ЯҢАЛЫКЛАР
Җиде айда Баулы ГХАТ бүлегендә 227 туу турында акт теркәлде. Үзган елга караганда бу күрсәткеч 1,3% ка күберәк. Шулар арасында 130 малай һәм 97 кыз. Барысы 3 пар игезәк теркәлде.
5 августта Алабугада ЗАГС бүлеге 2 кызык номер белән эшләде. Аиша исемле нәни кызның туу 666 номерына туры килсә, яңа гаилә туу 333 номеры белән теркәлде.
2016 елның 5 август көнендә Иске Чишмә авылында Түбән Кама мунийипаль районы авыл җирлеге сәркатипләре катнашында еллык күчмә семинар узды.
2016 елның 24 июль көнендә Ходаковлар гаиләсендә тәүге уллары туды. Ул Азнакай районы Актүбә бистәсендә 50-нче бала булып теркәлде. Аңа Егор исеме бирелде. Әти-әнисе: Владимир Сергеевич белән Елена Евгеньевна, әби-бабалары төп чыгышлары белән шул ук бистәдән.
2016 елнын 5 август көнне Чернышевка авыл мәдәният йортында бәйрәм- тантана үтте. Генатуллин Усман Салиман улының һәм Дания Фәйзи кызының гаиләләренең 45 ел бергә гомер итүләрен билгеләп үттеләр. 3 бала үстереп, бүгенге көндә оныкларын тәрбияләүдә булышалар. Озак еллар Чернышевский совхозында хезмәтләрен куйдылар.
90 яшьлек гомер бәйрәме уңаеннан Гыйльмиҗамал Хәйруллинаны якыннары, балалары, белән бергә район башлыгы урынбасары Флюра Ногманова да котлады. Ул юбилярга район башлыгы Равил Кузюровның котлауларын ирештерде. Һәм бүләген тапшырды. Гыйльмиҗамал Мәрдегалимовна тормыш иптәше белән 4 бала тәрбияләп үстергән. Бүген ул 5 онык һәм 7 оныкчыгына шөкерана итә.
Яр Чаллы шәһәренең Тантаналар Сараенда Давыдовлар гаиләсе үзләренең олы бәйрәмнәрен, зөбәрҗәт туйларын үткәрергә җыелдылар. Тирә-яктагыларга җылылык һәм бәхет чаткыларын сирпеп алар 55 ел бергә матур, тату гомер иткәннәр.
Баулы муниципаль районында тантаналы рәвештә 19 яшьүсмергә Россия гражданы паспорты тапшырылды. Яшь гражданнарны ГХАТ бүлеге җитәкчесе Сирена Мөрсәлимова, эчке эшләр министрлыгының Баулы районындагы миграция бүлеге хезмәткәре Илүсә Исмагилова котладылар.
Бөгелмә шәһәрендә Татарстан Республикасы Бөгелмә муниципаль районы башкарма комитеты ГХАТ бүлеге ярдәме белән оештырылган хатын-кыз матурлыгы флешмобы узды. Мондый чара инде дүртенче тапкыр үткәрелде. Яңгыр явуга карамастан, гүзәл зат ияләре ГХАТ бүлеге каршындагы мәйданга җыелды.
Моннан нәкъ 1 ел элек төзелеп, файдалануга тапшырылган купшы ЗАГС бинасының никахны теркәү залында быел икенче сабыйлары туган бәхетле әни-бәбиләргә 4 августта унберенче тапкыр Ана капиталы сертификаты тапшырылды.