ЯҢАЛЫКЛАР

Хәтер һәм кайгы көне – 22 июньдә Биекту районы Җиңү паркында митинг булды. Биредә 1941-1945 еллардагы Бөек Ватан сугышында тыл хезмәтчәннәре хөрмәтенә һәйкәл ачылды. Бүген безнең районда меңнән күбрәк  тыл хезмәтчәне яши. Митингта  сугыш ветераннары, районда яшәүчеләр катнашты. Шушы ук көнне Казаклар авыл җирлегендә һәлак булган якташларга багышланган истәлекле стеланы ачу тантанасы булды.

Россия Президенты Борис Ельцинның 1996 елның 8 июнь Указы белән 22 июнь - Бөек Ватан сугышы башланган көн - Хәтер һәм кайгы көне дип билгеләнде.

22 июньдә, Хәтер һәм кайгы көнендә, Спас районы Болгар шәһәрнең үзәк мәйданында һәлак булган якташларыбыз хөрмәтенә куелган обелиск янында митинг булды.

1 июльдән Казанда Су спорт төрләре дөнья чемпионаты алдыннан «The Minis United Buddy Bears» Халыкара нәфис күргәзмәсе ачыла. 31 августка кадәр толерантлык символы булган аюлар өчен "Казан" гаилә үзәге янындагы мәйданчык яңа өйгә әвереләчәк. Күргәзмәдә татар аюы сыны да катнашачак.

Табиб һөнәре – дөньядагы иң өлкән һөнәрләрнең берсе, һәм бүгенге көндә ул иң кирәклеләреннән санала. Һәрберебезнең, бер генә мәртәбә булса да, ярдәм һәм дәва сорап табибка мөрәҗәгать иткәне бар. Хәтта дөньяга яңа аваз салган сабыйның тууында да табиб катнаша. Хәзерге заман сәламәтлек саклау системасы һәм табибларның хезмәте авыруларны дәвалауга гына түгел, ә кешенең сәламәтлеген саклауга да юнәлдерелгән.