ЯҢАЛЫКЛАР
Актаныш муниципаль районында атна саен спорт ярышларын үткәрү матур гадәткә керде. Бу атнаның якшәмбе көнендә чаңгы трассасында гөрләп чаңгы ярышы үтте. Ярышта балалар бакчаларыннан башлап - бөтен мәктәпләр, укытучылар, оешма җитәкчеләре, район Башкарма комитетының бүлек мөдирләре, хезмәткәрләре актив катнашты. Район ЗАГС бүлеге дә ярышның алгы сафында булды.
Лаеш муниципаль районы Атабай авылы җирлегендә 2015 елда беренче булып игезәк кыз балалар Риана һәм Раяна тудылар. Бу вакыйга балаларның әти-әниләре өчен онытмас зур вакыйга булып истә калачак.
9 февраль көне Югары Ослан муниципаль районы Олы Мəми авыл җирлегендә Сучковлар гаиләсе Николай улы Александр һәм Сергей кызы Клавдия 50 ел бергә тигез гомер итүләрен,алтын туйларын билгеләп үттеләр.
Бүген Казанда чираттагы тапкыр “Россия чаңгы юллары-2015” спорт ярышлары узды. Бүген иртәдән гаиләләре белән казанлылар һәм хезмәт коллективлары Залесный бистәсендә “Кояшлы” лагере территориясендәге ярышлар уза торган төп мәйданчыкка җыелды. Ярышларда Татарстан Республикасы Министрлар кабинеты ГХАТ идарәсе хезмәткәләре дә катнашты.
Традиция буенча, быел да берничә төркемле старт игълан ителде: спортчылар старты, 1 мең метрга гаилә белән йөгерү, 2,5 мең метрга VIP-узыш, шәһәр районнарының массакүләм узышлары, шулай ук вузлар һәм ссузлар узышлары.
Старт, гадәттәгечә, Танайка урманында башланды. Бу көнне Алабугада берьюлы 2564 кеше чаңгыга басты. 4,5 мең кеше чаңгычыларны һуплап, урманга ял итәргә чыкты. Стартта профессионаллар да, мәктәп укучылары, югары, урта белем бирүче уку йортлары студентлары, пенсия яшендәгеләр дә басты. Спорт ярышлары бәйрәм төсен алды, урман шау-гөр килеп торды.
Елда үткәрелә торган чаңгы ярышы быел 8 февраль коненә туры килде. Ярышта олысы-кечесе теләп катнаштылар. Көн салкын булуга карамастан ярышта катнашучыларын да, көч өстәп торучыларның да күңелләре көр иде.
Спорт чарасы Усад авылындагы автодромда узды. Анда бөтен районнан спортның әлеге кышкы төрен яратучылар җыелып килде.