмиләштерделәр. Бу парны бар җирдә мотоциклларда байкерлар колоннасы озатып барды. Байкерлар – кияүнең дуслары –барысы да күн курткалардан. Байкерлар туе – искиткеч күрении.

      8 июль — Бөтендөнья Гаилә, мәхәббәт һәм тугрылык көне буларак билгеләп үтелә. Бу көннең символы - ромашка чәчәге. Бу заманда һәр кешегә кайтып җылынырлык учак, сыенырлык урын, тыныч почмагы кирәк. Гаилә – ул  иң олы таянычыбыз, иң ышанычлы сыеныр урыныбыз. Гаиләләр тату һәм нык булса, жәмгыятебез дә нык булыр. Гаилә тормышы – һәрберебез өчен очсыз-кырыйсыз  хезмәт һәм сикәлтәле гомер юлы.

      Шул уңайдан 8 июль көнне Саба районында яшәүче Муллазяновлар гаиләсенә медаль тапшырылды. Бүләкләү тантанасында район башлыгы – Минниханов Рәис Нургали улы, район башкарма комитеты җитәкчесенен урынбасары – Шәрәфиев Таһир Габдрахман улы, ГХАТ бүлеге начальнигы – Шайхутдинова Алсу Имаметдин кызы катнаштылар. Нәҗип абый белән Нурания апай бергә 51 ел гомер итәләр. Биш бала устереп тәрбияләгәннәр. Райондашлар арасында хөрмәт белән файдаланалар. Пар канатлы, бер-берсеннән башка яши алмаучы, бер-берсен кайгыртып, яратып, шатлыкларын да, кайгыларын да бергә  уртаклашып яшәүче иң  матур гаилә бу.

      Бу көнне сәхнә түрендә үзләренең фарфор һәм көмеш туйларын билгеләп узучы гаилә  парлары булды. Күркәм парлар  күп төрле биремнәр үтәп,  мәхәббәтле парлар булуларын тагын бер кат расладылар.

      Кичәнең тагын бер истәлекле мизгеле – пенсия фонды җитәксесе Г.Зиннурованың Олы Кайбыч авылында яшәүче  Вәлиевлар һәм Әфләтуновлар гаиләләренә ана (гаилә) серификатын тапшыруы.

      Ә ромашка чәчәгеннән торган букетлар бу очрашуның хәтирәсе булып  озак елларга калыр мөгаен...

      Һәр ел, Лениногорск муниципаль районы муниципаль берлеге башкарма комитеты ГХАГ бүлеге эшчеләре 8 июль “Гаилә, мәхәббәт һәм тугрылык көненә” багышланган тантана уздыра . Тантанада озак, бергә тормыш юлын узган гаиләләргә медальләр бүләк ителде. Бу елда “Мәхәббәт һәм тугрылык” медаленә, Локманов Ринат Минехан улы һәм Ландыш Габбас кызы, гаиләсе лаек булды. Аларны Лениногорск муниципаль белем башлыгы, Рафикова Гөльфия Мәзит кызы тәбрикләде һәм медаль белән бүләкләде.

      14 яше тулган һәрбер граждан үзенең беренче паспортына ия була. Бу көн - яшь буын өчен бик куанычлы һәм жаваплы көн.

      Килгән барлык кунакларга, әти-әниләргә  һәм укучыларга “Казан” Гаилә үзәге буйлап экскурсия уздырылды.

      Әлмәт муниципаль районы җитәкчесе Салихов М.Х. инициативасы буенча шәһәрнең юбилей көнендә -  2013 елның 3 ноябрендә туучы балаларга “Сбербанк России” бүлегендә башлангыч капитал белән счетлар ачылды.

      Тантаналы рәвештә Пенсия фонды җитәкчесе Якупова Ф.А., “Акбарс-мед” саклык компаниясенең көньяк-көнчыгыш районара узәкнең директоры Шулепова А.И., “Автоградбанк” Әлмәт филиалы җитәкчесенең урынбасары Сиярбаева Л.С. катнашында икенче һәм өченче балалары туу хөрмәтенә яшь эниләргә ана капиталына сертификатлар һәм истәлекле бүләкләр тапшырылды.  Шулай ук “Әлмәт таңнары” гәҗите үткәргән “ Иң матур пар” конкурсына йомгаклар ясалды, җиңүчеләр билгеләнде. 

      8 июль – гаилә, мәхәббәт һәм тугрылык көне. Бу бәйрәм 2008 елдан бирле Россияда билгеләп утелә. Шул уңайдан, Яшел Үзән муниципаль районы башкарма комитеты ГХАТ бүлегендә, 12 яшь әти-әни, нәниләренең шәхес икәнлеген раслаучы беренче документны – туу турында таныклык  тапшыру тантанасы булып узды. Шулай ук 4 яшь пар үзләренең мөнәсәбәтләрен законлы рәвештә теркәде, олы тормышка аяк басты. ГХАТ бүлеге хезмәткәрләре “бәхетле парларны” жылы сүз һәм “гаилә, мәхәббәт һәм тугрылык” символы - акчәчәк бәйләме белән котлады, бәхетле тигез тормыш теләде.

      Кешелек тарихында гаиләнең үзәге булып мәхәббәт торган. Нәкъ шуңа күрә никахлашу тормышта бүгенге көнгә кадәр мөһим урынны алып тора.

      2014 нче елның 9 нче июлендә Казан шәһәре Киров районнының гражданлык хәле актларын теркәү идарәсендә буыннар бәйләнеше һәм гаилә традицияләренең әһәмиятен символлаштыру чарасы үткәрелде. Бу көнне туй маршы бер үк вакытта 2 пар өчен яңгырады: яшь парлар Михаил һәм Ольга Сергеевлар һәм "бриллиант" юбилярлар Әхмәтшиннарга. 

      Сергеевларның  никахлары 2014 елның 9 нчы июльне билгеләнгән,  ә Әхмәтшиннарның никахлары 60 ел элек 1952 нче елның 9 нчы июлендә Казан шәһәре Киров районнында теркәлгән.

      Җылы һәм йөрәктән чыккан теләкләр якыннары һәм туганнарыннан җиткерелде. Кадерле юбилярларны гаилә бәйрәрәмнәре белән котларга балалалары, туганнары килделәр.